Fálkinn - 23.11.1960, Blaðsíða 9
ekkert í þessu og heldur, að þetta muni
bjargast allt saman. En þegar pening-
arnir hætta að koma skrifar hann Krist-
ínu Jónsdóttur: Hvað á ég að gera? Ég
verð bara að fara til Ameríku!
— Á hverju lifði hann eftir þetta?
— Það var stofnað styrktarfélag um
hann og einnig stofnaði hann fyrsta
listaskólann hér á landi, í Hellusundi 6.
Nemendur hans voru til dæmis Gunn-
laugur Scheving, Jón Engilberts og
Sveinn Þórarinsson. Þeir hafa sagt mér,
að hann hafi verið strangur og kröfu-
harður kennari og honum hafi tekizt að
gera kennsluna mjög lifandi. Skólinn
hefði áreiðanlega haldið áfram og þró-
ast, ef Muggur hefði ekki veikzt. — Auk
kennslunnar fékkst hann við margt á
þessum árum. Hann teiknaði spilin og
hann dansaði dúkkudans með Guð-
rúnu Indriðadóttur í Iðnó! Og hann
ferðaðist um og söng gamanvísur og lék
í gamanleikjum. Það er til marks um
vinsældir hans sem gamanleikara, að
eitt sinn átti hann að leika alvarlegt
hlutverk. Hann átti að leika glæpamann,
en um leið og hann birtist á sviðinu,
skelltu áhorfendur upp úr. Það gat eng-
inn ímyndað sér Mugg í alvarlegu hlut-
verki.
— Hann hefur yfirleitt verið mjög vin-
sæll maður.
— Já, alveg sérstaklega. Það sést til
dæmis á því, hversu miklu af myndum
hans hefur verið haldið til haga. Þótt
hann gerði ekki annað en rissa eitthvað
á serviettu, þá var það geymt og ramm-
Þorbjörn Friðriksson hefur unnið það
vandasama verk að prenta litmyndirnar.
Hann sagði okkur, að þetta væri mjög
seinlegt verk og reyndi mjög á augun. Iðu-
lega hefur hann unnið til klukkan fimm
á morgnana og kvaðst oft vera orðinn
þreyttur. Vélin, sem prentar, er 20 ára
gömul, og það er örstutt síðan uppgötvað-
ist, að hún var sérstaklega gerð til litprent-
unar. — Allir, sem séð hafa prentunina,
hafa lokið á hana lofsyrði og telja hana
jafnvel betri en bezt er gert á þessu sviði
erlendis.
að inn. í hvert einasta skipti, sem ég
kem í hús og sé mynd eftir Mugg, þá
er mér bent á tíu önnur hús, þar sem
einnig séu myndir eftir hann. Margt af
þessu eru gamanmyndir. Hér er ég til
dæmis með eina skemmtilega teikningu.
Þarna er Sankti-Pétur, en hann kemur
oft við sögu í skopmyndum Muggs.
Sankti-Pétur er á frívaktinni og er að
spila við engil. Hann hefur hengt geisla-
bauginn upp á snaga á veggnum og eng-
illinn hefur hengt upp vængina sína.
Til þess að fyrirbyggja allan misskilning
eru vængirnir merktir númer eitt og
númer tvö!
Myndir Muggs eru ákaflega misjafn-
ar, enda hefur fólk kannski ekki fyrst og
fremst varðveitt þær vegna listræns
gildis þeirra, heldur til minningar um
mann, sem því þótti vænt um .. .
Fylgzt með einni
jólabók, frá höf-
undi til bókbands
Síðasti áfangi á leið okkar, er við rökt-
um slóð einnar af hinum ótalmörgu jóla-
bókum þessa hausts, var bókbandið. Þar
er lögð síðasta hönd á verkið og endan-
legt útlit bókarinnar ráðið. Málverka-
bók Muggs er bundin í Bókfelli á Hverf-
isgötu og þar er myndin hér að neðan
tekin. Þegar bókbandi er lokið er að-
eins eftir endaspretturinn: að dreifa bók-
inni til bóksala og hefja sölu.