Spegillinn - 01.02.1958, Blaðsíða 7
SPEBILLINN
31
VÍSINDAMAÐUR
nokkur í Sovétinu hefur fyrir skömmu —
og með eigin augum — séS einn hinna ill-
ræmdu snjómanna, sem hafast við í há-
lendi Asíu og hingað til hefur gengið illa
að festa fingur á, svo að þeir liafa verið
taldir lygasögulegar persónur. Sá vísinda-
maðurinn snjómanninn tvisvar, „og í síð-
ara skiptið virtist hann bíða eftir mér“,
bætti hann við, en síðan lagði annar livor
eða báðir á flótta. Að útliti líktist snjó-
maðurinn einna mest kynblendingi af apa
og Stalín, og förum vér þá betur að skilja,
hversvegna snjómennirnir voru taldir lyga-
saga, meðan Stalín var enn í fullum gangi
og gengi.
Á ICEFLAVÍKURFLUGVELLI
hefur undanfarin ár farið fram háskóla-
kennsla mikil, svo að drengimir liafi ein-
hverja tilbreytingu frá landvömunum og
kvennafarinu. Er nú svo langt komið að
nokkrir drengjanna hafa þreytt viðeigandi
próf og koma svo vestur sem kandidatar
úr herþjónustunni. Er nú gleði mikil með-
al þeirra, sem liafa jafnan haldið því fram,
að Völlurinn væri hin mesta menningar-
stofnun.
NÁMSSKEIÐ
í búðarmennsku hefur nýskeð farið fram
liér í liöfuðstaðnum á vegum félagsins
Sölutækni. Hefur aðsókn verið talsverð
bæði af verzlunarfólki og svo pólitíkusum,
sem illa hefur gengið að selja sannfæring-
una af því, að þeir hafa ekki viðhaft hina
réttu tækni.
LJ ÓSTÆKNIFÉLAG ISLANDS
hefur nýskeð borið opinberlega fram þá
tillögu, að liér á landi verði tafarlaust tek-
inn upp hægrihandar akstur, svo sem þeg-
ar gerist með flestum menningarþjóðum.
Færir félagið fram, máli sínu til stuðn-
ings, ýmsar ástæður, sem flestar eru í ein-
hverju sambandi við gerð bifreiðaljósa
þeirra, sem á markaðinum eru, en nefnir
hinsvegar ekki á nafn aðalástæðu sína,
sem er liinn glæsilegi sigur hægriaflanna
við nýafstaðnar bæjarstjórnarkosningar í
höfuðstaðnum. Já, þeir geta líka verið læ-
vísir í Ljóstæknifélaginu.
NOKKRIR BRUNAVERÐIR
héðan af landi eru á förum í kynnisför til
Finnlands, og mun þetta vera einn þátur
af mörgum í norrænni samvinnu og ekki
sá ósnarasti. Munu þeir eiga að taka þátt í
húsbrunum með kollegum sínum þar í
landi. Oss finnst svona sendinefnd hálf-
kollótt ef ekki fara einnig nokkrir brennu-
vargar í þessa kynnisför, því að þeir gætu
áreiðanlega lært margt í sínu fagi með
því að heimsækja stærri þjóðir, sem hljóta
að vera miklu lengra komnar en vér í pýró-
tekníkinni.
LÍTIL STÚLKA
úti í Hollandi, sem var til radíumaðgerðar
í sjúkrahúsi einu, fór þaðan og heim til
sín, fyrir misgáning, með oddinn af radí-
umnál í nefinu. Varð ofniim á heimilinu
samstundis geislavirkur, svo húsið, garður-
iim og foreldrar stúlkunnar. Er nú mein-
inginn að taka alla þessa aðila og vinna
úr þeim radíum.
BREZKIR VÍSINDAMENN
sem undanfarið hafa eitthvað verið að
glugga í vetnisorkuna og hennar aðskiljan-
legu verkanir, hafa nú náð svo langt í
rannsóknum sínum, að þeim hefur tekizt
að framleiða 5 milljóna stiga hita, en ekki
er þess getið, hvort það er á Celsíus. Mörg-
um verður á að spyrja, hvort þeir hafi ver-
ið undirbúnir með hitamæla, sem dyggðu
við svona mikinn liita, en aðrir hafa á orði,
að svona menn þyrfti að ráða til hitaveit-
unnar hér og nota þá fyrir einskonar topp-
stöð.
UM KOSNINGARNAR
voru framin að minnsta kosti þrjú innbrot
í höfuðstaðnum og má ekki telja mikið þar
sem kosningar fara fram aðeins fjórða
hvert ár. Lítið höfðu hinir óráðvöndu samt
upp úr krafsinu, enda braust einn þeirra
inn í félagsheimili, og telja sálfræðingar
það hámarkið af bjartsýni og vilja óðir og
uppvægir ná í þennan mann til þess að
rannsaka hann dálítið.
JÓN PÁLMASON
hefur nýskeð ritað góða grein í Morgun-
blaðið, í eftirmælastíl, um meðferð Fram-
sóknarflokksins á Undirfells-Hannesi, og
munu fá augu, sem liana lesa, verða þurr
eftir lesturinn. Kemur í ljós, að Hannes sé
reyndar skikkanlegasti maður, en hafi lent
í félagsskap, sem annað sé betur gefið en
skikkanlegheitin. Er grein Jóns öll hin
drengilegasta, enda liefur Hannes ekki roð
við honum sem frambjóðandi í Austur-
Húnavatnssýslu.
RISA-LOFTSTEINN
var fyrir skömmu á ferðinni yfir Danmörk
og var svo bjartur, að Danir fengu glýju
í augun og kalla þeir þó (að eigin sögn)
ekki allt ömmu sína, livað þá langömmu.
Sumir liéldu, að þarna væri kominn Sprútt-
nikk hinn annar með því nafni, en danska
íhaldinu tókst að afsanna það ásvipstundu,
og fékk sér vottorð um, að þetta væri bara
loftsteinn, en heldur í stærra lagi. Oss
finnst nú aðallega Kaninn hafi verið seinn
á sér, að liafa ekki snarræði til að segja
þetta vera einn af gervimánum sínum, en
þeir hafa hingað til þótt óþarflega jarð-
bundnir.
BREZKUR OFURSTI,
sem heima á í Petersfield í Englandi, hef-
ur nýskeð sótt um og fengið útsvarslækk-
un sökum reimleika í húsi því, er hann býr
í. Er húsið 500 ára gamalt, svo að engin
furða er, þó að einhver slæðingur sé þar,
enda hefur aumingja ofurstinn engann
svefnfrið haft um lengri tíma. Þessi liðleg-
lieit niðurjöfnunarnefndarinnar mun þó
draga þann leiða dilk á eftir sér, að aðrir
húseigendur komi sér upp liúsdraugum,
sem geti lækkað á þeim útsvarið, og eru
skattayfirvöldin þegar uggandi um hag
bæjarsjóðs, ef svo fer fram.