Stúdentablaðið - 01.02.1983, Blaðsíða 10

10
STÚDENTABLAÐIÐ
Af Afgönum
Vikuna 7.—13. nóv. dvaldi hér á landi í boði Vöku,
Félags lýðræðissinnaðra stúdenta, útlægur flóttamaður
frá Afganistan, Mohammed Akbar Saifi. Hann sótti al-
mennan borgarafund sem haldinn var á vegum SHÍ auk
þess sem hann gekk á fund fjölda manna og kom fram í
útvarpi og sjónvarpi.
Mohammad Akbar Saifi
Saifi er fæddur í Kabul 15. mars
1916. Hann lagði stund á hagfræði í
Vestur-Þýskalandi og Sviss. Hann
snéri aftur til Afganistan að loknu
námi og gegndi mikilvægum störf-
um í atvinnulífinu sem og í stjórn-
kerfinu en hann var m.a. ráðgjafi í
iðnaðarráðuneytinu. Þar til í apríl
1978 var hann framkvæmdastjóri
Djangalak verksmiðjanna í Kabúl
en það voru textýl verksmiðjur
sem komið var á fót ásamt öðrunt
stórnm atvinnufyrirtækjum til þess
að tryggja atvinnu og auka vel-
megun í landinu. Saifi flýði til
Vestur-Þýskalands þegar bróðir
hans var drepinn af kommúnista-
stjórninni í júní 1978. Síðan þá
hefur hann verið virkur félagi og
einn af leiðtogum samtaka sem
kalla sig Osula. Nafnið Osula er
skammstöfun og stendur fyrir
Organization for Strengthening of
Unity and Struggle for the Libera-
tion of Afganistan.
Osula
Osula er ung samtök. Þau voru
stofnuð í Ágúst 1981 sem afgönsk
stjórnmálasamtök. Osula eru sam-
tök ólíkra afganskra andspyrnu-
hreyfinga, hópa og einstaklinga í
Evrópu, Pakistan, Bandaríkjunum
og fleiri löndum. Samtökin hafa
það sameiginlega markmið að
frelsa Afganistan úr höndum
sovéska innrásarliðsins. Osula eru
einu afgönsku samtökin sem hafa
það að markmiði að sameina alla
Afgani í baráttunni fyrir endur-
reisn sjálfstæðs og hlutlauss af-
gansks ríkis. Þau eru i góðu sam-
bandi við andspyrnuhreyfinguna
jafnt innan sem utan landamæra
Afganistan og stefna að því að
komið verði á fót nokkurs konar
útlagastjórn sem bæði andspyrnu-
hreyfingin og flóttamenn viður-
kenna. En með því móti yrði and-
spyrnan markvissari og beittari.
Starf samtakanna um þessar
mundir felst einkum í því að kynna
á Vesturlöndum og annarsstaðar
málstað afgönsku þjóðarinnar og
miðla upplýsingum um hið hrika-
lega ástand í landinu í þeim tilgangi
að efla stuðning hins frjálsa heims
við frelsisbaráttu Afgana.
Boðskapur Saifis
Meðan hann dvaldi hér kynnti
hann rækilega málstað afgönsku
þjóðarinnar. Hann gekk á fund
forsetans Vigdísar Finnbogadóttur,
biskupsins Péturs Sigurgeirssonar,
forseta ASÍ Ásmundar Stefáns-
sonar, borgarstjórans í Reykjavík
Davíðs Oddssonar, formanna
þingflokkanna og fleiri ráða-
manna. Auk þess kom hann fram í
blöðum, útvarpi og sjónvarpi og
hafði framsögu á almennum borg-
arafundi á vegum Stúdentaráðs
Háskóla Islands.
Á þeim fundum sem
Mohammad Akbar Saifi tók þótt í
meðan hann dvaldist hér kom m.a.
fram í máli hans að andspyrnan 1
landinu færi vaxandi og að hún
bæri ótvíræðan árangur. And-
spyrnuhreyfingin hefði undanfarið
náð á sitt vald sífellt fleiri lands-
hlutum og nú mætti segja að
stjórnarher Afganistan og Rauði
herinn réðu fullkomlega aðeins yfir
u.þ.b. fjórðungi landsins. Annað
væri meira og minna á valdi and-
spyrnuhreyfingarinnar. Saifi sagði
að það væri einkennandi fyrir bar-
áttuaðferðir Sovétmanna að ráð-
ast gegn óbreyttum borgurum,
konum, börnum og gamalmenn-
um. Þetta hefði sovéskur liðhlaupi.
Anatoly M. Sakharov staðfest 8.
september sl. á blaðamannafundi. í
máli liðhlaupans kom einnig frani
að Sovétmenn beittu þremur mis-
munandi tegundum af eilurgasi í
baráttunni við andspyrnuhreyfing-
una.
Saifi lagði ennfremur áherslu á
að Komniúnistaflokkurinn í
Afganistan hefði engan stuðning
meðal þjóðarinnar. Aðeins nokkur
þúsund studdu flokkinn fyrir
valdaránið 1 apríl 1978. Styrkur
flokksins var byggður á stuðningi
háttsettra ntanna í hernum.
Fangelsanir og pyntingar byrjuðu
strax í tið Tarakis og ástandið hefur
farið síversnandi síðan. Fólksfjöldi
í Afganistan er um 17 milljónir.
Rúmlega 4 milljónir manna hafa
flúið til Pakistan og íran. Einnig
eru 3—4 milljónir manna á sífelld-
um flótta innan Afganistan. Þetta
þýðir að nær helmingur þjóðarinn-
ar hefur þurft að yfirgefa heimili
sín af völdum stríðsins. Þetta er
hæsta hlutfall flóttamanna í heim-
inum frá einu landi.
