Skinfaxi - 01.05.2005, Síða 23

Ingibjörg Markúsdóttir frá Selfossi þjálfaði ungar og upprennandi fimleika-
stjörnur á Laugarvatni á síðasta vetri.
Ungmennafélag Islands hefur gert
samstarfssamning við sex íþrótta-
lýðháskóla í Danmörku. Umræddir
skólar eru vítt og breitt um landið
og leggja áherslu á mismunandi
(þróttagreinar. Ungmennafélag
íslands veitir nemendum styrk
til dvalarinnar og gefurValdimar
Gunnarsson iandsfulltrúi allar
upplýsingar en hann hefur aðsetur
í þjónustumiðstöðinni í Fellsmúla
26 í Reykjavík.
Að sögn Valdimars er þetta
annað árið sem UMFÍ styrkir
íslensk ungmenni til dvalar í skólun-
um í Danmörku sem hafa aðsetur
í Sönderborg, Ollerup, Gerlev,
Viborg, Árósum og á Norður-Jót-
landi. UMFÍ styrkti tíu nemendur
fyrsta árið en á yfirstandandi
skólaári eru þeir 20 talsins. Fyrir
næsta skólaár; 2005-2006, verða
40 styrktir veittir til dvalar í íþrótta-
lýðháskólum í Danmörku.
„Það ríkir mikil ánægja meðal
nemenda sem dvalið hafa í þess-
um skólum og ég veit að þeir
sem hafa verið úti í vetur eru í
skýjunum með dvölina. Nú er svo
komið að við önnum ekki eftir-
spurn og af þeim sökum höfum
við ekki getað styrkt alla sem þess
hafa óskað," sagðiValdimar.
Friðrik Sveinn Björnsson, 24
ára Hvergerðingun mun dvelja í
íþróttalýðháskólanum íVejle í 10
mánuði. Hann heldur utan 13. ág-
úst og segist vera farinn að hlakka
mikið til. Kunningi hans dvaldi í
sama skóla og benti honum á
þennan möguleika.Vinur Friðriks
Sveins, Guðni Óskar Jónsson,
verður með honum á sama skóla
og er Friðrik Sveinn viss um að
þeir eigi eftir að verða góðir
saman.
„Þegar ég kynnti mér skólann
ÍVejle sá ég að þar var tónlistar-
braut f boði og það kitlaði mig
svo sannarlega. Eg hef mikinn
áhuga á tónlist og hef verið trúba-
dor í nokkur ár Ég hef ennfremur
talsverðan áhuga á íþróttum
og lék körfubolta með Hamri á
mi'num yngri árum og æfði um
tíma með meistaraflokki félagsins,"
sagði Friðrik Sveinn.
- Hver var ástæðan að þú ákvaðst
að fara í íþróttalýðháskóla í Dan-
mörku?
„Mér fannst einfaldlega vera
kominn tími til að breyta til og
orðspor þessara skóla er einnig
mjög gott. Ég hef ekkert verið í
skóla síðan að ég kláraði grunn-
skóla en hef starfað sem verkstjóri
á fóðurstöð í fjögur ár Ég er alveg
handviss um að ég á eftir að hafa
gott af vistinni í Danmörku.”
FriðrikSveinn sagðist kunna Irt-
ið í dönsku en það myndi vonandi
lagast fljótt þegar út væri komið.
„Ég ætla á tónlistarbrautina í
Vejle og tel síðan fullvíst að ég iðki
körfub*olta af fullum krafti næsta
vetur;" sagði Friðrik Sveinn, hress
í bragði.
Get ekki beðið lengur
„Ég stefndi alltaf að því að fá
mér pásu frá alvöruskóla og
mér fannst því íþróttalýðháskóli
tilvalinn kostur í stöðunni. Ég hef
mikinn áhuga á fimleikum, bæði
sem iðkandi og þjálfari, og skólinn
í Ollerup býður upp á spennandi
möguleika hvað þá iþrótt áhrærir;"
sagði Ingibjörg Markúsdóttir.tvítug
stúlka frá Selfossi, sem útskrifaðist
frá Menntaskólanum á Laugarvatni
í vor Hún ætlar eins og áður sagði
til Ollerup í Danmörku í ágúst
ásamt vinkonu sinni, Hrafnhildi
Björk Guðgeirsdóttur Hún sagðist
vita að aðstæður allar hvað fim-
leikana varðaði væru í alla staði
frábærar
„Það er því um að gera að
koma sér i' gott form aftur en
ég var eingöngu að þjálfa upp á
Laugarvatni á síðasta vetri," sagði
Ingibjörg.
Ingibjörg sagðist ætla að nýta
sér dvölina í Danmörku til hins
ýtrasta, læra dönskuna og kynnast
nýju fólki. „Ég er orðin svo spennt
að ég get varla beðið lengur Þetta
á eftir að verða mikil upplifun og
þroskandi tími.
í vor kom fulltrúi frá íþróttalýð-
háskólanum í Ollerup og kynnti
skólann fyrir nemendum Mennta-
skólans á Laugarvatni og mér
fannst það mjög spennandi sem
hún hafði fram að færa. Eftir þessa
kynningu var ég ákveðin að slá til,"
sagði Ingibjörg.
Ingibjörg og Hrafnhildur
vinkona hennar verða í fyrstu í
fjóra. mánuði í Ollerup en ætla að
kanna möguleika á framlengingu
þegar í Ijós kemur hvemig þeim lík-
ar dvölin eins og Ingibjörg komst
að orði.
ÖRUGG & HAGKVÆM
VEFVERSLUN
stofnkostnaður frá
15.000r-kr.
Kjarni er vottaður hugbúnaður sem
stenst allar þær kröfur sem gerðar eru
til öruggrar vefverslunar
www.kjarni.is
íslenskt markaðstorg á netinu
SKINFAXI - gefit út somfleytt síöon I909