Sjómannablaðið Víkingur - 01.10.1981, Qupperneq 17

Bakkagerði
Bakkagerði við Borgarfjörð eystri. Horft til norðurs.
Hvað skyldi það vera stór hluti
íslendinga — eða lítill — sem veit
nafnið á þorpinu í Borgarfirði
eystra?
Fyrir þá sem ekki vita það skal
það hér með upplýst að þorpið
heitir Bakkagerði og dregur nafn
sitt af bænum Bakka. Hann er nú í
eyði, en stóð skammt fyrir innan
og ofan þar sem þorpið er núna.
Bakki var landnámsjörð og um
langan aldur mikið stórbýli.
Árið 1894 er reist verslunarhús í
Borgarfirði og ári síðar er versl-
unarstaðurinn löggiltur.
í dag búa 270 manns í Bakka-
gerði. Menn stunda búskap og
sjósókn, þar er rekið frystihús,
sem breytist í sláturhús nokkra
daga á hverju hausti. Saumastofa
er starfrækt á staðnum og skapar
atvinnu handa nokkrum konum,
byggingafyrirtæki hefur nýlega
verið stofnað og er nú að reisa sex
Séra Sverrir Haraldsson og kona hans
Sigríður Eyjólfsdóttir.
VÍKINGUR
verkamannaíbúðir. Og þar er að
sjálfsögðu kaupfélagsútibú á veg-
um Kaupfélags Héraðsbúa, sem
þessa dagana er að reisa síldar-
söltunarstöð frá grunni. Það á að
salta síld á Bakkagerði í haust.
Borgarfjörður er rómaður fyrir
náttúrufegurð og margir hafa látið
þau orð falla að hvergi sé fegurra
á landinu en þar. Fjöllin með sín-
um sérkennilegu litbrigðum draga
að sér málara og þarna starfaði
meistari Kjarval og þreyttist aldrei
á að finna ný og ný form í sí-
breytilegri náttúru landsins. Kjar-
val ólst upp á bænurn Geitavík
sem stendur fyrir miðjum Borgar-
firði norðanvert.
En við erum því miður ekki
þannig af guði gerð að geta nærst
á þeirri fegurð einni sem augað
innbyrðir. Við þurfum mat. Við
þurfum klæði. Gætum við lifað á
augnayndi, væri Borgarfjörður
eystri þéttsetið og eftirsótt byggð-
arlag í dag.
Afskekkt þorp
á vetrum
Bakkagerði er eitthvert af-
skekktasta þorp á landinu. Vega-
samband þangað er ákaflega
erfitt. Yfir háan fjallveg er að fara
og hann teppist gjarna í fyrstu
snjóum. Samgöngur eru því
neðan við lágmark miðað við
kröfur nútímans, sérstaklega yfir
vetrarmánuðina. Oft er vegurinn
til Egilsstaða ekki opnaður nema
einusinni á viku í marga mánuði.
Á undanförnum árum hefur
Flugfélag Austurlands haldið
uppi áætlunarflugi milli Egilstaða
og Borgarfjarðar. Er það til mik-
illa bóta.
Sjóleiðin er erfið inn fjörðinn,
hafnarskilyrði slæm og stærri bát-
ar geta ekki lagst upp að bryggju
nema í blíðu.
17
Ad austan