Gleymum ekki Afganistan
Dvöl M.A. Saifi hér á landi var
okkur holl áminning um að stríð-
inu og hörmungunum I Afganistan
er síður en svo lokið. Það er
áhyggjuefni hve litlar upplýsingar
berast frá Afganistan, hve óljósar
þær eru og oft á tíðum óáreiðan-
legar. Það er einkennandi fyrir
baráttuaðferðir Sovétmanna hvar-
vetna sem þeir heyja stríð og fótum
troða mannréttindi að þeir sjá til
þess að fjölmiðlum sé haldið í
hæfilegri fjarlægð og þannig skorið
á allan fréttaflutning. Þetta gera
þeir í þeirri von að fólk smátt og
smátt gleymi þeint voveiflegu at-
burðum sem eiga sér stað.
Það er því mikilvægt að íslend-
ingar sem og aðrar þjóðir haldi
vöku sinni og gleynti ekki að í
Afganistan berst þjóðin ekki ein-
ungis fyrir frelsi og mannréttindum
heldur einnig fyrir lífi sínu gegn
stærstu hernaðarvél í heimi.
Frelsisbarátta Afgana er ekkert
einkamál þeirra. Innrás Sovét-
ntanna í landið er ógnun við
heimsfriðinn. Hún jók spennu og
markaði nýja stefnu í vígbúnaðar-
kapphlaupi stórveldanna. Það væri
því virkilegt framlag til friðar í
heiminum ef Sovétmenn hyrfu á
brott með her sinn og Afganir
fengju sjálfir að ráða sínum málum
og lifa í sátt við aðrar þjóðir.
Gunnar Jóh. Birgisson
Sigurbjörn Magnússon
Svar Aðalsteins
Svar við opnu bréfi Óla Kárasonar,
vökustaurs með meiru, sem birtist í
Vökublaðinu 5. tbl. 45. árg.
Það verður nú að reyna að fyrirgefa
þér Óli hve illa upplýstur þú virðist
vera um gang mála í Stúdentaráði.
En það er svo sem ekki í fyrsta
Vökustaur.
skipti sem vökustaurar eru ekki
meðvitaðir um hvað gerist í kring-
um þá. í bréfinu gerirðu þá kröfu á
mig að ég geri „.. .opinberlega
grein fyrir þeim ástæðum sem lágu
að baki þeirri neitun ykkar að
styðja frelsisbaráttu Afganistan."
I fyrsta lagi þá þyrftirðu ekki að
spyrja um þetta Óli ef þú hefðir
verið á umræddum fundi og hlýtt á
málflutning Umbótasinna á hon-
um eða spurt einhvern okkar. En
það er víst í tísku að rjúka með allt í
blöðin.
I öðru lagi Óli, þá neituðu Um-
bótasinnar aldrei að styðja frelsis-
baráttu Afgana hverja einhver
fulltrúi frá OSULA, afgönskum
útlagasamtökum, átti að kynna.
Umbótasinnar lögðu til að ekki
yrði farið út í að halda með honum
marga fundi (baráttuviku) heldur
einn fund eins og gert var þegar
Tompson hjónin komu á vegum
SHA í fyrra. Þetta virðist hafa nægt
því innan við 40 manns mættu á
fundinn með OSULA fulltrúanum.
I þriðja lagi lögðu Umbótasinnar
til að Stúdentaráð bæri engan
kostnað af komu Afganans hingað
eins og vökustaurar vildu. Það er
fróðlegt í þessu samhengi að bera
saman málflutning vökustaura nú
og í fyrra þegar fram kom tillaga
frá FVM að SHI tæki þátt í kostn-
aði við komu Thompson hjónanna
á vegum SHA. Þá stukku fulltrúar
Vöku upp á nef sér og þvemeituðu
slíku. Þetta er hliðstæð heimsókn
en fljótt hafa veður skipast í lofti í
herbúðum vökustaura.
Þáttur Félags vinstri manna í at-
kvæðagreiðslu um þessi mál er í
svipuðum dúr. I fyrra játuðu þeir
því sem þeir neita í ár. Málflutn-
ingur Vöku og Félags vinstri
manna er því mjög þversagna-
kenndur og ekki í fyrsta skipti.
I fjórða lagi Óli þá var lítt vitað
um gildi samtakanna fyrir heima-
land þeirra og svo má alltaf deila
um það hvort barátta fyrir skipu-
lagi hins vestræna heims er barátta
til góðs eða ills.
Óli segir í opna bréfinu: „Þetta
er ekki eina dæmið um tvískinnung
ykkar gagnvart tillögum Vöku.“
Svona órökstuddar fullyrðingar
hæfa ekki manni eins og þér. Að
birta svona lagað á prenti er í stíl
Moggans, en ritstjórnarstefnu hans
virðist gæta í síauknum niæli á síð-
um Vökublaðsins enda eigið þið
vökustaurar svo sem ekki langt að
sækja fyrirmynd ykkar. Þessarra
áhrifa gætir m.a. í umræddu 5. tbl.
45. árg. I því eruð þið vökustaurar
m.a. að fjalla um innrás Sovét-
manna í Afganistan 3 árum eftir að
innrásin átti sér stað. Það er góðra
gjalda vert en á öðrum stað í sama
blaði birtið þið síðan úrklippu úr
Mogganum þarsem sýnd eru viðtöl
við nokkra mikilmetna íslenska
ríkisborgara skömmu eftir að inn-
rásin hófst og fæstir vissu enn hvað
um var að vera. Svona vísvitandi
framsettur villandi áróður hæfir
öfgamönnum einum eins og ykkur,
blindum mönnum.
Með vinsemd og virðingu
og von um að svarið sé
fullnægjandi.
Aðalsteinn Steinþórsson
form. Fél. umbótasinnaðra
stúdenta