Fréttablaðið - 28.09.2009, Page 17

Sölufulltrúi Jóna María Hafsteinsdóttir jmh@365.is 512 5473
„Þessi kistill er ættargripur og má
ætla að hann hafi verið smíðaður í
kringum 1880,“ segir Edda María
Baldvinsdóttir, sem á fallegan trék-
istil með loki. Hún heldur mikið
upp á hann enda á hann sér langa
sögu innan fjölskyldunnar. „Lang-
afi minn, Baldvin Baldvinsson frá
Hamraendum, keypti þennan kistil
á uppboði árið 1910 á Ketils stöðum
í Hörðudal. Þá var það hreppstjór-
inn sem sá um að bjóða upp hlut-
ina og þar á meðal þennan fallega
kassa,“ útskýrir Edda.
„Langafi geymdi síðan brennivín
og skro í kistlinum enda gat hann
læst honum,“ segir hún og hlær.
„Síðan erfði afi minn, Guðmund-
ur Baldvinsson, kistilinn á fimmta
áratugnum. Hann geymdi í honum
nótnabækur og blöð og fleira sem
hann var að semja. Pabbi minn,
Baldvin Guðmundsson, tók svo við
og loks kom kistillinn til mín um
aldamótin,“ segir Edda.
Og hvað geymir hún í honum?
„Það er ýmislegt smálegt eins og
málningardót sem ég nota þegar
ég tek mig til og föndra eitthvað
fallegt,“ segir hún glaðlega.
Hún segir kistilinn sterkan og
heillegan þrátt fyrir háan aldur.
„Maður getur í það minnsta
áhyggjulaus fengið sér sæti á
honum.“ Kistillinn hefur hlotið
heiðurssess á heimilinu. „Hann er
það fyrsta sem sést þegar maður
gengur inn og það síðasta þegar
maður fer út. Ef ég þyrfti að láta
frá mér öll húsgögn væri hann það
síðasta sem ég myndi sleppa hend-
inni af.“ solveig@frettabladid.is
Geymdi brennivín og skro
Edda María Baldvinsdóttir á forláta kistil sem langafi hennar keypti á uppboði árið 1910. Kistill þessi
hefur í gegnum tíðina geymt allt frá brennivíni og skroi til nótnabóka og málningarpensla.
GAMALDAGS GLERHURÐARHÚNAR geta virkað
skemmtilega í eldhúsinu eða baðherberginu sem handklæða-
hengi. Svo getur líka verið fallegt að blanda saman mismun-
andi húnum sem oft má finna á flóamörkuðum.
Edda María Baldvinsdóttir tyllir sér á
kistilinn sem hefur tilheyrt ættinni í
um hundrað ár.

FR
ÉT
TA
B
LA
Ð
IÐ
/V
IL
H
EL
M