Skinfaxi - 01.04.1987, Page 7

Lottó 5/32
"Lottóið á ekki að fara framhjá neinum"
Rætt við framkvæmda-
stjóra "íslenskrar Getspár",
Vilhjálm Vilhjálmsson, um
Lottóið - Það sem kom á
óvart og það sem kom ekki á
óvart
Það er óhætt að segja að
Lottóið sé lýsandi dæmi um
íslenskan "getspáráhuga" og það
hversu langt hann getur gengið.
Salan á Lottómiðum hefur farið
fram úr björtustu vonum, svo er
þessum "getspáráhuga" landans
fyrir að þakka.
íslensk Getspá nefnist fyrir-
tækið sem eignaraðjlar íslenska
Lottósins (UMFÍ, ÍSÍ og Öryrkja-
bandalag Islands) stofnuðu, til
að sjá um rekstur Lottósins.
Skinfaxi hafði samband við
framkvæmdastjóra þessa fyrir-
tækis, Vilhjálm Vilhjálmsson, og
ræddi við hann um stöðu mála
þar á bæ. Vilhjálmur segir
meðalsöluna þessa dagana vera
um það bil 12,5 milljónir
íslenskra króna á viku.
"Hún hefur reyndar farið í einar
17.4 milljónir þegar mest var. Það var
þegar risapotturinn var í mars. Þá
stóðum við hér nokkrir fyrir framan
tölvuna hjá mér á laugardagskvöldinu
og fylgdumst með hvemig heildartalan
hækkaði. Um það bil mínútu áður en
sölustöðum var lokað, var fyrsti
vinningurinn enn undir sex milljónum
króna. Við höfðum tekið nokkra
áhættu með því að auglýsa að fyrsti
vinningur gæti farið yfir sex milljónir.
Það hafðist á síðustu sekúndunum.
Fyrsti vinningurinn varð sex milljónir,
eitt þúsund, þrjú hundruð og sex
krónur", segir Vilhjálmur, brosandi.
"Heildar afgreiðslufjöldinn á
kössunum um allt land varð 131.736.
Og í framhaldi af því má nefna að frá
upphafi Lottósins og til marsloka hafa
verið greiddar út rúmar 76 milljónir
króna í vinninga. Við höfum nú greitt
út 75 milljónir til eignaraðila.
Ég get nefnt þér dæmi um
ákafann á síðustu mínútum fyrir lokun.
Um allt land eru allt að 400 afgreiðslur
á síðustu mínútunni fyrir lokun. Það
er samt engin hætta á að kerfið springi
því tölvan og símalínukerfið geta tekið
við allt að 16.000 afgreiðslum á
mínútu."
Samkeppnin
Vilhjálmur hefur farið erlendis
sérstaklega til að skoða Lottó í öðrum
löndum. Hvað sýnist honum um
mögulega samkeppni, frá Happaþrennu
Háskólans, til dæmis?
"Eins og við vitum fór
Happaþrennan í roksölu," svarar
Vilhjálmur. "Hún seldist hreinlega
upp. Svo er eftir að sjá hvað um hana
verður. Persónulega held ég að
Happaþrennan komi til með að skila
góðum arði fyrir Háskólahappdrættið.
Erlendis hefur Lottóið farið
hægt af stað en aukist jafnt og þétt og
síðan haldist í mjög góðri sölu. Það
gerðist hins vegar ekki hér eins og við
vitum. Það fór strax í roksölu og hefur
að heita má verið í roksölu síðan. Ég
held mér sé óhætt að segja að Lottóið
hafi hvergi í heiminum slegið eins
rækilega í gegn og hér á landi. Eftir
því sem ég best veit, áttu Norðmenn
metið í sölu áður en Lottóið kom
hingað. Hjá þeim varð salan mest 16
milljónir norskar krónur á fyrstu dögum
Lottósins. Meðalsala á hvert
mannsbarn í Noregi var fyrstu vikuna
21 króna íslensk, hér varð hún aftur á
móti 27.60 krónur á hvert mannsbam,
og hefur aukist mikið síðan. Þannig að
Norðmenn komast víst ekki með tæmar
þar sem við höfum hælana.
En ef við höldum áfram með
talnaleiki, þá hef ég hér tölur frá 13
fylkjum í Bandaríkjunum um sölu á
hvert mannsbarn á viku. Þar var hún
vikulega 10,50 krónur íslenskar að
meðaltali á fyrsta árinu. Eftir 3 ár hún
hins vegar 14,22 krónur. Ef tekið er
meðaltal af þessari meðalsölu hér á
landi frá upphafi til marsloka er hún 43,
60 í hverri viku."
Beinlínukerfið
-En hver heldur þú að séu
ástæðurnar fyrir þessu góða gengi
Lottósins hér á íslandi?
"Það eru nú sjálfsagt nokkrir
"Hér sér tmiður allt sem vert er að sjá..." Vilhjálmur við útstöð frá móðurtölvu
Lottósins. Ljósm. IH.
7