Skinfaxi - 01.04.1972, Qupperneq 10

Landgræðsla
ungmennafélaga 1971
Hér á eftir fer yfirlit um landgræðslu-
starf ungmennafélaganna árið 1971.
Skrifstofa UMFI hefur tekið yfirlit sam-
an eftir beztu fáanlegu heimildum, en
samt ber að hafa það í huga að þetta er
bráðabirgðaryfirlit. I skýrslum héraðs-
sambanda og félaga vantar oft betri upp-
lýsingar um þennan þátt starfsins, og oft
hefur reynzt erfitt að fá nákvæmar tölur
eftir á. Tölurnar í yfirlitinu eru þó ekki of
háar en í sumum tilfellum að líkindum of
lágar. Einnig er hugsanlegt að í yfirlitið
vanti þætti einstakra aðila, en viðkom-
andi eru beðnir að láta þá skrifstofu
UMFÍ vita um það.
Víðast hvar er í yfirlitinu greint frá
landgræðslunni á sambandssvæðum hér-
aðsambandanna. Þess ber þó að gæta, að
sums staðar hafa héraðssamböndin stað-
ið fyrir landgræðslunni, en sums staðar
einstök félög eingöngu og enn annars
staðar bæði héraðssambönd og félög.
Ungmcnnafélagar í öllum landshlutum hafa ligt fram stóran skerf i baráttunni gegn gróð-
ureyðingu landsins. Á síðasta ári sáðu ungmennafélagar yfir 200 lestum af fræi og áburði i
uppblásið og örfoka land, og einnig í jarðsár meðfram vegum. Á myndinni sjást húnvetnsk-
ir ungmennafélagar við landgræðslustörf.
10
SKINFAXI