Sjómannablaðið Víkingur - 01.06.1995, Qupperneq 65

VÍKINGUR
Fairgulf lagðist utan á Patriot. Ekki er
vitað hversu mikið magn var selt en
Patriot er 36 þúsund tonn að stærð.
Ætli launin séu orðin í lægri kantinum
í Bandaríkjunum?
Merkileg áætlun
í seinni heimsstyrjöldinni gerðu
Bretar áætlun um byggingu á ódýru
flugmóðurskipi og gekk þessi áætlun
undir nafninu Habbakuk. Þessi áætlun
var unnin frá Kanada þar sem nægjan-
legur kuldi var til staðar. En af hverju
kuldi? Jú, áætlunin gerði ráð fyrir að
flugmóðurskipið, sem jafnframt yrði
ósökkvanlegt, skyldi gert úr borgarís-
jaka. Hugmyndin var sú að ísbrjótur
færi inn á hafíssvæði, bryti þar góðan
ísmola úr hellunni og hann yrði síðan
dreginn suður á bóginn út á mitt
Atlantshaf. Þaðan væri svo hægt að
stjórna leit að kafbátum og þeim jafn-
framt grandað. Fljótlega tók þó að
bera á ýmsum vandamálum svo sem
að skipið yrði að hafa meira en 15
metra fríborð svo það gæti staðist
storma Atlantshafsins. Einnig þyrfti
ísmolinn að vera lágmark 150 metra
djúpur en einungis 1/10 af borgarís-
jökum stendur upp úr sjónum. ísbrjót-
um var þó einungis kleift að brjóta allt
að 6 metra þykka mola, svo enn voru
144 metra vandamál til staðar!
Rannsóknir á þessari nýju gerð
flugmóðurskipa stóðu yfir í meira en
ár og fjármagnið sem fór í prófanirnar
var orðið talsvert meira en sem svar-
aði smíðakostnaði á einu flugmóður-
skipi á hefðbundinn hátt. Líkön voru
smíðuð og einnig frystihús til að geta
haldið kuldanum á ísmolunum. Þegar
ljóst varð að þessi hugmynd væri út í
hött þorði enginn að segja Churchill
slæmu fréttirnar, því menn höfðu hver
um annan þveran fullvissað hann um
að frábær hugmynd væri hér á ferð.
Hefði gerð þessa skips orðið að
veruleika er ég þess fullviss að það
væri horfið af yfirborði sjávar í dag,
jafnvel þótt vel hefði verið til verksins
unnið.
Sjóslysin
Félag vátryggjenda í London birti
nýlega skýrslu yfir sjóslys í heiminum
á fyrsta fjórðungi ársins. Skýrsla þeir-
ra tekur einungis yfir skip sem eru
stærri en 500 tonn að stærð og á þre-
mur fyrstu mánuðum ársins voru 18
skip (88.801 tonn) sem ýmist fórust
eða voru talin ónýt eftir óhöpp. Það er
6 skipum færra en frá árinu á undan,
en þá voru skipin 24 (348.879 tonn).
Hugsanlega á talan eftir að hækka
örlítið þar sem ekki hefur enn verið
lokið við uppgjör allra tjóna. Skipin
18 voru frá 16 mismunandi þjóðlön-
Raytheon
V850 and V8010
Color Fishf inder/Plotters
DÝPTARMÆLAR
fyrir lítil og stór skip
RAFHUS
Fiskislóð 94-101 Reykjavík
Sími: 562 1616 - Fax: 562 7366
Hafnargötu 38 - 230 Keflavík
Simi:'421 1775 - Fax: 421 5844
L
65