Skinfaxi - 01.12.1988, Blaðsíða 11

Róið til fjár fyrir skólann
Við héraðsskólann að Núpi í Dýrafirði
er starfandi ungmennafélagið Gróandi,
stofnað 1934. Þetta félag var endurreist í
fyrra haust þegar skólinn hóf sitt áttugasta
starfsár. Eins og í öðrum ungmenna-
félögum er stöðugt unnið að fjáröflunum
til ýmissa verka. Vandinn er bara sá að
finna aðferð sem ekki er útnýtt af öðrum
félagasamtökum á svæðinu. Eru þá höfuð
lögð í bleyti til að brydda upp á einhverju
nýju og kemur margt til greina.
Félagamir í Gróanda vildu ná fleiri
markmiðum með sinni aðferð en bara að
safna peningum. Það átti helst að virkja
alla nemendur skólans, þetta átti að verða
jákvæð kynning út á við, skapa samkennd
með hópnum og vera krydd í hvers-
dagsleikanum fyrir fólkið í
byggðarlaginu.
Rætt var um maraþon eitt og maraþon
annað í þessu sambandi. Niðurstaðan
varð áheitaróður yfir Dýrafjörð og skyldi
safnað áheitum sem víðast auk frjálsra
framlaga.
Það var svo einn fagran laugardag í
haust að lagt var upp í róðurinn eftir
nokkurn undirbúning. Sérstök heppni var
með veður, logn og spegilsléttur sjór nær
allan tímann sem róðurinn stóð.
Lagt var upp kl. 11 að morgni og róið
sem leið liggur þvert yfir Dýrafjörð, frá
Gemlufalli til Þingeyrar, 2150 metra leið,
allt fram til 17.30 að myrkur var skollið á.
Róið var í þremur sjö manna hópum og
skipst á eftir hverja ferð. Alls komust
ræðarar 22 ferðir eða 47.3 km og er áætlað
að safnast hafi um 250.000 krónur eða um
6250 kr. á þátttakanda. Það gerir 961,54
kr./mann/ á tímann sem róið var.
Mikið kapp var á milli hópa í róðrinum
og tíminn mældur nákvæmlega í hverri
ferð. Fór sá hópurinn sem hvatast reri á
tímanum 12.48,1 mín. Þótti mönnum
sterklega tekið á árum enda var þá um
borð sjálfur skólastjóri þeirra Núpverja.
Við þessa framkvæmd lögðust margar
hjálpsamar hendur á eitt um að gera þetta
mögulegt. Má þar nefna að
sjómannadagsráð á Þingeyri lánaði báta
Komið að landi eftir eina af 22 ferðum.
Þingeyri í baksýn. Vðrið gat ekki verið
hagstœðara, spegilsléttur sjór að kalla.
Pása á miðjum Dýrafirði? Ekki alveg. Ræðarar eru í hvíldfyrir nœstu átök.
tvo sem róið var og hjálpsamir foreldrar,
vinir og vandamenn söfnuðu áheitum þar
sem nemendur komust ekki sjálfir. Allan
tímann sem róðurinn stóð fylgdist bátur
björgunarsveitarinnar á Þingeyri með
ræðurum á firðinum og var mikið öryggi
að því. Sérstaklega þótti ræðurum gott að
ylja sér á heitu kakói frá
Þingeyrarmömmum meðan beðið var
næstu ferðar.
Það voru því þreyttir og ánægðir
krakkar sem sneru heim í skólann sinn
þetta kvöld. Fáir þeirra hafa í annan tíma
farið jafn snemma að sofa á
laugardagskvöldi og þá.
Kveðja frá Núpi, Kári Jónson.
Höfundur er skólastjóri
héraðsskólans á Núpi
Skinfaxi
11