Skinfaxi - 01.04.1987, Síða 28

eyða einu ári æfi sinnar við allskonar
íþróttaiðkanir, sem hægt er að stunda í
landinu. Og færi svo að sóknin yrði of
lítil að þessum skóla, þá væri það
eingöngu að kenna því, að æskan í
landinu væri of sofandi um nokkurra ára
bil. Andi Ungmennafélagsskaparins
lægi þá blundandi. En slíkt svefnmók
varir aldrei lengi. Æskunni er áskapað
að vaka og óska eftir viðfangsefnum.
Og engin viðfangsefni hæfa betur
dugandi æskumönnum en vinna og
íþróttir.
Eg ber engan kvíðboga fyrir því
að skólinn hefði ekki nóg að gera.
Heldur ekki að torvelt yrði að afla
reksturfjárins af almannafé, og með
gjöfum frá íþróttavinum. Langerfiðast
verður að koma upp nauðsynlegum
byggingum í fyrstu. Til þess þarf
samskot, gjafir og áheit. Og þess
vegna þurfa ungmennafjelögin að auka
sjóðinn. Halda smáskemtun á hverju
vori til ágóða fyrir íþróttaskólann.
Hver lítil gjöf gerir kleift að auka
nokkru við af áhöldum, eða stein í vegg
skólans. Ef unt yrði að byrja á
íþróttaskólanum að einhverju leyti á
vegum annars eldri skóla, mætti hugsa
sér að nemendur gæfu eitthvað af vinnu
við að steypa steina, t.d. í leikfimihús,
eða sundhöll. Þar sem hverahiti er
nægilegur mætti reisa bráðabirgðaskúr
til að steypa í steina að vetrinum til, og
leiða þangað hita. Nemendur myndu
fúslega gefa ofurlitla stund á hverjum
degi til að steypa steinana og væri þá
jafnframt veitt tilsögn við þessi
vinnubrögð. Væri þá tvent gert í einu.
Að þoka áfram byggingu íþróttaskólans
og kenna ungum mönnum hinar bestu
aðferðir til að byggja sjálfum sér ný
heimili.
Á Fjóni í Danmörku er
nafntogaður íþróttaskóli, Ollerup,
skamt frá Svendborg. Stýrir honum
Niels Buch, liinn nafntogaði endur-
bótamaður danskra íþrótta. Nú í sumar
reisti hann sundhöll mikla, þannig að
námssveinarnir unnu að múrverkinu
fyrir litla borgun, stund úr degi. En á
sunnudögum fór Buch með allan íþrótta-
mannahópinn til einhverrar borgar í
Danmörku og sýndi kunnáttu þeirra
fyrir fé. Því fé sem inn kom á hverjum
sunnudegi var varið til að kaupa stein-
lím og sand og möl til vikunnar.
Áhugi danskra íþróttavina reisir
sundhöllina í Ollerup. Áhugi íslenskra
ungmennafélaga á að reisa íþrótta-
skólann íslenska.
J.J."
Ræktun lýðs og lands
saga Ungmennafélags íslands 1907 -1982
Við viljum minna ykkar á þessa
bók sem er nauðsynleg fyrir alla
þá er vinna að og fylgjast með
málefnum ungmennafélags-
hreyfingarinnar.
Þessi bók er til sölu hjá héraðs-
samböndum, stjórnarmönnum
UMFÍ og á skrifstofu UMFÍ.
Bókin kostar sem fyrr
aðeinskr. 1000
Ungmennafélag íslands 75 ára
1907-1982
Gunnar Kristjánsson tók saman
28