Skinfaxi - 01.08.1977, Blaðsíða 3

r~SKÍWFAXI
Ritstjóri og ábyrgðarm.: Gunnar Kristjánsson. — Út koma 6 hefti á ári.
Tímarit Ungmennafélags íslands — LXVIII. árgangur— 4. hefti 1977
Þrastaskógur
Stærsta gjöf og eflaust mesta viðurkenning
sem Ungmennafélagi íslands hefur hlotnast
fyrr og síðar er þegar hinn landskunni athafna-
maður Tryggvi Gunnarsson, með gjafabréfi
ánafnaði UMFÍ á 60. afmælisdegi sínum 28.
október 1911, 45 hektara landsvæði austur við
Sog í Grímsnesi, og félagsskapurinn gaf síðan
nafnið Þrastaskógur. Allt frá fyrstu tíð hefur
þar verið unnið mikið starf á sviði skógræktar,
en það mun hafa verið skógræktaráhugamað-
urinn Guðmundur Davíðsson, sem hóf þessi
störf í skóginum, girti af svæðið og gaf því
nafn.
Málefnum Þrastaskógar miðar síðan veru-
lega í tíð Aðalsteins heitins Sigmundssonar,
bæði á sviði ræktunarmála og mannvirkjagerð-
ar og þá er Hótel Þiastalundur byggt, þ. e. árið
1930 sem í þá tíð var eitt glæsilegasta gistihús
landsins og myndarlega rekið af Elínu Egils-
dóttur veitingakonu.
Arftaki Aðalsteins sem skógarvörður í
Þrastaskógi var frændi hans Þórður Pálsson
frá Eyrarbakka en hann hafði starfað í skógin-
um 7 sumur sem aðstoðarmaður Aðalsteins
áður en hann tók við starfi skógarvarðar.
í tíð Þórðar Pálssonar var mest unnið að
skógrækt í Þrastaskógi og hlaut hann meðal
annars verðlaun frá skógræktarfélagi íslands
fyrir árangursrík störf á því sviði.
Segja má að síðari tíma ábúð, eða upp-
bygging, hefjist í Þrastaskógi með byggingu
leikvangsins við Tryggvatré, sem lokið var að
mestu sumarið 1966 og byggingu Nýja-Þrasta-
lundar sem lokið var á miðju sumri 1955.
Frá þeim tíma hefur ferðamannamóttaka
stöðugt farið vaxandi í Þrastalundi, sem hefur
á þessum tíma verið myndarlega rekin.
UMFÍ á nú verulegar eignir að mestu skuld-
lausar í Þrastaskógi og hefur uppi áform um
að auka þær verulega á næstu árum. Þar eru
efst á óskalista orlofsbúðir eða aukin húsnæð-
isaðstaða, aukin íþrótta- og útivistarsvæði og
enn myndarlegri ferðamannaþjónusta.
Allt er þetta framkvæmanlegt ef vilji og
áhugi eru fyrir hendi.
Ungmennafélagar Enn eru í fullu gildi orð
frumherjans Guðmundar Davíðssonar: „Að eft-
ir umhirðu og ástund sinni í Þrastaskógi verður
félagsskapurinn að verulega metinn, út á við.“
Leggjum því allan metnað okkar í sem myndar-
legasta ábúð og mannvirkjagerð í Þrastaskógi.
Heilir til starfa.
H. Þ.
SKINFAXI
3