Andvari - 01.06.1965, Blaðsíða 5

SVEINN EINARSSON:
William Shakespeare
William Shakespeare in Stratford upon Avon in the County of Warwick,
gentleman, átti fjögurra alda afmæli í fyrra. Það er að vísu nokkuð í óvissu
hver sjálfur afmælisdagurinn var, en trúlega var hann 23. eða 22. apríl. Kannski
skiptir það heldur ekki höfuðmáli, hver afmælisdagurinn var, fráleitt að binda
sig við tölur, þegar minnast skal eins þeirra fáu manna, sem hafa gert aldareikn-
ing okkar að smámunasemi.
Annars er fleira í ævi Williams Shakespeares en fæðingardagurinn einn,
sem menn hafa óglöggar heimildir um. En skírður var hann í þorpskirkjunni
26. apríl 1564. Faðir hans, John, þótti vel stæður, stundaði bæði iðnrekstur og
búskap og gegndi opinberum störfum. Móðirin hét Mary og Arden áður en hún
giftist. Bæði voru þau hjón kaþólsk, sem þá var farið að teljast til undantekninga,
og í þeirri trú var sonurinn, William, alinn upp. Hann var þriðja bam þeirra
og elzti sonur. Af æsku hans fara fáar sögur, en í bænum var latínuskóli, og í
hann mun Shakespeare hafa gengið, a. m. k. nokkur ár. En kunn eru orð skálds-
ins og vinarins Bens Johnsons: hann sagði Shakespeare kunna little latin og
less greek, lítið í latínu og minna í grísku.
Næst rekumst við á nafn hans ritað 27. nóvember 1582. Þá eru gefin saman
William Shakespeare og Ann Hathaway. Brúðguminn er átján ára, brúðurin
26 ára. Firnm mánuðum síðar fæðist þeim dóttir, sem skírð er Susanna, og eftir
tvö ár í hjónabandi koma tvíburar, Judith og Hamnet.
Þeir ófáu, sem dundað hafa við að setja saman ævisögu Shakespeares,
styðjast einkum við ferns konar heimildir: Opinber skjöl eins og þau, sem við
höfum þegar kynnzt og segja frá skírn hans og giftingu; í öðru lagi það, sem
samtímamenn hans segja um hann og verk hans; mest af því er bókmenntalegs
eðlis. í þriðja lagi eru verk hans sjálfs, leikritin og sonnettumar: þar er víður
heimur og mikill og erfitt að fóta sig. í fjórða lagi er svokölluð söguleg erfð,
heimildir, sem stundum eru munnlegar nokkra ættliði. Þannig var um gaman-
sögur eða gróusögur, sem John Aubray, sem lifði á uppbyggingartímanum eða
undir aldamótin 1700, safnaði og margar hverjar voru komnar frá gömlum leik-