Skinfaxi - 01.04.1987, Qupperneq 12

IV
KUMITE
KARATE -
Rétt lína. Hér sést ein vinsælasta keppnistæknin sem er gyakuzuki. Samkvæmt
kenningum gömlu meistaranna, á ekki að lyfta hælnum eins og liér er gert.
Síðasta grein mín fjallaði um
kötur en í þessari lokagrein er ætlunin
að fjalla um kumite. í kumite er
áhersla lögð á viðbrögð við hreyfingum
andstæðingsins og hreyfingarnar eru
ekki fast ákveðnar heldur náttúrulegar.
Kumite hefur gengið í gegnum
mikla þróun frá árdögum karate
íþróttarinnar. í upphafi var litið á
kumite sem stuðningsæfingar við
köturnar. Kumite var álitið aðferð til
að setja árásar- og vamartækni, æfðar í
kötum, í raunverulegri aðstæður. Nú er
hins vegar í kötu þjálfun gert ráð fyrir
kumite. Þá er kumite það æfingaform
karate sem hefur mest bein áhrif, ekki
aðeins á byrjandann heldur og hvern
þann sem hefur áhuga á karate. Allir
vilja byrja kumiteæfingar eins fljótt og
hægt er.
Gerðir Kumite
Skipta má kumite í fernt: Kihon
kumite, yakuso kumite, jiyu kumite og
shitei kumite (keppniskumite).
Kihon kumite
Þetta er einfaldasta form kumite.
Ushiro geri er alveg séstök tækni. Hún
er góð fyrir þá sem nota fætur mikið.
Markið er hliðamar á andlitinu.
Tveir andstæðingar taka sér stöðu í
ákveðinni fjarlægð frá hvor öðrum og
ákveða fyrir fram hvað hvor um sig á
að gera. Síðan æfa þeir til skiptis
árásir og vörn. Það getur verið einföld
árás og vörn (ippon kumite) eða röð af
fimm (gohon kumite).
Yakuso kumite og jiyu
kumite
I bók eftir Nakayama er ágæt
lýsing á yakuso kumite og jiyu kumite.
Hún er svohljóðandi:
"Reglan við yakuso kumite er
þessi: Báðir aðilar taka sér stöðu
(Kamae) frjálslega og hafa fjarlægð að
vild. Árásaraðili segir til um á hvaða
svæði líkamans hann miðar og gerir
árás ákveðið. Á móti verst varnaraðili
með þeim aðferðum sem hann hefur
lært og gerir samstundis gagnárás.
Þetta er jissen kumite (raunverulegur
bardagi). Árásaraðili þroskar á þennan
hátt árásarhæfni sína með því að mæla
fjarlægðina (maai), öndun (kokyu) og
nota sér uppgerð o.s.frv., lærir að
hagnýta sér hverja glufu og
tímasetningu (timing). Varnaraðilinn
hagnýtir sér undanhaldið eða notar sér
tai sabaki (stígur út úr árásarstefnu
andstæðingsins) og gerir gagnárás.
Vegna þess að þetta inniheldur
reglur um árásir og varnir til allra átta,
kokyu, mai, tai sabaki, færslu á
þyngdarpunkti, vörn og gagnárás á
sama andartaki, þá er yakuso kumite
alveg sérlega mikilvæg aðferð fyrir
þjálfun bardaga.
Þetta er yakuso kumite. Ef
árásaraðili svíkur verjandann eftir árás
og heldur áfram að gera árás, eða ef
hann gerir árás án þess að segja til um
ætlun sína, mundi þessi æfingamáti
verðajiyu kumite."
Shitei kumite
Shitei kumite byggir á sömu
kenningum og jiyu kumite. í jiyu
kumite eru raunverulega engar reglur
um hvað sé leyfilegt og hvað ekki.
Segja má, að eina óskrifaða reglan sé
sú, að skaða ekki andstæðinginn.
Shitei kumite eða keppnis kumite er
hins vegar undir skýrum reglum um
hvað má og hvað má ekki. Þar er fyrst
og fremst um tæknilegan bardaga að
ræða og því farið til æfinga með önnur
markmið og hugarfar. Fullyrða má að
hérlendis hafi aldrei verið æft jiyu
kumite heldur einungis keppnis kumite.
Hins vegar telja sig margir hafa æft eða
vera að æfa jiyu kumite.
Nokkur mikilvæg atriði
í kumite
Þau atriði sem telja má
mikilvæg í shitei kumite eru einnig
mikilvæg í jiyu kumite.
12