Fréttablaðið - 18.09.2009, Blaðsíða 10

10 18. september 2009 FÖSTUDAGUR
G l æ p i r g l e y m a s t e k k i
Grípandi saga um hatur og hefnd
sem teygir sig til þriggja heimsálfa,
yfir þrjár aldir.
Þú leggur hana ekki frá þér.
„... höfundinum tekst frábærlega upp,
hreint stórkostlega.“
Aftenposten
„Prýðilega saminn þriller og metnaðarfullur... fín bók.“
Páll Baldvin Baldvinsson, Kiljan
Besta bók
Mankells
í 15 ár!
Viltu hætta að reykja?
Krabbameinsfélag Reykjavíkur hefur um árabil haldið námskeið fyrir
einstaklinga eða hópa sem vilja hætta að reykja.
Næsta námskeið hefst mánudaginn 21. september 2009.
Hægt er að skrá sig í síma 540 1900 eða á netfangið reykleysi@krabb.is
Nánari upplýsingar á www.krabb.is/reykleysi
BORGARMÁL Reykjavíkurborg
þarf að draga saman í rekstrar-
útgjöldum um rúmlega sex pró-
sent á komandi fjárhagsári. Við
ákvörðun fjárhagsramma til ein-
stakra málaflokka var forgangs-
raðað í þágu grunnþjónustu,
barna- og velferðarmála. Þannig
er minni krafa um hagræðingu
á menntasviði, leikskólasviði og
íþrótta- og tómstundasviði, en
á framkvæmda- og eignasviði,
skipulags- og byggingasviði og
umhverfis- og samgöngusviði.
Á fundi borgarráðs í gær voru
lagðar fram forsendur fyrir fjár-
hagsáætlunargerð Reykjavíkur-
borgar fyrir árið 2010. Þar er
gert ráð fyrir svipaðri þróun
atvinnu- og efnahagsmála og
Seðlabanki Íslands gerir ráð fyrir
og almennri lækkun tekna og
hækkun velferðarútgjalda. Gert
er ráð fyrir að skatttekjur lækki
um sex prósent eða tæplega 2,5
milljarða króna, fjármagnstekj-
ur lækki um 1,3 milljarða og vel-
ferðarútgjöld aukist um tæplega
tvo milljarða króna.
Gert er ráð fyrir að fagráð og
fagsvið Reykjavíkurborgar skili
tillögum að starfs- og fjárhags-
áætlun 14. október og að borgar-
stjórn ljúki umræðu um frum-
varpið í byrjun desember.
- shá
Reykjavíkurborg þarf að draga saman útgjöld um sex prósent á næsta ári:
Grunnþjónustan gengur fyrir
RÁÐHÚS REYKJAVÍKUR Borgin forgangs-
raðar verkefnum í þágu grunnþjónustu,
barna og velferðarmála.
FRÉTTABLAÐIÐ/STEFÁN
DÓMSMÁL Tæplega sextug kona
hefur verið dæmd fyrir að stela
úr verslun á Selfossi brjósta-
haldi og nærbuxum fyrir rúm-
lega ellefu þúsund krónur.
Konan játaði brot sitt greið-
lega fyrir dómi. Samkvæmt
sakavottorði er þetta í fjórða
sinn sem konan er sakfelld
fyrir þjófnað.
Í þetta skiptið var hún dæmd
í tveggja mánaða skilorðsbund-
ið fangelsi. Með hliðsjón af
sakaferli hennar svo og játn-
ingu fyrir lögreglu og dómi
þótti rétt að skilorðsbinda refs-
inguna.
- jss
Kona um sextugt:
Stal nærbuxum
og brjóstahaldi
UMHVERFISMÁL Hjá Reykjavíkur-
borg hefur almennt verið farið
mjög varlega í uppsetningu á
GSM-sendum, að sögn formanns
umhverfisráðs. Þetta hefur verið
gert „þrátt fyrir að allir okkar
embættismenn og fræðimenn sem
við höfum leitað til segi okkur að
það stafi engin hætta af þeim,“
segir formaðurinn, Gísli Marteinn
Baldursson.
Honum kemur ekki á óvart
ályktun Evrópuþingsins, sem sagt
var frá í blaðinu í gær og bannar
að slíkir sendar séu settir ofan á
skóla. „Ég er sannfærður um að
umhverfissvið hefur tekið mið af
því. Það er sjálfsagt að tefla ekki á
tvær hættur í þessu,“ segir hann.
Greint hefur verið frá áhyggjum
íbúa af GSM-sendum í blaðinu síð-
ustu daga, en fjölskylda á Egilsstöð-
um flúði heimili sitt eftir að sendir
var settur upp í nágrenninu. Heim-
ilisfólkið fann fyrir óþægindum í
höfði og á húð. Eins hefur grunn-
skólakennari sagt frá verri líðan
sinni og nemenda sinna, eftir að
sendi var komið fyrir uppi á skól-
anum. Í Grindavík berst maður nú
gegn því að GSM-sendir verði sett-
ur upp nálægt heimili hans.
Gísli Marteinn segist ekki geta
svarað fyrir hvort uppsetning
sendanna hafi alltaf verið grennd-
arkynnt. „En þeir sem hafa verið
settir upp í minni tíð hafa verið
það,“ segir hann og rifjar upp tvö
dæmi: einn sendi sem hætt var við
að setja upp vegna mótmæla íbúa
og annan sem var settur upp eftir
að allir íbúar hverfisins féllust á
það.
Spurður hvort sendarnir séu enn
settir ofan á skóla og sjúkrastofn-
anir, segir Gísli Marteinn að hann
viti ekki til þess, að minnsta kosti
ekki í seinni tíð.
„Við tökum þetta alvarlega og
höfum heyrt reynslusögur frá fólki
sem telur sig hafa orðið fyrir skaða
af þessu og förum því mjög var-
lega,“ segir Gísli Marteinn.
Á Íslandi eru engin lögbundin
viðmið um hámarksstyrk GSM-
senda, en Geislavarnir ríkisins
miða við tilmæli ESB, sem gera ráð
fyrir hærri styrk en til dæmis gert
er í Sviss og í Kína.
Í vor sagði Evrópuþingið að
framkvæmdastjórn ESB ætti að
setja reglur gegn GSM-sendum á
skólum og heilbrigðisstofnunum.
Geislavarnirnar mælast til þess
að fólk passi upp á GSM-notkun
barna, þar sem ekki er vitað um
áhrif GSM-bylgna á heilsufar.
klemens@frettabladid.is
Reykjavík taki
mið af GSM-
reglunum
Formaður umhverfisráðs segir ályktun Evrópuþings-
ins gegn GSM-sendum á skólum ekki koma á óvart
og er sannfærður um að umhverfissvið borgarinnar
taki mið af því. „Tökum þetta alvarlega“ segir hann.
FJARSKIPTAMÖSTUR Á VALHÚSASKÓLA Faðir á Seltjarnarnesi hefur gert athugasemdir
við þessi möstur. Honum var sagt að Geislavarnir ríkisins teldu bylgjurnar hættu-
lausar. FRÉTTABLAÐIÐ/VILHELM
NÝ HANDHÆG TÖLVA Nýjasta afurð PSP-
tölva frá Sony, svokölluð „PSP go“, var
frumsýnd á blaðamannafundi í Hong
Kong í gær. Tölvan þykir ein sú hand-
hægasta leikjatölva sem sést hefur. Hún
verður sett í sölu í byrjun október.
FRÉTTABLAÐIÐ/AFP
Auglýsingasími
– Mest lesið