Skinfaxi - 01.08.1979, Page 13

Evrópusáttmáli
um íþróttir fyrir alla
Samþykktur af ráðherrafundi íþróttamálaráðherra Evrópu-
landa í Brussel (1975).
1. gr.
Sérhver einstaklingur hefur rétt til þátttöku í íþróttum.
2. gr.
Hvetja skal til þátttöku í íþróttum, sem eru mikilvægur þáttur mannlegs þroska, og veita skal
hæfílegan stuðning úr sjóðum hins opinbera.
3. gr.
íþróttir eru þáttur í menningarlegri og félagslegri þróun, og þvi skulu þær tengjast stefnumörkun
og áætlunum, svo sem i menntamálum, heilbrigðismálum, félagslegri þjónustu, náttúruvernd,
listum og tómstundastarfi, innan sveitarfélaga, héraða og landa.
4. gr.
Sérhver ríkisstjórn skal stuðla að stöðugri og virkri samvinnu milli stjórnvalda og samtaka áhuga-
fólks, og skulu þær einnig hvetja til þess að efldir verði stjórnunaraðilar er hafi það hlutverk að
þróa og samræma íþróttir fyrir alla.
5. gr.
Leita skal leiða til að vernda íþróttamenn fyrir misnotkun i þágu stjórnmála eða til viðskiptalegs
eða fjárhagslegs ávinnings, og einnig til að verja þá gegn móðgandi eða niðurlægjandi meðferð,
þar með talin óleyfileg lyfjanotkun.
6. gr.
Þar sem þátttaka í íþróttum byggist meðal annars á því að aðstaða sé fjölbreytt og aðgengileg þá
ber að lita svo á að heildaráætlanir um íþróttaaðstöðu heyri undir opinbera aðila, og skal i því
efni tekið tillit til aðstæðna og þarfa á hverjum stað, svæði eða landi, og skulu áætlanir fela i sér
aðgerðir er miðast við nýtingu nýrra mannvirkja jafnt sem þeirra sem fyrir hendi eru.
7- gr.
Setja ber lagaákvæði þar sem við á, er tryggja almenningi aðgang að landi og vatni til tómstunda-
iðkana.
8. gr.
í sambandi við allar áætlanir á sviði íþrótta ber að viðurkenna þörfina á hæfu starfsfólki á öllum
sviðum stjórnunar, framkvæmda, forstöðu og þjálfunar.
Frá íþrótta- og æskulýðsntáladeild
menntamálaráðuneytisins
Þorstcinn Einarsson.
SKINFAXI
13