Sjómannablaðið Víkingur - 01.06.1995, Blaðsíða 38
VÍKINGUR
Gamli Isbjörninn á Seltjarnarnesi. Þegar Bubbi vann í þessu húsi varb varb hans fyrsta topplag vinsælt, þad er ísbjarn-
arblúsinn. Bubba fannst yfirmennirnir hrokafullir. „Þetta er góbur titilli," segir Bubbi um lagib.
Það er ekkert óeðlilegt. Krakkar sem
voru að fara í fyrsta sinn að heiman og
það á vertíð. Mest voru þetta krakkar
frá 16 og til kannski 25 ára. Það var
partí hvert einasta kvöld og mikil
vinna. Þetta voru lifandi krakkar og
eðlilegt að þeir slepptu sér.“
Hvikið hvergi og berjist
með kjafti og klóm
„Það verður að draga pólitíkusana
til ábyrgðar. Kvótinn er farinn að
ganga í erfðir. í öðrum löndum væri
jafnvel búið að grípa til vopna. Hér
geta örfáir menn sagst eiga fiskinn.
Almenningur gæti eins slegið eign
sinni á Esjuna, eða hvað sem er.
Kvótinn er af illri nauðsyn. Ef
staðið er rétt að málum væri þetta
hægt, en það er það bara ekki.
Skoðum þá staðreynd að sjómenn
verða að henda fiski til að lenda ekki í
klandri. Þegar þeir gera þetta þá eru
aðrir menn með myndavélar úti á sjó
til að negla þá. Þetta er ótrúleg vit-
leysa. Það sem gerir þetta erfitt eru
ættartengsl og pólitísk tengsl. Það er
meinið; það eru það fáir sem ráða
þessu. Mín skilaboð - hvort sem
Bubbi í síldinni.
verður tekið mark á þeim eða ekki - er
að sjómenn hviki hvergi og berjist
með kjafti og klóm gegn sægreif-
unum. Ef menn sameinast og hafa
kjark og þor trúi ég því að það sé hægt
að breyta þessu.
Viðbrögð útgerða vegna verk-
fallsins eru nútímaþrælahald og það á
árinu 1995. Þeir sem hafa stuðlað að
þessu eru jakkalakkar og þeir eiga að
skammast sín. Ég trúi ekki að þeir
sofni með hreina samvisku á
kvöldin.“
Meira í takt við sjálft sig
og náttúruna
Þú ferð víða um land. Er munur á
fólki á landsbyggðinni og fólki í
Reykjavík?
„Stór munur. Mér finnst fólk úti á
landi meira í takt við sjálft sig og nátt-
úruna. Ég hef farið um landið bæði
sumur og vetur. Ég dáist að fólki,
sérstaklega á Vestfjörðum, að halda
þetta út. Ohjákvæmilega er hraðinn í
Reykjavík mikill og hér vantar fjöl-
skyldubraginn sem er í minni byg-
gðum. Reykjavík er dverg-stórborg og
þar liggur munurinn.“
38