Fálkinn - 06.09.1961, Blaðsíða 17
FJOL-
LYND
ER
FREYJA
ÞAÐ var dag einn í ofanverðum júní, að merkis-
atburður átti sér stað um borð í flaggskipi flot-
ans. Menn höfðu veitt því athygli, að stolt skips-
ins var ekki eins og það átti að vera. Freyja
hafði enga eirð í sínum, beinum, æddi um eins
og óð, beit og slefaði. En Freyja var hvolpa-
full og nú var sú stund upprunnin, er hún skyldi
léttari verða. Leitaði hún athvarfs hjá góðvini
sínum, Sigurði bátsmanni, en þá vildi svo til,
að hann var fjarstaddur, var í sumarleyfi. Fékk
þá Freyja inni hjá öðrum vini sínum, Agli.
Gekk fæðingin vel og eftir tvo tíma ól þessi
sæmdartík fimm fallega hvolpa, sem við leyf-
um okkur að kalla Frey, Loka, Baldur, Heim-
dall og Þór. Enda þótt Freyja sé ekki goðaættar,
er hún mjög vel ættuð, hún er norðan af Siglu-
firði og hét faðir hennar Jökull og er sagt þarna
norðurfrá, að Freyja hafi orðið til í Hvanneyr-
arskál. Hvolpa þessa átti Freyja með Ægi, og
er það mörgum ráðgáta hvernig það hefur
gerzt, en skýrist þegar þess er gætt, að Ægir er
virðulegur hundur á næsta skipi. — Er við
blaðasnápar komum til þess að taka myndir
af þessum merkishvolpum, voru aðeins þrír
eftir, hina var búið að gefa, enda sögðu skips-
menn að rifizt hefði verið um þessi merkis-
afkvæmi. En fjöllynd er Freyja, menn hvísla
nú um það á Óðni, að hún sé að fara á f jörurn-
ar við aðra hunda, ef til vill mun þá enn f jölga
á flaggskipi flotans.