Sjómannablaðið Víkingur - 01.06.1995, Side 72

VÍKINGUR
Islenskir sjómenn að
springa á limminu?
Þolpróf sem líkamsrœktar-
stöðin Máttur gerði á sjó-
mönnum í samvinnu við
Vinnuvernd leiðir í Ijós að
þeim veitir ekki af að hefja
líkamsœfingar. Slökkviliðs-
menn eru í miklu betra formi
en sjómenn.
Goðsögnin um hreysti og krafta
íslenskra sjómanna hefur beðið skip-
brot ef taka skal mark á þolprófi sem
líkamsræktarstöðin Máttur-Vinnu-
vernd hefur látið sjómenn gangast
undir. Prófin fólust í því að sjómenn-
irnir reyndu sig í sjö mínútur á þol-
hjóli og útkoman var sú að þeir eru í
ákaflega slæmu ásigkomulagi og
standast engan veginn samanburð við
íslenska slökkviliðsmenn, sem einnig
gengust undir þetta próf.
Vinna sjómanna felst í
hörku skorpuvinnu
Magnús Ólafsson, þolfimikennari
hjá Mætti, hafði yfirumsjón með þol-
prófunum. Hann hefur um nokkurt
skeið kannað í samstarfi við Vinnu-
vernd aðbúnað um borð í íslenskum
togurum.
„Ég var búinn að vinna með Vinnu-
vernd um borð í skipum. Vinna sjó-
manna felst í hörku skorpuvinnu, sem
gerir það að verkum að menn þurfa að
vera vel á sig komnir til að standast
átökin.
Segja má að slökkviliðsmenn búi
við álíka vinnuaðstæður og sjómenn.
Við ákváðum því að prófa líka þol
slökkviliðsmanna hér í Reykjavík.
Sjómenn komu illa út úr þeim saman-
burði. Slökkviliðsmenn virðast ná að
halda sér í góðri æfingu, enda eiga
þeir auðveldara með það en sjómenn.
Sjómenn hafa átt erfiðara með að
stunda líkamsrækt vegna langra
fjarvista og auk þess hefur fram að
þessu ekki verið lögð jafnrík áhersla á
gott líkamsástand sjómanna eins og
gildir um slökkviliðsmenn.
Mér sýnist vera ástæða til að sinna
þessu af miklu meiri alvöru héðan af
og nauðsynlegt að koma æfinga-
tækjum fyrir um borð í togurunum.
Það hefur að vísu verið gert töluvert af
því í seinni tíð, en það er sjaldnast
hugsað um að kenna sjómönnunum að
nota tækin. Það skiptir mjög miklu
máli.“
Hvemig var staðið að þessu þol-
prófi?
„Þolprófið er ákaflega einfalt fyrir-
bæri, þetta er sex til sjö mínútna próf á
hjóli. Það er alls ekki erfitt. Menn eru
látnir þola ákveðið álag í ákveðinn
tíma og mælingarnar styðjast við
púlsinn. Þeim mun lakara formi sem
72