Fréttablaðið - 18.09.2009, Blaðsíða 18

18 18. september 2009 FÖSTUDAGUR
timamot@frettabladid.is
Bjarni Lárus Hall, eða Baddi í hljóm-
sveitinni Jeff Who?, heldur upp á þrí-
tugsafmælið sitt í kvöld. Veislan verð-
ur haldin á annarri hæð Priksins og
þangað verður helstu vinum og vanda-
mönnum boðið.
„Ég er alltaf hræddur um að
gleyma einhverjum og ætla að reyna
að láta þetta spyrjast út meðal fólks.
Ef það eru einhverjir þarna úti sem
ég gleymdi að bjóða þá er fínt að
nota tækifærið og bjóða þeim,“ segir
Baddi. Hann ætlar ekki að syngja
með hljómsveitinni í afmælinu og
vill miklu frekar sinna gestunum eins
vel og kostur er. „Hljómsveitin verð-
ur þarna en ég efast um að við spilum
nokkuð. Ég efast líka um að Jeff Who?
fari á fóninn. Vinir mínir mæta alveg
nógu mikið á tónleika. Ég vil ekki
íþyngja þeim í afmælinu líka.“
Badda líst ágætlega á að verða þrí-
tugur og kvíðir því engan veginn. „Ég
ætlaði alltaf að verða fullorðinn þegar
ég yrði þrítugur en þá var allt í svo
góðu ástandi í þjóðfélaginu. Núna sé
ekki mikinn tilgang í því að verða full-
orðinn og setjast fyrir framan tölvu-
skjá. Ég get verið ungur áfram.“
Baddi heldur bara upp á stórafmæl-
in sín og síðast hélt hann upp á 25 ára
afmælið á skemmtistaðnum Sólon.
Hann óskar ekki eftir neinu sérstöku
í afmælisgjöf, nema þá helst vina-
böndum sem hægt er að setja um úln-
liðinn. „Ef það er eitthvað sem skil-
ur eitthvað eftir sig er það vinaband.
Þau eru ódýr líka.“
Áður en afmælisveislan hefst í
kvöld taka Baddi og félagar í Jeff
Who? þátt í úrslitakvöldi Popppunkts
í beinni útsendingu í Sjónvarpinu.
Spurður hvort hann ætli ekki að sigra
í tilefni dagsins kemur hik á hann:
„Ég hef tvisvar sinnum fallið úr efstu
deild í fótbolta á afmælisdaginn og
við erum að fara að keppa við Ljótu
hálfvitana. Það er frekar ólíklegt að
það verði breyting þar á,“ segir hann
og hefur greinilega sætt sig við bölv-
unina sem virðist fylgja afmælisdeg-
inum. „Það er allt í lagi, fall er farar-
heill.“
freyr@frettabladid.is
BJARNI LÁRUS HALL: FAGNAR ÞRÍTUGSAFMÆLI
Hættur við að verða fullorðinn
BADDI Bjarni Lárus Hall heldur upp á þrítugsafmælið sitt í kvöld, skömmu eftir úrslitaþátt Popppunkts. FRÉTTABLAÐIÐ/VALLI
GRETA GARBO
FÆDDIST Á ÞESSUM DEGI.
„Lífið gæti verið yndislegt
ef við aðeins vissum hvern-
ig við ættum að haga því.“
Sænska leikkonan Greta
Garbo (1905-1990) gerði
garðinn frægan með myndum
á borð við Queen Christina
(1933) Anna Karenina (1935).
Frægt var þegar Garbo dró sig
fyrirvaralaust í hlé frá kvik-
myndaleik árið 1941 og sást
ekki á hvíta tjaldinu eftir það.
MERKISATBURÐIR
1699 Jón Vídalín biskup gengur
að eiga Sigríði Jónsdóttur
frá Leirá. Athöfnin fer fram
í Skálholti.
1810 Sjálfstæðisdagur Chile.
1911 Pétur Stolypin, forsætis-
ráðherra Rússa, er skot-
inn fyrir utan óperuhúsið í
Kænugarði.
1931 Mukden-atburðurinn í
Mansjúríu veitir Japönum
átyllu til þess að ráðast á
Kína.
1968 Knattspyrnukappleik Vals
gegn portúgalska liðinu
Benfica lýkur með marka-
lausu jafntefli. Áhorfendur
eru 18.243 sem er vallar-
met.
1981 Franska þingið afnemur
dauðarefsingu.
1984 Kröflueldum lýkur en þeir
höfðu staðið frá 1975.
Maó Zedong (26. desember 1893-9. september
1976) var kínverskur marxisti og pólitískur leið-
togi Kína.
Hann tók þátt í stofnþingi Kommúnistaflokks
Kína árið 1921. Hann var síðan skipaður formað-
ur Kommúnistaflokks Kína á 7. flokksþingi hans
árið 1945. Kommúnistaflokkurinn stofnaði Al-
þýðulýðveldið Kína árið 1949 undir forystu Maós.
