Skinfaxi - 01.04.1987, Page 10

sambandið beitti sér fyrir tölvu- og
félagsmálanámskeiðum á árinu.
Á fjölmörgum þingum hafa
komið upp umræður um byggðamál í
ýmsu formi og ályktanir samþykktar
þar að lútandi. Svo var einnig í
Brautarholti. Samþykkt var ályktun
um héraðsskólann að Reykjum, að
komið skuli á menntaskóla þar. Þá má
einnig geta þess að samþykkt var að
stefna að því að fá að halda Landsmót
UMFÍ árið 1996 í Borgarfirði.
Ný stjórn var að sjálfsögðu
kjörin. Sambandstjóri í nýrri stjórn er
Sigríður Þorvaldsdóttir, Hjarðarholti,
varasambandsstjóri er Björn Júlíusson á
Hvanneyri og ritari Gísli Einarsson í
Bæjarsveit.
usvs hélt 14. febrúar 18.
ársþing, að þessu sinni í Vík í Mýrdal.
Þar mættu fulltrúar frá öllum 5
aðildarfélögum USVS. Eins og annars
staðar var Lottóumræða mikil. í
kjölfar upplýsinga um Lottóágóða er
mikil bjartsýni ríkjandi á starfið
framundan og var meðal annars ákveðið
að ráða starfsmann í hlutasstarf allt
árið. Einnig hefur stjórn sambandsins
hug á því að ráða þjálfara í sumar sem
myndi ferðast milli félaga. Af
fjölmörgum tillögum sem samþykktar
voru á þinginu er að finna samþykkt
um að koma á fót æfingabúðum fyrir
keppendur sem fara á Landsmótið á
Húsavík í sumar. Þá voru
aðildarfélögin hvött til að hafa samstarf
í leiklistarmálum. Ákveðið var að
stefna að Unglingabúðum í sumar og
gera betur en síðasta sumar en þá féllu
slíkar Unglingabúðir niður vegna
ónógrarþátttöku.
Ný stjórn var kjörin og skipa
hana Steinþór Vigfússon sem er for-
maður, ritari er Magnea Þórarinsdóttir,
gjaldkeri er Páll Pétursson og með-
stjórnendur Guðný Sigurðardóttir og
Guðlaug Ólafsdóttir.
UMSK (Ungmennasamband
Kjalarnesþings) hélt sitt árlega
héraðsþing að Félagsgarði í Kjós og
voru menn ekki ánægðir með mætingu
á þing þessa fjölmennasta héraðssamb-
ands landsins. Upp er nú komin
hugmynd um að taka upp sama
fyrirkomulag og Skarphéðinsmenn, að
láta mætingu á þing vega 5 % í
skiptingu Lottóhagnaðar til félaga.
Þingið var annars starfssamt og
miklar umræður, mestar auðvitað um
Lottómál. Greinilegt var að þarna var
um það að ræða að samræma hagsmuni
stórra og lítilla félaga á sambands-
svæðinu sem liggur umhverfis
Reykjavík, frá Kjalarnesi til
Garðabæjar. Innan sambandsins eru
stórveldi í íslensku íþróttalífi á borð
við Ungmennafélagið Breiðablik úr
Kópavogi og Ungmennafélagið
Stjörnuna úr Garðabæ, hið síðamefnda
hefur innan sinna vébanda nýkrýnda
Bikarmeistara í handknattleik karla.
Ákvörðun um skiptingu Lottóhagnaðar
var hins vegar látin í hendur sérstakrar
Lottónefndar sem starfar þessa dagana.
Nýja stjórn sambandsins skipa;
Hafsteinn Pálsson, formaður, Svanur
M. Gestsson, varaformaður, Ólína
Sveinsdóttir, ritari, Elsa Jónsdóttir,
gjaldkeri og Lárus Pétursson,
meðstjórnandi.
HSÞ (Héraðssamband Þing-
eyinga) hélt sitt þing í Skútustaðaskóla
við Mývam 15. mars síðastliðinn í
miklu blíðskaparveðri. Eins og
kunnugt er sjá Þingeyingar um
Landsmótið að þessu sinni og snerist
því þinghaldið mikið um það. Guðni
Halldórsson mætti á svæðið og svaraði
spurningum þinggesta. Hann var
meðal annars spurður að því hvað
mætti búast við að gerðist ef 2
prósentin yrðu gildandi hvað varðar
veður (fróður maður hefur sagt að 2 %
lfkur séu á rigningu og slagveðri á
Húsavík í júlí). Guðni svaraði því
þannig að þá myndu Húsvíkingar bara
opna hús sín fyrir Landsmótsgestum.
