Náttúrufræðingurinn - 1989, Qupperneq 57

FOSSAR UPP í MÓTI
Það kemur alloft fyrir að fossar hér á landi eiga í erfiðleikum með að falla.
Þetta gerist einkum í hvassviðri þar sem sterkur vindur stendur nokkurn veginn
beint á fjallshíðarnar þar sem fossar falla annars óhindraðir. Mest er þetta áber-
andi ef fossarnir eru nokkuð háir og ekki mjög vatnsmiklir. Þetta er ekki óal-
geng sjón undir Eyjafjöllum þar sem mikið er af smáum en háum fossbunum og
rok eru algeng. Myndin sem hér er sýnd er tekin innst í Breiðdal, inni undir
Breiðdalsheiði í ágúst sumarið 1989. Rigning hafði verið nokkuð mikil undan-
gengna daga og vindar voru einkar hagstæðir til þess að kalla fram þetta fyrir-
bæri. Ljósm. photo Páll Imsland.
Páll Imsland
NáUúrufræðingurinn 59 (3), bls. 167, 1989.
167