Skinfaxi - 01.02.1997, Blaðsíða 54

vownon
Við byrjuðum að spila saman vorið 1996 en allir höfðum við
verið að fikta eitthvað áður. Það hefur verið allt frá því að
spila einn uppi á hálofti til þess að vera í alvöru
hljómsveitum.
Það hefur engin gefið út neitt rapp að viti hérna á íslandi.
Við röppum bæði á íslensku og ensku en það er miklu
erfiðara að rappa á íslensku. „Flóið“ er ekki jafn gott í
íslenskunni svo það er mun meira um enskuna hjá okkur.
Við gáfum út smáskífu fyrir jólin sem seldist upp fjórum
dögum fyrir jól. Við áttum kannski ekki beint von á svona
góðum mótttökum en við fréttum að unglingar hafi barist um
síðustu eintökin og sumir hafi jafnvel stolið disknum.
Við vorum ekkert búnir að spila neitt að viti en lagið var
spilað mikið og sérstaklega á X-inu. Lagið hitti bara beint í
mark og núna höfum við verið að spila mikið bæði í
félagsmiðstöðvum úti á landi og bara alls staðar sem við
höfum komist að. Okkur hefur verið mjög vel tekið.
Lagið fór inn á vinsældalista og það var til dæmis valið
sjöunda besta lag ársins hjá Morgunblaðinu. Við ætlum svo
að gefa út stóra plötu í haust og vonumst eftir góðum
viðtökum þar.
Við græðum ekkert á sjálfri útgáfunni af plötunni en eins og
með alla aðra tónlistarmenn á íslandi fáum við peninginn
fyrir að spila á tónleikum. Erlendir aðilar hafa líka verið að
54

03(6K6(I)£'