Guðni hélt mikla hvatningarræðu yfir
þinggestum og hvatti Þingeyinga til að
leggjast alla á eitt um að gera
Landsmótið sem glæsilegast. Sagði
hann að það mætti ekki gerast að
munað yrði í framtíðinni eftir þessu
fólki sem þeim Þingeyingunum er
glutruðu niður Landsmótinu. Af
Landsmótsundirbúningi var hins vegar
allt gott að frétta og er ljóst að nú
stefnir í eitt glæsilegasta landsmótið frá
upphafi.
Eins og víða annars staðar var
samþykkt ályktun sem snertir byggða-
mál, að þessu sinni um vegamál.
Samþykkt var að beina þeirri áskorun
til þingmanna kjördæmisins að þeir
beiti sér fyrir lagningu varanlegs vegar
vegar yfir Fljótsheiði milli Fosshóls og
Einarsstaða. Vegur þessi er mjög
mikilvægur fyrir S-Þingeyinga, aðeins
9 km. að lengd en er hins vegar ófær
mest allan veturinn. Taldi þingið hann
standa eðlilegu mannlífi í S-
Þingeyjarsýslu fyrir þrifum.
UMSS (Ungmennasamband
Skagafjarðar) hélt ársþing sitt að
Sólgörðum í Fljótum, laugardaginn 4.
apríl síðastliðinn. Þingið var fjörugt
og starfssamt. Tilkynnt var á þinginu
að tvö félög liefðu óskað inngöngu í
sambandið, "íþróttafélagið Neisti" á *
Hofsósi og "Hestaíþróttadeild Skaga-
fjarðar" og var það samþykkt. Það
vakti nokkra athygli að af 14 félögum í
UMSS mættu fulltrúar frá einungis 7
þeirra. Til dæmis mætti enginn fulltrúi
frá öðru hinna nýju félaga sem óskaði
inngöngu í sambandið, Hestaíþrótta-
deild Skagafjarðar.
Meðal þess sem samþykkt var á
þingi Skagfirðinga var að koma á
ungmennabúðum og var stjórn
sambandsins falið að koma því í verk.
Sólgarðar voru taldir heppilegasti
staðurinn fyrir slíkar búðir. Einnig var
samþykkt að stjórn sambandsins kanni
hagkvæmni bílakaupa fyrir sambandið
og skili áliti á næsta ársþingi.
Þá var einnig samþykkt að
stofna Afreksmannasjóð UMSS og
renna 5 % af Lottótekjum í hann.
Lottóskiptingin sem samþykkt var á
þinginu eftir mjög svo líflegar
umræður var í meginatriðum á þann
veg að 75 % fara til félaga 20 % til
sambandsins 5 % í Afreksmannasjóð,
eins og fyrr var nefnt. Nýr formaður
UMSS var kjörinn Sveinbjörn M.
Njálsson frá Hólum í Hjaltadal.
USVH (Ungmennasamband
V-Húnvetninga) hélt sitt héraðsþing að
Reykjaskóla í Hrútafirði 8. mars
síðastliðinn. Þar voru menn
ánægðastir með ungmennabúðirnar sem
haldnar voru á Reykjum sumarið áður, í
fyrsta sinn. Ætlunin er að endurtaka
þær í sumar og hafa þegar borist einar
300 umsóknir um þátttöku. Líkast til
verður þó varla rúm fyrirmeira en 75
börn. Sigurður B. Guðmundssonm,
kennari á Reykjum, hefur verið
driffjöðurin.í þessum ungmennabúðum,
einnig hefur Kristján ísfeld komið
allnokkuð við sögu.
Stjórn sambandsins mun ekki
hafa verið jafn virk og til stóð sökum
mikils vinnuálags stjómarmanna í
brauðstritinu. En ný stjórn var kjörin
undir forsæti Steinbjörns Tryggvasonar
og er mikill hugur í mönnum. Þegar
síðast fréttist var verið að ganga frá
ráðningu framkvæmdastjóra og þjálfara
fyrir sumarið.
10