Skinfaxi - 01.04.1976, Síða 25

MARGIR AÐ VERKI 1 HSÞ
Félagar í Héraðssambandi Suður-Þing-
eyinga voru um síðustu áramót 1180 að
tölu í 13 félögum. Þátttaka í hinum ýmsu
iþróttagreinum og félagsstörfum var
mjög góð sem sést á þvi að þátttakendur
voru 2425 í 23 greinum starfsins. Sýnir
þetta hversu virkir félagarnir eru, en
fjölmennustu flokkarnir voru: knatt-
spyrna 378, nefnda- og stjórnarstörf 300,
handknattleikur 268, frjálsar iþróttir 263
og sund 215.
Þessar upplýsingar komu fram á árs-
þingi HSÞ, sem haldið var í Skútustaða-
skóla 1. og 2. maí sl. _____
Fjölþætt íþróttastarf
íþróttafólk HSÞ tók þátt i mörgum
íþróttamótum bæði innan héraðs og ut-
an. Ber þar hæst landsmótið á Akranesi.
Þangað fór stór hópur iþróttafólks og
stóð sig með mikilli prýði, — HSÞ varð
í þriðja sæti i heildarstigakeppni mótsins
með 156,5 stig. Norðurlandsmótið í frjáls-
um íþróttum vann HSÞ með 156,5 stigum
og Bikarkeppni FRÍ, 2. deild, með 136
stigum. Frjálsíþróttafólk frá HSÞ tók þátt
i Danmerkurferð UMFÍ, unglingakeppni
FRÍ og fleiri mótum. HSÞ á nú orðið einn
besta glímuflokk landsins, og tóku þing-
eyskir glimumenn þátt i öllum helstu
landsmótum í glímu. Mikil þátttaka var
i knattspyrnu, öllum flokkum, bæði inn-
an héraðs og utan. Húsavik er eini stað-
urinn þar sem skíðaíþróttir eru stundað-
ar og tóku Húsvíkingar þátt i mörgum
skíðamótum. Að lokum skal þess getið að
hópur unglinga frá Húsavík fór í keppn-
isferð til Álaborgar i Danmörku og keppti
í knattspyrnu og handknattleik. Stúlk-
urnar unnu handknattleikskeppnina, en
piltarnir urðu númer 2 í handknattleik
og í þriðja sæti í knattspyrnu.
í héraði
HSÞ stóð fyrir Laugahátið 1975 um
verslunarmannahelgina. Tókst þessi há-
tíð vel, og hefur verið ákveðið að halda
áfram slíku hátiðahaldi.
Á hinu árlega héraðsmóti HSÞ i frjáls-
um iþróttum varð Völsungur á Húsavik
stigahæsta félagið með 98 stig. Einnig
var haldið héraðsmót fyrir unglinga, og
Myidin er tekin á síð-
asta ársþingi HSÞ að
Skútustaðaskóla í vor.
(Ljósm. S. Geirdal)
SKINFAXI
25