Skinfaxi - 01.12.1969, Side 20

„Víkverjar“:
Gunnar R. Ingvarsson
(sveitarforingi)
Ágúst Bjarnason
Hjíylmur Sigurðsson
Kristján Andrésson
Sigurður Jónsson
„Mývetningar“:
Björn Yngvason
(sveitarforingi)
Ingi Þór Yngvason
Kristján Yngvason
Benedikt Sigurðss.
Pétur Vignir Yngvas.
Glímustjóri var Kjartan Bergmann,
yfirdómari Haraldur Jónsson, meðdóm-
arar Haukur Aðalgeirsson og Tryggvi
Haraldsson, og ritarar Jón Þorláksson
og Eysteinn Sigurðsson.
Leikar fóru þannig, að ,,Víkverjar“
hlutu 16 vinninga, en ,,Mývetningar“ 9.
Þar næst hófst bændaglíma. Þátttak-
endur frá ,,Víkverjum“ voru 12, en
heimamenn 14 og veitti ekki af. Bænd-
ur voru Ingvi Guðmundsson Víkver ji og
Björn Yngvason Mývetningur. Þess má
geta, að í þessum myndarlega glímu-
mannahópi voru fjórir unglingar um
fermingaraldur í hvoru liði. Ekki þarf
langt mál um leik þennan unz þar var
komið, að bóndinn Björn Yngvason
stóð einn uppi af heimamönnum, en
fjórir af aðkomumönnum. Sá Bjöm sér
þá ekki annað fært en skora á bónda
Víkverjanna, Ingva Guðmundsson.
Tókst Birni að fella Ingva, er varð vel
við falli sínu. En þvi næst hefndi Kristj-
án Andrésson foringja síns og felldi
Björn eftir allsnarpa og drengilega við-
ureign. Stóðu þá Víkverjar einir eftir
og var sigur þeirra verðskuldaður að
dómi allra viðstaddra.
Var það mál heimamanna, að þeir
hefðu ekki áður séð jafn þrautþjálfaðan
glímuflokk sem Víkverjarnir sýndu hér
nú, og má með sanni segja, að hér lofi
verkið meistarann.
I skilnaðarhófi, sem gestunum var
haldið, þakkaði Valdimar Óskarsson
móttökur og bauð glímuflokki frá Mý-
vetningi í heimsókn til Reykjavíkur,
þegar Mývetningar teldu sér bezt henta.
Það er mikið talað um það, að land-
anum beri að skoða og læra að þekkja
sitt eigið land og er það sannarlega gott
og gilt. Hitt er þó ekki síður mikilvægt
fyrir smáþjóð, sem býr í strjálbyggðu
landi, að hún kynnist sjálfri sér. Deilur
og missætti manna á milli, og jafnvel
félagasamtaka, stafa ekki hvað sízt af
ókunnugleik einstaklinganna á högum
hvers annars. Heimsókn sem þessi er
mikilvægt spor, stigið til réttrar áttar.
Hafið þökk fyrir komuna, Víkverjar.
Þráinn Þórisson.
ÁRSÞING GLÍMUSAMBANDS ÍSLANDS
Ársþing Glímusambands íslands var haldið
19. október sl. Samþykkt var m. a. að koma
á landsmóti í sveitaglímu, sem háð verði að
sumrinu. Glíma þessi fari að mestu fram
utan Reykjavíkur. Verði þátttaka góð, skal
viðhöfð útsláttarkeppni. Því var beint til
stjórnarinnar, að landsliðsnefnd GLÍ geri
tillögur um flokkun virkra glímumanna ár-
lega samkvæmt hæfni, getu og aldri. Fjallað
var um breytingar á þyngdarflokkaskiptingu.
í stjórn Glímusambandsins voru þessir
menn kjörnir:
Kjartan Bergmann Guðjónsson, Reykjavík,
formaður. Sigurður Erlendsson, Vatnsleysu,
Biskupstungum. Sigtryggur Sigurðss. Reykja-
vík. Ólafur H. Óskarsson, Reykjavík. Tryggvi
Haraldsson, Kópavogi.
20
SKINFAXI