Skinfaxi - 01.12.1998, Page 28

UNGMENNAFÉLAGI
í SVIÐSLJÓSINU!
Vanda
hætti með landsliðið
Ungmennafélaginn, Vanda
Sigurgeirsdóttir, sem þjálfað
hefur íslenska kvenna
landsliðið kom öllum á óvart
þegar hún ákvað að hætta.
Vanda á glæsilegan feril að baki sem
leikmaður og þjálfari hjá hinu sigursæla liði
Breiðabliks sem hreinlega var óstöðvandi á
íslandsmótinu í knattspyrnu fyrir nokkrum
árum. Eftir að hafa leitt lið Breiðabliks til
sigurs í deildinni ákvað Vanda að skiþta um
gír og taka við kvennalandsliðinu. Vöndu
hafði gengið ágætlega með landsliðið og
virtist vera á réttri braut. Hún var í góðu
sambandi við þjálfara félagsliðanna og
sameinaði til dæmis að nokkru leiti æfingar
félagaliðanna við æfingatöflu landsliðsins.
Þrátt fyrir velgengni í starfi ákvað Vanda
fyrr í vetur að skipta um gír. Hún sagði
starfi sínu hjá íslenska landsliðinu lausu og
tók við þjálfun meistaraflokks KR. Arna
Steinsen og Ragna Lóa Stefánsdóttir hafa
þjálfað KR liðið undanfarin tvö ár og leitt
liðið til sigurs í deildinni bæði árin. Vöndu
bíður því erfitt verkefni en hún ætti að vera
vandanum vaxinn. Við hjá Ungmennafélagi
íslands óskum henni velgengni í nýju starfi
en vonumst að sjálfsögðu eftir að sjá hana
í okkar röðum fljótlega aftur.
BLÓÐBANKINN
gefðu blóð!
Lóttu
róða ferðinni...