Skinfaxi - 01.04.1971, Qupperneq 7
Hlutverk
ungmennafélaganna
er stórt
Rætt við Sigurð Greipsson
Þegq,r málefni ungmennafélag-
anna eru rædd minnast menn fyrr
eða síðar á Sigurð Greipsson. Ailt
frá unglingsárunum hefur hann
verið starfandi ungmennafélagi af
lífi og sál, og ungur var hann fræk-
inn afreksmaður i iþróttum. For-
maður Héraðssambandsins Skarp-
héðins var hann í 45 ár og í stjórn
UMFÍ var hann í mörg ár. í rúm 40
ár starfrækti hann íþróttaskólann
í Haukadal, og frá öndverðu hefur
sá skóli verið ungmennafélögunum
og íþróttahreyfingunni hollur upp-
alandi og góður aflgjafi. Á þessum
vettvangi er hið kraftmikla lífsstarf
Sigurðar Greipssonar, sem órjúfan-
lega er tengt ungmennafélögunum.
Á miðjum vetri heimsækir Skinfaxi
Sigurð í Haukadal til að eiga með honum
dagsstund við Geysi og rifja upp gömul
°g ný mál og minningar.
— Eg keppti fyrst í glímu 18 ára
gamall á héraðsmótinu í Þjórsártúni 1916.
þá sigraði Sighvatur í Hemlu, en ég fékk
fegurðarglímuverðlaunin.
■— Hvernig voru íþróttamótin á fyrri
árum Skarphéðins?
— Ræðuhöld og söngur voru alltaf og
stundum fleiri dagskrárliðir, og svo var
keppt í frjálsum íþróttum og glímu. í
sundi var fyrst keppt 1926. Það var
stundum erfitt að fá menn til að keppa,
og það kom fyrir að það varð að ganga
að mönnum í áhorfendaskaranum og
„þröngva“ þeim til keppni.
— Hvernig voru aðstæðurnar?
— Gamli íþróttavöllurinn í Þjórsártúni
var byggður 1911, auðvitað með hand-
verkfærum í sjálfboðavinnu. Það var mik-
ið afrek. Það var lögð mikil áherzla á, að
héraðsmótin féllu ekki niður, svo að þráð-
urinn slitnaði ekki, en stundum var þetta
erfitt vegna óveðurs. Árið 1928 var t. d.
ausandi slagveður á mótsdaginn, og við
leituðum skjóls í stórri tjaldbúð. Meðal
ræðumanna var Árni Pálsson prófessor,
en regnið buldi af slíku afli á tjaldinu að
hann áleit tilgangslaust að halda ræðuna.
Eg sagði að víst skyldi hann fara í ræðu-
stólinn, því að fólkið vildi a. m. k. fá að
sjá hann. Þá sagði Árni: „Mikil er trú
þín, kona“ og fór í ræðustólinn. Á eftir
sýndu nemendur mínir úr íþróttaskólan-
um leikfimi þar í tjaldinu við góðar und-
SKINFAXI
7