Fálkinn


Fálkinn - 20.02.1959, Blaðsíða 3

Fálkinn - 20.02.1959, Blaðsíða 3
FÁLKINN Fyrir enda veitingasalarins er stórt og rúmgott leiksvið. XwtítO slcersli vcitingasalur landsins Tekið er til starfa hér í bænum veitingahúsið Lido, en í því er stærsti veitingasalur á landinu, tekur 450 manns í sæti. Lido er í sama húsi og Austurver á horni Miklubrautar og Stakkahlíðar. Þegai húsið var opnað bauð eig- andinn Þorvaldur Guðmundsson þang- að nokkrum gestum, og sagði m. a. við það tækifæri: JÓHANNES XII. ólst upp í koti. í clleftu atrennu tókst rúmum 50 kardínálum að kjósa eftirmann Píus- ar XII. Klukkan 17.10 þriðjudaginn 28. okt. gaús loks hyítur reykur upp úr strompinum á Sixtínsku kapell- unni, eftir að svartur reykur hafði sést tlú sinnum. Þess má geta að nokk- ur mistök urðu í fyrsta og siðasta skiptið, sem atkvæðaséðlum karínál- anna var brennt: í fyrstu atrcnnu kom fyrst hvítur reykur, svo að fólk hélt að páfinn væri kosinn, og siðast kom svartur reykur á undan þeim hvita. Nýi páfinn er 76 ára, sá elsti sem kosinn hefir verið í 209 ár. Hann hét Angelo Giuseppi Roncalli og var patriark i Venezia. Roncalli var aldrei meðal hinna frægustu kardínála, þótt langan starfs Framhald á bls. 14. „Mörgum kann svo að finnast, að borið sé i bakafullan lækinn að opna þriðja veitingahúsið hér i borg á þessum vetri, en við nánari athugun held ég, að flestir geti orðið sammála um að í okkar ört vaxandi borg sé rúm fyrir þau öll til viðbótar við þau, sem fyrir voru. Veitingastarfsemi hef- ir fleygt ört fram á undanförnum ár- um hér í borg og mun veitingastaður sá, sem hér verður starfræktur kapp- kosta að veita svo góða þjónustu sem á verður kosið og samanburð getur staðist við kröfur þær, sem gerðar eru meðal menningarþjóða. Þegar hugleitt er hvers konar fyrir- komulag rikir í veitingamálum hér á landi i dag má segja að einkum sé um tvenns konar fyrirkomulag að ræða í rekstri veitingastaða. Annars vegar eru þeir veitingastaðir sem eigi hafa vínveitingar á boðstólum, þeir hafa heimild til þess að hafa opið til klukkan eitt eftir miðnætti alla daga nema laugardaga, en þá til klukkan tvö. Hins vegar eru veitingastaðir, sem leitast við að hafa á boðstólum fullkomnar veitingar, bæði hvað snertir mat og drykk, en eigi er heimilt fyrir gesti að dvelja lengur en til klukkan ellefu og hálf að kvöldi, þar sem reglur mæla svo fyrir um. Er hér uni óskiljanlegt misræmi að ræða og hljóta allir að skilja að slikt fyrirkomulag í veitingamálum getur eigi staðist til frambúðar." Lido mun verða opið öll kvöíd frá kl. 7—11.30, nema þegar liúsið er leigt félagssamtökum, og mun hafa á boð- stólnum fjölbreytta rétti ala carte, auk matseðils kvöldsins. Ennfremur mun félagssamtökum gefinn kostur á að fá afnot hússins fyrir samkvæmi og hafa nokkur þeg- ar ákveðið hóf i vetur og var hið fyrsta þeirra s.l. laugardag er Stang- veiðifélag Reykjavikur hélt þar 20 ára afmæli sitt. Þá mun framhaldsskólum verða gef- inn kostur á að fá afnot hússins fyrir skemmtanir sínar, en eigi mun þá leyfðar vínveitingar. Loks er hægt á hinu stóra leiksviði að hafa leiksýningar og kabarett- sýningar. Hús þetta er reist af Vegg h.f. og var þegar i upphafi gert ráð fyrir þvi að þar yrði starfræktur veitinga- staSur. Tókust samningar milli Þor- valdar Guðmundssonar og félagsins um kaup húsnæðisins og var hafist handa um innréttingu i júlimán- uði s. 1. Auk veitingasalar eru á efri hæð hússins búningsherbergi fyrir leikara og bítibúr, en eldhús og matvæla- geymslur eru í kjallara. Innréttingar allar eru unnar af is- knskum iðnfyrirtækjum og iðnaðar- mönnum og bera glæsilegan vott hæfni þeirra og smekkvisi. Skarphéð- inn Jóhannsson, húsameistari, teikn- aði húsið og eru teikningarnar allar af innréttingu þess unnar á teikni- stofu hans, en Þórólfur Jónsson, trésmíðameistari, hafði yfirumsjón með daglegri verkframkvæmd við bygginguna. Framkvæmdastjóri Lido er Konráð Guðmundsson, sem um árabil hefir verið bryti á skipum Eimskipafélags íslands, yfirmatsveinn Halldór Vil- hjálmsson, sem undanfarið hefir verið matsveinn í Leikhúskjallaranum og yfirþjónn Valur Jónsson, sem verið hefir þjónn i Leikhúskjallaranum. Neo-kvintettinn undir stjórn Krist- ins Vilhelmssonar mun leika fyrir dansi. Segja má að fulllokið sé allri smiði hússins. Þó er eftir að setja glugga i skála, en þeir voru eigi komnir til landsins i tæka tið, en eru væntan- legir innan tíðar. Listamennirnir Ásmundur Sveins- son og Jón Engilberts vinna nú að listaverkum sem skreyta eiga skála, og er það vissa min að þau verði til yndis og ánægju gestum Lido. Þessi skemmtilega mynd var tekin á grímudansleik barna hér í Reykjavík á öskudaginn. Þau klæddust þá ýmsum afkáralegum búningum, og þar var kátt á hjalla.

x

Fálkinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fálkinn
https://timarit.is/publication/351

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.