Skinfaxi - 01.12.1998, Qupperneq 26

í flW ^ t; 15 ti v v \ % '
sjÆ ■ m n i.
: W -A» ,:.Æ
31. sambandsráðsfundur
Ungmennafélags Islands
Það var í Vík í Mýrdal sem 31. sambandsráðsfundur UMFÍ var haldinn í lok
október mánaðar. Jóhann Ingi Árnason var á staðnum og fylgdist með því
sem mest var um rætt...
Það voru engar stórar
ákvarðanir sem lágu fyrir
fundarmönnum á 31.
sambandsráðsfundi
Ungmennafélags íslands
sem haldið var í Vík í
Mýrdal þann 31. október
síðast liðinn en þó voru nokkur mál sem
vert er að skoða hér. Blaðamaður Skinfaxa
var á fundinum og fylgdist með því sem þar
var samþykkt.
ÁTAK
Ákveðið var að fela stjórn UMFÍ að hrinda í
framkvæmd átaki í almenningsíþróttum
árið 1999 í samstarfi við sambandsaðila
UMFÍ, sem yrði með svipuðu sniði og
lýðveldishlaupið. Áhersla verði lögð á
þátttöku þeirra sem eldri eru.
ÁFENGI Á
IÞROTTAVIÐBURÐUM
31. sambandsráðsfundur UMFÍ harmar að
upp hafi komið tilvik þar sem áfengi hefur
verið selt á íþróttaviðburðum. Skorar
fundurinn á ungmenna- og íþróttafélög að
Einar Haraldssonvformaður Keflavíkur í
ræðupúlti
sjá til þess að slíkt endurtaki sig ekki.
Fundurinn minnir jafnframt á stefnu-
yfirlýsingu UMFÍ um forvarnir og fíkniefni
þar sem segir að neysla tóbaks, áfengis og
annarra fíkniefna á aldrei samleið með
iðkun íþrótta og vill ungmenna- og
íþróttahreyfingin á íslandi efla forvarnar-
hlutverk sitt.
AFENGISAUGLÝSINGAR
Fundurinn harmar þá stefnu sem bann við
áfengisauglýsingum virðist vera að taka og
óttast fundurinn að ef áfengisauglýsingar
verða heimilaðar kunni þær að bjóða uppá
aukna neyslu áfengis í landinu. Fundurinn
skorar því á stjórnvöld að efla fræðslu um
skaðsemi áfengis og annarra vímuefna og
varar alvarlega við því ef bann við hvers
kyns áfengisauglýsingum verði aflétt.
HLUTAFÉLÖG
Fundurinn hvetur sambandsaðila til að
fylgjast náið með þeirri þróun að starfsemi
meistaraflokka í flokkaíþróttum verði breytt
í hlutafélög. Þessar hugmyndir kalla á
mörg álitamál sem þarf að skoða áður en
haldið er áfram á þessari braut. Fundurinn
skorar á stjórn UMFÍ að fylgjast með þróun
þessa máls og gæta að hagsmunum
sambandsaðila sinna.
UMHVERFIÐ
Fundurinn hvetur sambandsaðila til að láta
ekki staðar numið við að bæta umgengni
við haf og land og verja að minnsta kosti
einum degi á ári til umhverfismála.
Fundurinn felur stjórn UMFÍ að útfæra þetta
starf fyrir komandi aldamót.