Skinfaxi - 01.12.1969, Síða 22

ÞÖRF ATVINNUVAKNLNGAR
Og hér kemur bréf frá hinum aldna ung-
mennafélaga, Brynjólfi Melsteð á Bólstað í
Gnúpverjahreppi. Brynjólfur, sem nú er nær
áttræðu, hefur starfað mikið og gegnt trún-
aðarstörfum í ungmennafélögunum austan-
fjalls. Hann var m. a. í stjórn Skarphéðins
fyrr á árum.
Herra ritstjóri!
Það gladdi mig og yngdi upp, er ég las hina
ágætu yfirlitsgrein „Skinfaxi sextugur“. Árla
skai upp rísa og hvetja æskuna til fróðleiks
um liðna tímann í því skyni að þroska mann-
giidishugsjónir hennar nú á dögum.
Aldrei hefur samtíð æskunnar verið blendn-
ari en nú. Aldrei hefur alþjóð lagt fram
meira fé v.il handa ungu kynslóðinni en nú.
Það er margþættur vandi að taka við fram-
tíðarhlutverkinu af þeirri kynslóð, sem kaus
sér einkunnarorðin „íslandi allt“. Lærið af
reynslunni að gætið fengins fjár á öllum
sviðum lífsins. Það gerir sérhvern góðan að
geyma vel sitt og gæta hæfileika sinna bæði
andlega og efnalega og ekki sízt verklega.
Ungmennafélagshreyfingin mótaði hugsjónir
hinnar svokölluðu aldamótaæsku og þrosk-
aði hana til andlegs og líkamlegs atgervis.
Og enn sækir æskan gæfu og gengi og þrosk-
andi siðferði til ungmennafélaganna. Um það
vitna ekki hvað sízt tvö síðustu landsmót
UMFÍ, á Laugarvatni og á Eiðum. Lífið sjálft
er áhrifamesti skólinn. Ungmennafélögin hafa
Brynjólfur Mel-
steð t. h. ásamt
sr. Eiríki Eiríks-
syni. Myndin er
tekin í Vagla-
skógi á leiðinni
á Landsmótið á
Eiðum í fyrra.
verið okkur góður leiðbeinandi í þeim skóla,
aukið okkur áræði og þroskað okkur til at-
vinnu og íþrótta.
Við lestur afmælisgreinarinnar í Skinfaxa
rifjuðust upp fyrir mér ýmis íhugunarefni
um samtimann. Ungmennafélagshreyfingin
hefur verið leiðarsteinn fyrir æskufólk í
meira en sex áratugi og lagt drjúgan skerf
til verndunar móðurmáls okkar og þjóðernis.
Nú óttast menn atvinnuleysi. Verkefnin
eru að vísu næg, en það vantar peninga til
framkvæmdanna og ýmsir telja vinnuna ekki
lengur móður auðæfanna heldur auðæfin
móður vinnunnar. Þegnskapur og veraldleg-
ur vinnuskóli þurfa að koma til, þegar at-
vinnuvegirnir verða fyrir áföllum. Nú er þörf
á atvinnuvakningu til að auka lífsþroska
hinna ungu. Innan ungmennafélagshreyfing-
arinnar hefur alltaf búið þroskandi sjálfsagi.
Þar mun engan kala af kærleiksleysi útlends
áburðar. Sjálfs er höndin hollust. Aðhlynn-
ingu innlendra atvinnuvega og heilsurækt
með íþróttum þarf fólk að stunda á öllum
aldri og gera land okkar að bústað friðelsk-
andi menningarþjóðar.
Brynjólfur Melsteð.
FRAMTÍÐ GETRAUNANNA
Þess er að vænta að nýskipan getraunastarf-
seminnar sé nú skammt undan. Heimildin,
sem ÍBR, KSÍ og ÍSÍ fengu sl. vor, rennur út
nú um áramótin.
Nokkur blaðaskrif hafa orðið um getrauna-
málið, einkum eftir fyrirspurn, er fram kom
um málið á Alþingi. í skrifum einstakra
blaðamanna var málstaður ungmennafélag-
anna mjög affluttur og íþróttalögin rangtúlk-
uð. Stjórn UMFÍ hefur því birt skorinorða
yfirlýsingu til að skýra afstöðu sína og
hnekkja óhróðri í tveimur dagblaðanna. Af-
staða UMFÍ mótast af þeirri sanngjörnu og
sjálfsögðu skoðun, að eðlilegast sé að íþrótta-
nefnd eða einhver önnur samstarfsnefnd aðila
íþróttasjóðs, þ. e. UMFÍ og ÍSÍ, komi sér
saman um framtíðarskipulag getraunanna og
veitingu ágóðans til heilla íþróttastarfinu í
landinu. E. Þ.
22
SKINFAXl