Náttúrufræðingurinn - 1989, Side 58

TVÖFALT FRAMHLAUP
Víða í dölum landsins hafa fjallshlíðarnar hlaupið fram, eins og sagt er. Hluti
fjallshlíðarinnar hefur þá klofnað frá fjallinu og hrunið niður í dalinn. Þetta
mun einkum hafa gerst í lok ísaldarinnar. Jöklar höfðu þá grafið sig alllangt
niður í hraunlagastaflann og myndað dalina. Þegar jöklarnir hurfu úr dölunum,
misstu brattar fjallahlíðarnar þann stuðning sem þær höfðu haft af ísmassanum.
Þær urðu þá gjarnan óstöðugar og sprungu fram.'jarðlagaskipanin brotnaði upp
og bergið endaði í hrúgöldum niðri í dalbotni. Myndin sem hér er birt sýnir lítið
framhlaup, sem hlaupið hefur fram úr eldra og stærra framhlaupi norður í
Sléttuhlíð, líklega löngu síðar en stóra framhlaupið. Við slíkt framhlaup hafa
aðstæður verið öðru vísi en lýst var að ofan, en hvernig þær voru er enn óþekkt.
Ljósm. photo Páll Imsland.
Páll Imsland
Náttúrufræöingurinn 59 (3), bls. 168, 1989.
168