Var hann leiðtogi þess til dauðadags árið 1976.
Maó er mjög umdeildur leiðtogi og hefur eink-
um í seinni tíð verið gagnrýndur fyrir að standa
fyrir menningarbyltingunni svokölluðu sem er
talin hafa haft neikvæð áhrif á menningu Kín-
verja.
Síðustu ævidaga sína á Maó að hafa harmað
að hafa ekki náð að breyta Kína í það heimsveldi
sem hann hafði ætlað sér. Hann hélt skýrri hugs-
un allt til dauðadags en heilsu hans hafði hrakað
í nokkra mánuði áður en hann lét lífið 9. sept-
ember 1976. Útförin fór fram í Peking 18. sept-
ember það ár. Heimild: www.wikipedia.org
ÞETTA GERÐST: 18. SEPTEMBER 1976
Maó lagður til hinstu hvílu
Ástkær eiginkona mín, móðir okkar,
tengdamóðir, amma og langamma,
Björg Bogadóttir
Hverafold 19, Reykjavík,
verður jarðsungin frá Grafarvogskirkju föstudaginn
18. september kl. 13.00.
Stefán Stefánsson
Elín Pálsdóttir Vigfús Þór Árnason
Karólína Sigfríð Stefánsdóttir Þórður Björgvinsson
Stefán Bogi Stefánsson
ömmu- og langömmubörn.
Innilegar þakkir til allra þeirra sem sýndu
okkur samúð og hlýhug vegna andláts og
útfarar ástkærrar móður okkar, tengda-
móður, dóttur og ömmu,
Bryndísar Ragnarsdóttur
Jaðarsbraut 25, Akranesi.
Sérstakar þakkir færum við starfsfólki á blóðlækninga-
deild 11 G fyrir frábæra umönnun.
Halldóra Sigríður Gylfadóttir Leó Ragnarsson
Hrefna Björk Gylfadóttir Stefán Bjarki Ólafsson
Elva Jóna Gylfadóttir Elmar Björgvin Einarsson
Ragna Borgþóra Gylfadóttir Arild Ulset
Erna Björg Gylfadóttir Þórður Guðnason
Bryndís Þóra Gylfadóttir Sigurður Axel Axelsson
Elísa Rakel Jakobsdóttir
og ömmubörn.
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Í haust eru fimmtíu ár liðin frá því að fyrsta Gilwell-
námskeiðið var haldið hérlendis. Gilwell-námskeiðin
eru alþjóðleg foringjaþjálfun skáta, sem Baden Powell
kom á fót árið 1919.
Þjálfunin var upphaflega eingöngu ætluð þeim sem
störfuðu með kvenskátum en Ísland var meðal fyrstu
landa í heiminum til að sameina starf drengja- og
kvenskáta í skátafélögum og einu bandalagi.
Fyrsta námskeiðið, sem haldið var 19. til 27. sept-
ember 1959, sóttu 24 en alls hafa um 800 sótt slík nám-
skeið á Íslandi.
Af þessu tilefni verður haldin Gilwell-hátíð á Úlf-
ljóts vatni 19. september. Hátíðin verður opin öllum
sem sótt hafa námskeiðin um árin, sem og öllum sem
áhuga hafa á starfi skátahreyfingarinnar.
Gilwell-skólinn
fimmtíu ára
FYRSTA NÁMSKEIÐIÐ Á þessari mynd má sjá þátttakendur á fyrsta
Gilwell-námskeiðinu, sem haldið var fyrir hálfri öld.
AFMÆLI
ALLISON
LOHMAN
leikkona
er þrítug.
JADA PINK-
ETT SMITH
leikkona
er 38 ára.
LANCE
ARMSTRONG
hjólreiða-
maður er
38 ára.
EINAR MÁR
GUÐMUNDS-
SON
rithöfundur
er 55 ára.
Ástkær sambýlismaður minn, sonur, faðir
okkar, tengdafaðir, afi og frændi,
Sigurður Karlsson
verktaki, Fagurgerði 2b, Selfossi,
sem lést á lungnadeild Landspítalans Fossvogi
fimmtudaginn 10. september, verður jarðsunginn frá
Selfosskirkju laugardaginn 19. september kl. 11.00.
Þeim sem vilja minnast hans er bent á Parkinson-sam-
tökin, reikningur 0111 26 25, kt. 461289 1779.
Ingunn Guðmundsdóttir
Bergljót Snorradóttir
Sigurður Dagur Sigurðarson Sigríður Sif Magnúsdóttir
Karl Áki Sigurðarson
Snorri Sigurðarson Fjóla Kristinsdóttir
Gauti Sigurðarson Kolbrún María Ingadóttir
Þórarinn Karl Gunnarsson Kolbrún S. Hansdóttir
barnabörn og aðrir aðstandendur.