Sjómannablaðið Víkingur - 01.06.1995, Blaðsíða 14
VÍKINGUR
Sævar Gunnarsson, formaður Sjómannasambands íslands:
Það er einhugur
meðal manna
„Þeir hafa alfarið hafnað því að
breyta uppsagnarfrestinum. Eg full-
yrði að það er engin önnur stétt á
íslandi, og þótt víðar væri leitað, sem
hefur aðeins viku uppsagnarfrest og
það óháð því hvað menn hafa starfað
lengi hjá fyrirtækjunum. Það er með
ólíkindum að útgerðarmenn skuli ekki
fást til að leiðrétta þetta,“ sagði Sævar
Gunnarsson, formaður Sjómanna-
sambands Islands.
„Það er ekki hægt að láta þetta mál
bíða. Ég get ekki fullyrt að það náist
breyting á þessu, en krafan um upp-
sagnarfrestinn er sett fram af fullri
hörku.“
Sjómannasambandið er í samfloti
með Farmanna- og fiskimannasam-
bandinu, en eru fleiri kröfur en leið-
rétting á uppsagnarfresti sem skilja
að Sjómannasambandið og hin sam-
tökin?
„Nei, það er varla hægt að segja
það. Það eru tvö eða þrjú önnur
ákvæði sem skilja okkur frá hinum, en
ekki eins stórvægileg. Hinir eru einnig
með sérkröfur.“
Nú þegar við erum að tala saman á
fyrsta degi verkfallsins, hvernig metur
þú hotfurnar?
„Það er reynsla fyrir því að lítið
gerist fyrstu vikuna eftir að verkfall
hefst. Ég er að vona að menn fari ekki
í það að henda skít hver í annan. Ég
vona að menn komi fram af fullum
heilindum, þrátt fyrir að komið sé
verkfall. Það er tilfinning, frekar en
vissa, að menn taki á þessu fyrr en
síðar. Það liggur fyrir að það þarf að
ljúka þessu, það er ljóst.“
Það eru uppi raddir um óeiningu
meðal sjómanna, verðurþú var við að
svo sé?
„Nei. Umfjöllunin um þessi mál
hefur verið furðuleg. Við gerð kjara-
samnings sem nær yfir eins mikla
vídd og í okkar tilfelli þá verður það
alltaf þannig að allir fá ekki það sama.
Það verður þá að vinna þetta þannig,
að þeir sem hugsanlega verða „útund-
an“ núna fái það sem á vantar næst.
Þetta verður að vera mat samninga-
nefndarmanna en það verður engum
hafnað. Við verðum að velja og hafna
og við erum menn til að meta það
þegar að því kemur.
Ég heft samband við sjómenn í dag
og það er einhugur meðal manna.“
/ þessari deilu kemur upp mál sem
ekki hefur verið á borðinu áður, en
það er sýndartilfœrsla á skipum til að
komast hjá verkfalli.
„Þetta er forkastanlegt. Ég höfða til
LÍÚ. Þeir hafa gert við okkur samning
og ég heiti á þá að þeirra menn standi
við samninginn. Ég höfða líka til
verkalýðshreyfingarinnar almennt. Ef
þetta verður hægt gegn sjómönnum þá
mun þetta koma upp víðar.
Ég viðurkenni vandamálin gagnvart
þeim skipum sem hafa verið leigð til
annarra landa, en þau mál eru
erfiðari.“
Þeir sem hafa tekið þessar
ákvarðanir skilja eflaust eftir sár.
Óttast þú að þau verði lengi að gróa ?
„Ég held að við ættum að leggja
áherslu á að hlýða kalli 99 prósenta
sjómanna, sem ekki taka þátt í þessu.
Við megum ekki falla í þá gryfju að
stoppa viðræður vegna þessara mála.
Þetta vandamál getur dregist jafnvel
fram í september. Að taka ekki þátt í
viðræðum á meðan kemur ekki til
greina. Ég ætlast til þess að vinnuveit-
endur virði samninga og kalli skipin
heim. Þetta eru brot á vinnulög-
gjöfinni. Ég hef haft samband við
fjóra virta lögfræðinga, sem þekkja
vel til vinnulöggjafarinnar. Þeir voru
sammála um að þetta væri lagabrot.“
14