Sjómannablaðið Víkingur - 01.03.1980, Blaðsíða 61

Eitthvað af þessu höfum við, en
ég tel að lítið kosti í fé og fyrirhöfn
að koma okkar málum í betra
horf. Vil ég nefna dæmi.
Sjónvarpsdag-
skrána um borð
Myndsegulbandstæki eru orðin
tiltölulega ódýr í útlöndum
(320—460.000) og böndin sjálf
kosta lítið. Þó að enn sé ósamið
við eigendur höfundar- og flutn-
ingsréttar leikins efnis ætti að vera
hægt að komast að samkomulagi
um yfirfærslu Kastljóss, Vöku, er-
lendra málefna og innlendra
fræðsluþátta (sbr. Veður Markús-
ar Á. og viðtalsþætti Sigrúnar
Stefánsdóttur) á myndbönd og
dreifingu þeirra til skipa.
Ekki trúi ég því að ekki náist
viðlíka samningar við íslenska
höfunda og flytjendur og danskir
farmenn náðu við landa sína. Ætti
þá að vera stutt í að meirihluti
innlends sjónvarpsefnis verði á
boðstólum fyrir farmenn.
Útvarpsþætti á
segulbönd
Margt í dagskrá útvarps yrði vel
þegið á snældum um borð í skipin.
Nefni ég hér upplestur Þorsteins
Ö. á Sólon íslandus, Víðsjá frétta-
stofunnar, Sjávarútveg og sigling-
ar. Um höfunda og flutningsrétt
gildir hið sama og um sjónvarp.
Þó má geta þess að kassettutæki til
upptöku og flutnings úr útvarpi
eru slíkt barnameðfæri bæði að
verði og notkun að flutningsréttur
verður ekki verndaður, hvorki
tækni- né kostnaðarlega.
Fleiri frétta-
sendingar
Reykjavíkurradíó sendir út
fréttirkl. 12.20 dagl.á 12.175 khz.
Þessi sending næst nokkuð víða, ef
skilyrði eru hagstæð. En þegar
klukkan er 12.20 í Reykjavík er
hún á sumrin 07.20 í Norfolk
USA, 13.20 í Felixstowe UK, 14.20
í Rotterdam og 15.20 í Leningrad.
Þó að hádegi sé í Reykjavík, er
vinnutími í útlandinu. Því mæli ég
með að fréttir verði sendar út á
stuttbylgju á tveggja eða þriggja
tíma fresti meðan nokkur von er
til að þær náist. Þessi tíðni (12.175
khz) er í dag notuð sem kalltíðni
og ekki fara fram samtöl á henni.
Stöðugt er sent út: „Reykjavík
radó kallar, This is Reykjavík
radio calling for receivers adjust-
ment purposes“.
Get ég ekki séð að dýrara væri
að senda út í stað kallmerkisins
fréttirkl. 10.00, 12.20, 16.00, 19.00
og 22.10, og jafnvel endurtaka
þær af segulbandi á milli frétta-
sendinga RUV.
Blöðin víðar
Fjölga þarf þeim höfnum sem
dagblöðin eru send til. Blöðin eru
hvort eð er ríkisstyrkt, farmenn
flestir áskrifendur heima hjá sér
og þær tilkynningar sem hið
opinbera sér sér akkur í að birta
skattborgurum fyrir ærinn pening
eiga fullt erindi til þeirra skatt-
borgara sem ekki hafa aðstöðu til
að fá blöðin inn um bréfalúguna á
hverjum morgni.
VÍKINGUR
61