Sjómannablaðið Víkingur - 01.10.1981, Qupperneq 11

allra háskólamanna. Það segja
mér margir að það að koma og
tala við menn í sjávarútvegsráðu-
neytinu sé allt annað en í öðrum
ráðuneytum. Þar hafa margir há-
skólamenntaðir menn kynnst
sjónum af eigin raun, einhvern
tíma. Við þá sé hægt að tala um
sjávarútveg eins og menn.
Maður kemst líka að því í sam-
tölum við suma unglinga að þeir
halda að þjónustugreinarnar séu
okkar undirstöðuatvinnuvegur.
Þau sjá blöðin full af fréttum um
styrki og volæði í sjávarútvegi og
fiskvinnslu, halda að þar sé allt á
hausnum og fá það á tilfinning-
una að þetta sé einhver baggi. Svo
sjá þau rísa upp banka, verslanir
og glæsilegar hallir. Þarna hljóta
peningarnir að koma frá.
Hefur ekki áhyggjur
af unglingavandamáli.
— Ertu ekki bjartsýnn á að
þessi kennsla haldi áfram?
— Jú, ef hnífnum verður ekki
brugðið á okkur er ég bjartsýnn á
að við höldum nemendafjölda. í
sumum bæjum úti á landi er þátt-
takan 100% hjá piltunum, ár eftir
ár. En þetta byggist mjög mikið á
góðum kennurum og ég legg
mikla áherslu á að við fáum að
halda kennaranámsskeiðunum
áfram. Við höfum ekki fengið að
halda þau síðan 1979 en ég er
orðinn öruggur um að það fáist
næsta sumar.
Þessi námskeið eru haldin í
samstarfi við endurmenntunar-
deild K.H.Í. í vetur byrjuðu t.d.
ellefu nýir kennarar og vegna þess
að ekki var haldið námskeið í
sumar hefði ég helst þurft að vera
á ellefu stöðum í einu með nám-
skeið fyrir þá. Ég náði að vísu sex
saman á hraðnámskeið sem við
héldum á okkar vegum en þarf
svo að fara á nokkra staði út um
land að þjálfa upp einn mann á
hverjum stað, í viku hvern.
Oft eru það gamlir sjómenn
VÍKINGUR
Rýnt eftir aflanum í róðri hjá Vinnuskóla Kópavogs.
sem taka kennsluna að sér en það
hefur líka aukist að almennir
kennarar taki að sér bóklega þátt-
inn. Það hefur gefist mjög vel því
oft hafa þessir menn stundað sjó
einhvern tíma á ævinni.
Maður verður líka bjartsýnn á
framtíðina við að kynnast
unglingum í skólunum í dag. Ég
var einmitt að hugsa það þegar ég
tók að mér forfallakennslu um
daginn og kynntist 12 krökkum í
bekk sem voru svo áhugasöm um
námið. Maður þarf ekki að hafa
áhyggjur af unglingavandamáli
þegar maður kynnist svona
krökkum. Maður getur verið
virkilega bjartsýnn á framtíðina.
E.Þ.
1 1