Skinfaxi - 01.05.2005, Qupperneq 11

Sólheimaheiði er að miklum
hluta úr basalti, frekar illa gróin
nema hlíðamar að sunnanverðu.
Undir heiðinni standa Sólheima-
bæimir og skammt vestan við
bæina rennur Irtil bergvatnsá er
ber heitið Húsá. Áður fyrr voru
miklu fleiri búendur á gjöfulum
Sólheimajörðunum.
Pétursey er fallegt fjall, 275
m hátt, með hamraflugum hið
efra yfir blómskrúðugum brekk-
um. Efnið er að mestu móberg,
með nokkrum basaltinnskotum.
Dyrhólaey, eða Portland
eins og eyjan er oft nefnd af
sjómönnum, er einstakur höfði,
110-120 m hár, með þverhníptu
standbergi í sjó að vestan, en
meira aflíðandi og grasbrekkur að
norðan. Suður úr henni gengur
klettatangi.Tóin, með gati f gegn,
dyrunum sem eyjan ber nafn af.
Skeiðflatarkirkja var reist
nálægt síðustu aldamótum þegar
Dyrhóla- og Sólheimakirkjur voru
lagðar niður og sóknimar samein-
aðar
Loftsalahellir er f suðaustan-
verðu Geftafjalli, allstór hellisskúti.
Þessi hellir er hinn fomi þingstað-
ur bænda í Mýndal en nálægt hon-
um er þúst ein í brekku er nefnist
Gálgaklettur.
Reynishverfi, byggð vestan
Reynisfjalls.Vegur liggur suður
með öllu fjallinu og ef hann er
ekinn til enda er komið að syðsta
býli landsins, Görðum. Rétt vestan
við Garða er eyðibýlið Hellur en
þar bjó síra Jón Steingrímsson
eldklerkur ásamt Þorsteini bróður
sínum í tvo vetur
Reynisfjall gnæfir yfir þorpið
ÍVík. Upp á fjallið liggur 340 m
brattur og erfiður vegur sem er
fær fjórhjóladrifsbílum upp frá
Vík. Þessi vegur var lagður í seinni
heimsstyrjöldinni fyrir breska og
bandaríska herinn og var í mörg
ár rekin lóranstöð á fjallinu.
Heiðarvatn er í Heiðardal
sem er rétt fyrir norðan Vík. Nátt-
úrufegurð er mikil i' Heiðardalnum
og er mjög skemmtilegt að renna
fyrir flsk í vatninu en hægt er að
kaupa veiðileyfi á bæjunum í daln-
um. Úr Heiðarvatni rennurVatnsá
sem er ein af fallegustu laxveiðiám
landsins en einnig má geta þess,
svona til gamans, að Vatnsá er
eina áin á Suðurlandi sem rennur
í norður.
Reynisdrangar eru altt að
66 metra háir drangar sem rísa
úr sjó framan undir Reynisfjalli og
sjást þeir mjög vel fráVík. Stærsti
drangurinn er hinn þrítyppti Lang-
samur sem minnir á þrímastrað
skip. Áfastur honum er Landdrang-
ur og sá þriðji er ýmist nefndur
Háidrangur eða Skessudrangur
Vík, kauptún byggt í landi
Víkurbæja og áVíkursandi. íbúar
eru nú um 330 og er aðalatvinnu-
vegurinn þjónusta við bændur og
ferðamenn ásamt ýmiss konar
framleiðslu.
Höfðabrekka er austasti
bær fyrir vestan Mýrdalssand.
Höfðabrekka er gamatt höfuðból,
kirkjustaður og stórbýli til forna. í
Kötluhlaupi árið 1660 tók bæinn
af og var hann þá fluttur upp á
heiðina og ekki fluttur niður aftur
fyrr en 1964. Á 17. öld bjó fræg
ætt á Höfðabrekku og ertalið að
í eigu ættarinnar hafi verið virtasta
handrit Eddukvæða; Konungsbók
Sæmundar-Eddu. í dag er rekið
myndarlegt hótel að Höfða-
brekku.
Höfðabrekkuheiði. Vegfar-
endur á leið um Mýrdal ættu ekki
að láta það fara fram hjá sér að
aka inn Höfðabrekkuheiði en sú
leið er fer fjórhjóladrifsbílum. Þetta
var þjóðleiðin austur að Mýrdals-
sandi f um það bil 20 ár, þangað til
Jónsmessuhlaupið í Múlakvfsl árið
1955 rauf hana Ekki er hægt að
lýsa öllu sem fyrir augu ber á þess-
ari stórkostlegu leið. Sjón er sögu
ríkari. Boðið er upp á jeppaferðir
bæði fráVík og Höfðabrekku.
Hjörleifshöfði, klettahöfði
úr móbergi á suðvestanverðum
Mýrdalssandi, 221 m hár. Hann
hefur áður náð í sjó fram en nú
nær sandurinn langt suður fyrir
höfðann. í Landnámu segir að
Hjörleifur Hróðmarsson.fóstbróð-
ir Ingólfs Amarssonar; hafi numið
land í Hjörlerfshöfða. Þrælar hans
vógu hann og er sagt að haugur
hans sé efst á höfðanum.
Heimildir.
Árbók Ferðafélags íslands, 1975.
Guðmundur Pðll Ólafsson: Perlur í náttúru íslands. Mál og menn/ng Reykjavk 1990.
Sunnlenskar byggð/r - Skaftárþing, VI. bindi. Búnaðarsamband Suðurlands, 1985.
SKINFAXi - gefið út sflinjleyu líðfln 1909