Sjómannablaðið Víkingur - 01.06.1999, Qupperneq 59

vinninga á happdrættisárinu er 555 milljón-
'r króna. Þann 27. apríl á næsta ári verður
risavinningurinn dreginn út en hann nemur
40 milljónum króna og þessi upphæð er
dregin út á eitt númer,“ sagði Sigurður Á-
gúst Sigurðsson.
Það vekur athygli að ólíkt því sem er í
öðrum flokkahappdrættum er dregið viku-
iega í Happdrætti DAS. Sigurður er spurð-
ur hvernig þetta fyrirkomulag hafi reynst.
„Þetta hefur mælst vel fyrir. Fyrir þremur
árum var útdráttum fjölgað og í stað þess
að draga 12 sinnum á ári er dregið 48
sinnum eðafjórum sinnum í mánuði. Það
er helmingi oftar en í Happdrætti HÍ. Með
Þessari fjölgun útdrátta leggjum við jafn-
framt áherslu á góðu vinningana. Þegar við
örógum einu sinni í mánuði vorum við með
einn tveggja milljón króna vinning. Nú
örögum við út tveggja milljóna vinninga
fjórum sinnum í mánuði. í reynd er því fjór-
falt meiri möguleiki á að fá tveggja milljón
króna vinning. Þar með er helmingi ódýr-
ara að spila með okkur en í Háskólahapp-
öraettinu ef við viljum fara út í slíkan sam-
anburð. En burtséð frá því er Ijóst að
Happdrætti DAS hefur lyft grettistaki varð-
andi uppbyggingu dvalarheimila fyrir aldr-
aða. Það er því afar brýnt að stuðningur
Þjóðarinnar við þetta þarfa málefni haldist
svo áframhaldandi uppbygging geti átt sér
stað. Þörfin er gríðarleg og happdrættið
stendur undir kostnaði við uppbygging-
una. Ég hvet alla landsmenn til að leggjast
á árina með okkur.“
-Er einhver sérstakur hópur fólks sem er
áberandi stór í hópi viðskiptamanna ykk-
ar?
„Okkar stærsti viðskiptahópur hefur ver-
ið fullorðnir einstaklingar sem eru á ein-
hvern hátt tengdir sjómannastéttinni og
Hrafnistuheimilunum. En með því að fjölga
útdráttunum höfum við náð betur til yngra
fólks sem kaupir okkar miða í vaxandi
mæli. Þar kemur líka til aukin notkun krítar-
korta sem margt ungt fólk notar og rafræn
viðskipti þykja mjög þægilegur greiðslu-
máti.
Við höfum líka haslað okkur völl með
happdrættið í Færeyjum. Það er mikið á-
nægjuefni hvað Færeyingar hafa tekið okk-
ur vel og spila af miklum áhuga. Þetta er
fjórða árið sem við seljum happdrættis-
miða í Færeyjum. Þar heitir þetta Happa-
drátturin DAS.“
Það hefur ekki farið framhjá neinum að
mikil samkeppni ríkir á happdrættismark-
aði og þar eru nú margir möguleikar í boði.
Sigurður Ágúst bendir á að fólk ætti að
kynna sér vinningslíkurnar þegar það á-
kveði hvar það ætli að spila.
„Samkeppnin hefur farið síharðnandi á
þessum markaði og happdrættin þrjú ekki
lengur eitt um kökuna. Lottóið byrjaði 1986
og síðan Víkingalottóið. Þá má ekki gleyma
spilakössum Rauða krossins og kössum
Háskólahappdrættisins. Okkar viðskipta-
vinir verða oft hissa þegar við bendum
þeim á hvaða möguleika þeir hafa til að
hljóta tveggja milljóna króna vinning fjórum
sinnum í mánuði í Happdrætti DAS eða
einn á móti 80 þúsund. ( Lottóinu eru
möguleikinn á vinningi einn á móti 520
þúsund vikulega. Það er því varla spurning
hvar hagstæðast er að vera með ef horft er
á vinningsvonina."
Á Alþingi kom fram tillaga um að lögum
yrði breytt svo Happdrætti DAS og SÍBS
gætu orðið peningahappdrætti?
„Það mál kemur til kasta nýrrar ríkis-
stjórnar. Staðreyndin er sú að í gildi eru lög
um einkaleyfi Háskólans til að reka pen-
ingahappdrætti. En við höfum mörg dæmi
um að það einkaleyfi hafi verið virt að
vettugi. Til dæmis þegar Lottóið, Víkinga-
lottó og spilakassar Rauða krossins og ís-
lenskar getraunir hófu starfsemi. Svo þeg-
ar kemur að flokkahappdrættunum DAS
og SIBS, sem eru með elstu happdrættum
hér á landi, er þetta gamla einkaleyfi tekið
upp og dustað af því rykið. Því má segja
að lögin um happdrætti DAS og SÍBS sem
áttu að vernda starfsemi þeirra á sínum
tíma séu farin að virka öfugt. Svo ég fari nú
ekki að vitna í þessi lög þar sem tíundað er
hvað megi vera í vinninga, svo sem bú-
peningur og búvélar. Við sóttum um leyfi til
að reka spilakassa en fengum neitun. Ári
síðan kom svo Happdrætti Háskólans með
þá inn á markaðinn. En við berjumst ó-
trauðir áfram í þágu góðs málefnis sem öll
þjóðin nýtur góðs af með einum eða öðr-
um hætti. Það er ekkert sem kemur í stað-
inn fyrir Happdrætti DAS,“ sagði Sigurður
Ágúst Sigurðsson. ■
sendir sjómönnum og fjölskyldum
þeirra bestu kveðjur á sjómannadag!
SJÓMANNABLAÐIÐ VÍKINGUR
59