Skinfaxi - 01.04.1972, Blaðsíða 18

JSr jrnn. '
Dr. Richard Beck B
75 ára |
Dr. Richard Beck prófessor við ríkis- háskólann í Norður-Dakoda í Bandaríkj- unum varð 75 ára 9. júní s. I. Dr. Richard stundaði háskólanám vestan hafs og hef- ur verið búsettur þar síðan. Hann er öll- J ’s)É'
um íslendingum kunnur fyrir forystu í
þjóðræknismálum íslendinga í Vestur-
heimi og ekki síður fyrir óþreytandi land-
kynningarstarf þar vestra. Hann er mjög
vinsæll fyrirlesari og flutt fjölda fvrir-
lestra og skrifað greinar um ísland og
Islendinga.
íslendingar standa í mikilli þakkar-
skuld við dr. Richard Beck fyrir starf
hans, og mörgum er hann að góðu kunn-
ur frá heimsóknum hans á Islandi. I æsku
sinni var hann einn af þeim ungu mönn-
um sem óx upp með ungmennafélags-
hreyfingunni og hún með þeim. Æ síð-
an hefur hann sýnt samtökunum tryggð
og stuðning. I bréfi til Skinfaxa, sem rit-
að er skömmu fyrir 75 ára afmælið segir
hann m. a.:
„En sem ungmennafélagsmaður á
yngri árum mínum, bæði austur í átt-
högum mínum í Reyðarfirði og á Akur-
eyri, á ég ungmennafélögunum þakkar-
skuld að gjalda fyrir holl hugsjónaleg og
þjóðræknisleg áhrif, tekur það einnig til
Skinfaxa, sem ég hef lesið bæði á mín-
um yngri árum heima á ættjörðinni og
síðan ég fluttist vestur um haf haustið
1921. Ævifélagi í Ungmennafélagi ís-
lands gerðist ég 1937. Skinfaxi hefur
sýnt mér þann sóma að birta eftir mig
margar greinar, ræður og ljóð. Einnig
hef ég í heimferðum minum til ættjarð-
arinnar notið þeirrar ánægju að flytja
ræður víða á ungmennafélagssamkom-
um, Þetta hefur haldið mér í tengslum
við félögin og félagsfólk, enda hef ég átt
og á fjölmarga góðvini í þerra hópi, sem
ég met mikils. Allt verður þetta mér of-
arlega í þakklátum huga á þeim tíma-
mótum ævi minnar, sem nú fara í hönd.“
Og á þessum tímamótum í ævi sinni
sendir dr. Richard Beck Skinfaxa nýtt
kvæði, sem hann hefur tileinkað íslenzku
ungmennafélögunum. Fyrir það skulu
honum færðar þakkir og einnig fyrir allt
hans óeigingjarna starf sem útvörður
þjóðarinnar í annarri heimsálfu. Skinfaxi
sendir honum hamingjuóskir og ámar
honum allra heilla á afmælinu.
18
SKINFAXI