Skinfaxi - 01.08.1977, Blaðsíða 8

stytta þann tíma sem við dvöldum í
Sovétríkjunum, einnig Vladimir sem
var með okkur allan tímann og sá um
af mikilli kostgæfni að allt væri klapp-
að og klárt á hverjum tíma.
Hlýlegar móttökur þeirra eyddu á
svipstundu þeim beyg, sem gjarnan
sest að ferðalangi í ókunnu landi.
Á meðan við bíðum eftir að farang-
ur okkar komi í ljós greinir Andrei
okkur frá því i aðalatriðum hver verði
dagskrá þessarar heimsóknar okkar,
en við höfðum harla lítið vitað hvað
biði okkar, er við lögðum af stað í
þessa ferð.
Á þessum fyrsta degi sem senn er
að kveldi kominn er aðeins einn dag-
skrárliður, kvöldverður.
Ferðin frá flugvellinum tekur
klukkustund en hótelið sem við dvelj-
um á þessa fyrstu nótt okkar í Moskvu
er nálægt miðborginni. Það heitir
Junost og er í eigu Sovéska æskulýðs-
sambandsins. Hótelið er nokkuð kom-
ið til ára sinna og mesti glansinn far-
inn af þvi.
OLYMPÍULEIKVANGURINN
Út um gluggann á herbergjunum
blasir við geysimikil bygging, þar
reynist vera Lenin-leikvangurinn, en
á þeim stað verða Ólympíuleikarnir
háðir 1980. Undirbúningur er þegar í
fullum gangi, segir Vladimir í gegnum
túlkinn okkar, og stórvirkir kranar
sem stóðu á víð og dreif um svæðið
staðfestu það með nærveru sinni að
mikið stæði til.
Síðar kemur á daginn að þegar er
búið að teikna merki leikanna, bæði
aðalmerkið sem og merki einstakra
greina, þetta kemur í ljós er við,
staddir í gjaldeyrisverslun, rekum aug-
un í barmmerki í þúsundatali. Hinir
eigulegustu gripir og ekki mjög dýrir.
LITAST UM í MOSKVU
Annar dagur dvalarinnar er runninn
upp bjartur og fagur, iðandi mannlíf
á götum úti, og við förum ásamt túlk-
inum í skoðunarferð um næsta ná-
grenni hótelsins, eða upp á hæðir
kenndar við stórmennið í glerkist-
unni. Þar uppi er mikill háskóli með
háum tumi en frá brún hæðarinnar
er dágott útsýni. Þar í brúninni eru
tveir skíðastökkpallar og ungmenni að
æfa skíðastökk þótt hásumar sé og
enginn snjórinn.
Ekki gefst langur tími til skoðunar
því fljótlega eigum við að mæta á
fundi með varaformanni æskulýðs-
sambandsins, þeim sem tók á móti
okkur á flugvellinum í gær, Andrei
Filipov. Við notum tímann sem það
tekur að aka þangað til að horfa í
kringum okkur, við ökum smáspöl
meðfram Moskvuflj ótinu sem hlykkj-
ast gegnum stórborgina, svifbátar full-
ir af ferðafólki þjóta um fljótið, sums
staðar standa menn við bakkann með
veiðistöng og dorga.
Hvert sem litið er mætir augum
mikill trjágróður bæði að vexti og
magni og nokkra furðu vekur hversu
andrúmsloftið er hreint.
Á fundinum með Andrei sem er
þægilegur og glaðlegur maður, þéttur
á velli, fræðumst við um starfsemi
Sovéska æskulýðssambandsins mátt
þess og megin ...
HALDIÐ TIL KÁKASUSFJALLANNA
Er við höfum að loknum fundinum
8
SKINFAXI