Sjómannablaðið Víkingur - 01.02.1957, Page 31

1/12. Saltfiskútflutningur Norð-
manna hefur aukizt um 30% frá því
sem var í fyrra. — Japanskir kafarar
hafa undanfarnar vikur fundið 410
sokkna skipsskrokka í höfnum Manila
og Cebu. — Eisenhower Bandaríkja-
forseti hefur neitað að heimila tolla-
hækkanir á fiskflökum, sem aðallega
eru flutt inn til Bandaríkjanna frá
Iíanada, íslandi og Noregi. — Banda-
ríkin hafa sent laganefnd Sameinuðu
þjóðanna orðsendingu þess efnis, að
þau álíti meiri útfærslu landhelginnar
en um þrjár mílur skerðingu á frelsi
hafsins. — Nýlega datt maður útbyrðis
af sænsku skipi, sem statt var á
Kyrrahafi, og var honum bjargað 9
klst. síðar. — Gamalt, bandarískt or-
ustuskip, Mississippi, hefur verið selt
sem brotajárn fyrir Vi milljón dollara.
— Næstu 5 árin munu sænskar skipa-
smíðastöðvar verða uppteknar við
smíði þeirra skipa, sem á stokkunum
eru, eða þegar er samið um smíði á,
og vekur það atliygli, að þrír fjórðu
hlutar þeirra skipa, sem um er samið,
eru olíufltuningaskip, og þar af um
30% fyrir sænsk útgerðarfyrirtæki. —
Samkvæmt skýrslu, sem Matvæla- og
landbúnaðarstofnun Sameinuðu þjóð-
anna, FAO, hefur gefið út, hefur afla-
magn fiskveiðiflota heims aukizt um
40% á árunum 1948 til 1955, eða úr
19.400.000 smálestum í 27.700.000 rúm-
lestir.
•
4/1. Tveir franskir stúdentar hafa
í nær tvær vikur í nauðum staddir á
klettanös í Mont Blanc falli, en eru
nú taldir af og hefur björgunartil-
raunum verið hætt.
•
8/1. SAS-flugfélagið hefur flugferð-
ir á nýrri leið yfir norðurheimsskautið
til Tokyo. Síðastliðið ár jókst starf-
semi SAS að mun, eða um rúmlega
60%. — Danskir vísindamenn á rann-
sóknarskipinu Galathea hafa fundið
óþekkt dýr af ætt, sem talin var út-
dauð fyrir 30 milljónum ára. Skipið
er nú í rannsóknarleiðangri við strend-
ur Ameriíku og þar kom dýr þetta í
vörpu, sem send var niður í 3500 metra
dýpi.
. •
11/1. Grænlenzka landsráðið hefur
farið þess á leit við Grænlandsmála-
ráðuneytið í Iíaupmannahöfn, að end-
urskoðaður verði samningur, sem gerð-
ur var milli Iandsstjórnarinnar og fær-
eyskra útgerðarfyrirtækja m fiskveið-
ar við austurströnd Grænlands. —
Samkvæmt opinbtlrum skýrslum fram-
leiddu Iíanadamenn árið 1955 25% af
öllum saltfiski lieimsins. — Norðmenn
munu nú eiga annan stærsta olíuskipa-
flota heims. Á árinu sem leið fóru
Norðmenn fram úr Bandaríkjunum
hvað stærð þessa flota snertir.
•
12/1. Fyrirtækið „Shetland Fish
Ltd.“ byrjaði siðastliðið sumar sölu á
nýjum háf á fiskmarkaði í London,
og úr lifur háfsins vinnur þetta fyrir-
tæki mjög verðmæta meðalaoílu, sem
inniheldur mjög mikið af bætiefnum.
•
13/1. Norska síldarleitarskipið G. O.
Sars hefur fundið miklar síldartorfur
skammt undan ströndum Noregs og
er síldveiðiflotinn nú að búa sig á
veiðar.
•
Fyrir nokkru leigðu Loftleiðir skrif-
stofuhúsnæði við South Audley Street
45 í London og höfðu þar s.l. mánu-
dag boð inni í því tilefni. Er þetta
miðsvæðis í London og þeim sökum
vel í sveit sett. Er þar sýningargluggi
góður, skrifstofur tvær á fyrstu hæð
og salur í kjallara. Ferðir til og frá
London hyggst félagið taka upp í maí-
mánuði næstkomandi og er ætlunin
að fljúga þangað einu sinni í viku.
•
28/1. í fyrradag drukknaði færeysk-
ur sjómaður af vélbát frá Ólafsvík.
Hét hann Janus Jensen og var stýri-
maður á vélbátnum Þórði Ólafssyni.
Slysið skeði í fiskiróðri og var legið
yfir línu. Janus var 36 ára að aldri og
lætur eftir sig fjölskyldu.
ALMENNINGUR TRYGGIR HJÁ
„ALMENNUM"
*
TRYGGING ER NAUÐSYN!
ALMENNAR TRYGGINGAR H.F.
Austurstræti 10 — Reykjavík
Útvegsbanki
íslands h.f.
REYKJAVÍK
Ásamt útibúum á
Akureyri,
ísafirði,
Seyðisfirði,
Vestmannaeyjum.
*
Annast öll venjuleg banka-
viðskipti innanlands og utan.
Vextir lagðir við höfuðstól
tvisvar á ári.
♦
Ábyrgð ríkissjóðs er á öllu
sparisjóðsfé bankans og úti-
búum hans.
ÍSLENDINGAR!
Pyrir stríðið fluttum vér út að
meðaltali árlega 250—300 þús.
tunnur síldar til Norðurlanda.
Auk þess framleiddu þessar
þjóðir annað eins til neyzlu af
íslenzkri síld.
*
Lærið af reynslu þessara þjóða
og borðið meiri síld.
*
Islenzk síld inn á hvert heimili.
SÍLDARÚTVEGSNEFND
SJ05TIGVFL

31