Skinfaxi - 01.07.1916, Blaðsíða 9

SKINFAXI
89
Fjórðnngsþing U. M. F.
Norðlendingafjórðungs
var haldið í húsi Ræktunarfélags Norður-
lands á Akureyri dagana 16.—17. apríl
síðastliðinn.
Mættir voru 14 fulltrúar frá 8 fjelögum.
Tvö félög í sambandinu sendu ekki full-
trúa.
Forseti þingsins var kosinn í einu hljóði
Jakob H. Líndal framkvæmdarstjóri, og
nefndi hann ritara Helga Eiríksson 2. þm.
„Árroðans“ og Jónas Kristjánsson þm.
„Framtíðarinnur“.
Helstu gerðir þingsins voru þessar:
I. Skýrði forseti (J. H. Líndal) frá gerð-
um fjórðungsins á liðna árinu, og var hið
helsta íþróttanámskeið, sem haldið var á
Akureyri fyrrihluta desembermánaðar síð-
astliðins. Lagði hann fram skrá yfir þá,
er notað höfðu kensluna. — Einnig skýrði
hann frá því, að eigi hefði verið hægt að
framkvæma vilja siðasta fjórðungsþings,
að eignast og girða Leyningshólaskóg í
Eyjafirði. Kvað þær ástæður valda, að
girðingarefni alt væri mjög dýrt, en lands-
stjórnin ófáanleg til þess að leggja nokk-
urt fé til þess fyrirtækis að svo stöddu-
Fjárhagur fjórðungsins hinsvegar svo bág-
borinn, að eigi gæti hann framkvæmt það
styrklaust.
II. Lagðir fram reikningar fjórðungsins,
endurskoðaðir, og samþyktir athugasemda-
iaust.
III. Skógræktarmál. í því var samþykt
að fara þess á leit við U. M. F. í fram-
hluta Eyjafjarðar, bæði utan sambands og
innan, að þau byrji nú í vor að grisja
skóginn í Leyningshólum, þrátt fyrir það
þótt girðing komist þar ekki á að svo stöddu.
Sömuleiðis að fela fjórðungsstjórninni að
fara þess á leit við Ræktunarfélag Norð-
urlands, að það leggi til mann, endur-
gjaldslaust, til leiðbeiningar við grisjunina.
IV. Þegnskylduvinna. I það var skipuð
7 manna nefnd og kom hún fram með
svohljóðandi tillögu, er var samþykt i einu
hljóði: Fjórðungsþing U. M. F. Norð-
lendingafjórðungs lýsir yfir því, að það
sé hlynt þegnskylduvinnu-hugmyndinni, en
álitur að óheppilegt hafi verið að bera
máhð undir þjóðaratkvæði, meðan ekkert
lagafrumvarp um framkvæmd málsins ligg-
ur fyrir til að greiða atkvæði um. Og
tekur þingið það skýrt fram, að þessi með-
ferð málsins er alls ekki að vilja eða til-
hlutun ungmennafélaganna, og bera þau þvi
enga ábyrgð á afleiðingum, sem þjóðar-
atkvæði um jafn óundirbúið mál getur haft
i för með sér.
Svohljóðandi viðaukatillaga kom fram
og var samþykt með 6 gegn 1 atkv.:
— — — enda vilja áskilja sér rétt fyrir
atkvæðisbæra félaga sina að sleppa at-
kvæðagreiðslu um málið, án þess þó að
það verði talið fylgisleysi við málefnið
sjálft, eða falli meiri hlutanum í vil.
V. Iþróltamál. I því var samþ.
1. Að Iþróttamót fyrir Norðlendingafjórð-
ung verði haldið á Akureyri — helst
dagana 17.—18. júní — i vor, og var
U. M. F. Akureyrar falin forstaða
þess.
2. Jafnframt samþ. að fela fjórðungsstjórn-
inni að tilkynna ungmennafélögunum
um íþróttamótið og hvetja þau til þess,
að taka sem mesta hluttöku í því og gefa
sig fram við framkvæmdarnefnd U. M.
F. Akureyrar að minsta kosti viku fyrir
mótið.
VI. Fyrirlestramál. I þvi var samþ.
1. Að fela fjórðungsstjórn að leitast fyrir
um góðan fyrirlesara handa ungmenna-
fél. innan sambandsins.
2. Að fara þess á leit við sambandsstjórn
U. M. F. I að veita fjórðungnum fjár-
styrk nokkurn, til þess að standa straum
af kostnaði við fyrirlestrahald meðal
ungmennafélaganna.
VII. Þessar eru helstu fjárveitingar úr
fjórðungssjóði.