Fálkinn


Fálkinn - 24.04.1963, Síða 21

Fálkinn - 24.04.1963, Síða 21
OKKUR í Neskirkju. Það er nú mesta verkið, sem eftir mig er í opinberum húsum. Annars hef ég líka skorið út ræðustól- inn, sem er á sal í Menntaskólanum. En 1 aðstoðarmaður minn við hann var hag- leikskonan, Kristín Stefánsdóttir frá Hlíð í Lóni. Ég skar líka út staf þann, sem fyrirmaður meðal nemenda ber við hátíðleg tækifæri — hvað heitir hann nú aftur? — Inspector Seholae. — Já, inspector, alveg rétt. Einnig get ég nefnt þér, að ég skar út vanga- mynd af Jóni Sigurðssyni í fílabein. Sú mynd er á keðju, sem rektor Há- skólans ber á stórhátíðum. — Þú gerir mikið af þessum þjóð- lífsmyndum, gömlum og digrum bænd- um og sjómönnum í skinnklæðum? — Já, þær eru vinsælar. Ég fæ oft bréf erlendis frá, þar sem spurt er um þessar styttur, en oftast bara fyrir- spurnir. í vetur fékk ég til dæmis bréf frá Samóaeyjum. Þær eru einhvers stað- ar í nánd við Ástralíu — og vildi bréf- ritari fá að vita eitthvað um þessar út- skornu styttur. Mest selst af þeim á sumrin; erlendir ferðamenn kaupa þær. — Þú hefur þá alltaf nóg að gera? — 'Já, mikið að gera. — í hvaða við gerir þú þessar litlu styttur. — í birki, síðan bæsa ég þær. Ég mála þær aldrei, mér þykir fallegra I að sjá viðinn í gegn um litinn. Annars vinn ég mikið í eik, og talsvert í búr- hvalstönn; náhvalstennur sér maður ekki nú orðið. Ég man eftir því að i Stefán Eiríksson átti eina. Hún var snúin, þær vaxa þannig. — Stefán gerði pappírshníf úr henni, en þegar hann var búinn með hnífinn vatt hann sig alveg eins og tönnin hafði verið. Það getur verið, að beinið hafi ekki verið nógu þurrt. Ágúst brosir í kampinn. — Hefurðu nokkuð fengizt við yrk- ingar? spyr ég. — Það er nú andskotans basl. Maður hefur stundum verið að hnoða, en það hafa engir hagyrðingar verið í minni ætt og hagmælskunni er því ekki fyrir að fara. — Ég sé að það liggur hérna bók um Skúla fógeta eftir Jón Jónsson Aðils. Hefurðu gaman af sagnfræði? — Frá því að ég var krakki hefur mér alltaf þótt gaman að sagnfræði. Og nú á seinni árum hef ég grúskað svo- lítið í ættfræði; aðallega til þess að vita eitthvað um sögu skyldmenna minna og lífskjör þeirra. —• Ertu úr Austfjörðunum? — Nei, ekki er ég það, ég á ættir mínar að rekja í Árnessýslu. Forfaðir minn var Jón Sigurðsson silfursmiður á Bíldsfelli, mikill hagleiksmaður. Inn í einu skotinu sé ég nokkrar styttur, sem mótaðar hafa verið í leir. — Mótarðu tréstytturnar í leir, áður en þú skerð þær út? — Já, venjulegast geri ég það. En nú er ég að gera haus af Þórarni B. Þorlákssyni listmálara. Ég móta hann í leir; læt svo steypa hann í gips. Síð- an er meiningin að höggva hann út í eik. Upp yfir glugganum er teikning af hillu. Þar eru lágmyndir af ýmsum vinnubrögðum; á einni er bóndi að slá, á annari fiskimaður að draga björg í bú o. s. frv. —- Er þetta teikning af vegghillu, sem þú hefur gert, Ágúst? — Jú, þetta er einhver stærsta hillan, sem ég hef gert, segir hann — Og færði hún þér ekki björg í bú? — Jú, mig minnir, að ég hafi tekið um fjögur þúsund krónur fyrir hana. Ég held ég hafi verið þrjá daga með hana. Það gera svona þúsund krónur á dag. — Já, það munu vera svona sæmi- leg sjómannslaun, er það ekki? — Víst er það. En það eru bara svo fáir afladagar hjá okkur. Svetom. FALKINN 21

x

Fálkinn

Beinleiðis leinki

Hvis du vil linke til denne avis/magasin, skal du bruge disse links:

Link til denne avis/magasin: Fálkinn
https://timarit.is/publication/351

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.