Skinfaxi - 01.12.1970, Blaðsíða 19

UPPHITUN
Hlutverk upphitunar er að fá öndunar-
líffæri líkamans í gang og auka þannig
blóðrásina til vöðva líkamans, eða með
öðrum orðum að búa líkamann undir erf-
iði æfingarinnar. Upphitunin er lífsnauð-
syn hverjum þeim íþróttamanni, sem vill
ná framförum í íþrótt sinni og hindra
meiðsli. Snögg átök óupphitaðs íþrótta-
manns, eða íþróttamanns, sem hitað hef-
ur upp en látið sig síðan kólna á ný, hafa
oftast verið meginorsök þeirra meiðsla,
sem íþróttamenn verða fyrir við æfingar
sínar og í keppni.
Upphitunin er jafn mikilvæg fyrir æf-
inguna sem keppnina, því oftast er erfiði
íþróttamannsins sízt minna á æfingunni
en í sjálfri keppninni. Hægt er að hita
upp á margvíslegan hátt, og margt hefur
verið reynt, sem skemmtilegt er til fróð-
leiks, en að þessu sinni skulum við aðeins
líta á þá upphitun, sem við vitum að
flestir nota og hvað bezt hefur reynzt.
Hér á landi er oftast, vegna loftslags-
ins, nauðsynlegt að hita upp a. m. k. í
20—30 mín. og lengur þó, ef mjög kalt
er í veðri. Mestum hluta þessa tíma er
varið til að lilaupa létt og án átaka með
mismunandi skrefum og hraða auk tals-
verðs af léttum líkamsæfingum, sem þó
hljóta að verða allbreytilegar eftir ein-
staklingum og eins eftir því hvernig veðr-
ið er, t. d. hvort hægt sé að leggjast á
jörðu eða ekki. Sú upphitun, sem ég hefi
notað mest hér heima og mæli með að
þessu sinni, er í stórum dráttum sem hér
segir:
A — ca. 7—9 mín. létt hægt skokk.
Komið gjarna niður á allan fótinn.
B — ca. 2—4 mín. léttar teygjuæfingar.
1. Staðið með fætur sundur: Mjöðm-
um rúllað í hringi, ca. 6 hvora
leið.
2. Staðið með fætur sundur: Mjúkar
hliðbeygjur með áherzlu, ca. 6
hvora hlið.
3. Staðið með fætur sundur: Mjúkar
bolvindur með annsveiflu og
áherzlu, ca. 6 hvora hhð.
4. Staðið með fætur sundur: Rólegar
bolhringsveiflur, ca. 4 hringir í
hvora átt.
SKINFAXI
19