Sjómannablaðið Víkingur - 01.06.1995, Side 8

VIKINGUR
konar aðferðir til að ná lendingu en
þeir hafa ekki viljað taka neinni þeir-
ra. Við verðum að bíða þess að þeir
sjái ljósið.“
Ekki klofningur
meðal sjómanna
Umrœða hefur veríð um að ekki sé
samstaða meðal sjómanna, telur þú
að svo sé?
„Eg held að það sé ekki klofningur
meðal sjómanna. Hitt er að atvinnu-
ástandið í landinu er ekki gott, menn
eru í þröngri stöðu og vilja halda
atvinnu sinni. Sumir af okkar mönn-
um eru settir upp við vegg og neyddir
til að sætta sig við hluti sem þeir
gerðu annars ekki. Margir okkar
manna eru í erfiðri stöðu, einangraðir
og fjarri okkur hinum. Við höfum ekki
tök á að ná til þeirra og ræða þessi mál
við þá. Þetta er öðruvísi en hjá öðrum
launþegum, þar sem fólk hittist og
styrkir hvað annað. Það er ekki þannig
hjá okkur. Menn standa jafnvel einir
og fá ekki stuðning af næsta manni og
það er erfitt undir pressu.“
Þau viðbrögð útgerða að flytja skip
milli svœða, til að komast hjá verk-
falli, er það ekki til að gera deiluna
erfiðari?
„Auðvitað gerir það það. Það er
forkastanlegt, þegar búið er að boða
til aðgerða, að menn búi þá til
leigsamninga hér á landi eða til út-
landa. Allar þessar aðgerðir eru ólög-
legar, það er klárt. Það er verið að
komast undan löglega boðuðu verk-
falli og löglega boðað verkfall hefur
undirstöðu í vinnulöggjöfinni og við
eigum að gangast undir hana. Það er
skylda okkar og atvinnurekenda að
virða vinnulöggjöfina og þeir hafa
sýnt lítinn vilja til að fara eftir
lögunum og nýta sér allt sem þeir geta
til að brjóta vinnulöggjöfina. Sama
má segja um annað, það er ekkert
annað en brot á lögum þegar verið er
að blanda veiðiréttinum inn í uppgjör
til sjómanna. Það voru sett lög á
Alþingi síðastliðið vor sem banna að
veiðirétti sé blandað í uppgjör til sjó-
manna, samt er það gert. Talsverður
hópur útgerðarmanna stundar lögbrot.
Ráðamenn þjóðarinnar, t.d. félags-
málaráðherra og dóms- og sjávar-
útvegsráðherra, en þetta heyrir undir
þeirra ráðuneyti, segja menn vera að
brjóta lög, en hvað gerist? Ekkert.“
Yirðingarleysi
fyrir rétti fólks
Sú staðreynd að menn eru að
komast hjá verkfalli og fleira, sýnir
það ekki að það er Itlaupin aukin
harka ísamskipti milli aðila?
„Það er aukin harka og það verður
að segjast að þessi vinnubrögð eru að
koma með nýjum „bissnessmönnum“
í útgerðarmannastétt. Þetta er virðin-
garleysi fyrir þeim rétti fólks þegar
það reynir að hafa áhrif á eigin kjör.
Það er verið að reyna að brjóta niður
stéttarfélagsanda og rétt fólks til að
vera í verkalýðsfélögum þar sem
haldið er utan um réttindi fólks. Ég
veit ekki hvort þetta er vísvitandi
stefna, að minnsta kosti segja forystu-
menn LIU að þeir mæli ekki með þes-
sum aðgerðum. Það er alveg ljóst að
verkalýðshreyfingin í landinu - ekki
bara sjómannasamtökin heldur
verkalýðshreyfingin í heild - mun
koma að þessu máli. Ef þetta líðst
gegn sjómönnum er víst að þetta
verður gert fyrir fleiri stéttir. Það er
verið að reyna að eyðileggja starf
stéttarfélaganna og verði þetta raunin
Tæringarvarnarefni fyrir dieselvélar
COOL TREAT 651
Gegn gróður-, skel- og ryðmyndun
C-TREAT6
Fyrir ferskvatnstanka
COOL TREAT 237
Hreinsum EIMARA, FORHITARA og KÆLA
KEMHYDRO SALAN
SNORRABRAUT 87, 105 REYKJAVÍK, SÍMI: 551 2521 FAX: 551 2075
8