Fálkinn - 24.04.1963, Blaðsíða 34

PANDA DG UPPFINNINGAMAÐURINN MIKLI
En heima hjá Panda hafði Jollipop þjónn nýlokið vor-
hreingerningunni. „En hvað allt er dásamlega hreint,“
sagði hann ánægður við sjálfan sig. „Herra Panda
mun vissulega verða ánægður, þegar hann kemur
heim.“ En þá heyrði hann brothljóð mikið, og þung
hlaðin kerra kom á fleygiferð í gegnum vegginn. Og
Jollipop grófst undir ferlegum haug af drasli. Það
stóð upp úr haugnum skrítinn náungi og sagði: „Heml-
arnir eru óvirkir.“ „Hver ert þú?“ spurði Jollipop.
„Hann heitir Tómas hugsuður, uppfinningamaður,"
sagði veikluleg rödd. „Og hver er það, sem svarar?“
spurði Jollipop enn. „O, ég er Panda,“ var honum
svarað.
„Þetta er hneyksli," hrópaði Jollipop æstur og leit á
skemmdirnar. „Hver á að hreinsa þennan haug?'*
„Vertu ekki svona æstur, Jollipop minn,“ sagði hugs-
uðurinn. „Ég skal nota þetta herbergi fyrir geymslu.
Jamm, hvar get ég nú fundið hentuga vinnustofu?“
Hann gekk inn í næsta herbergi. „Þetta er prýðilegt,“
muldraði hann og virti fyrir sér ríkuleg húsgögnin.
„Þarna er einmitt borð, sem ég get notað fyrir vinnu-
bekk.“ Hann lét ekki sitja við orðin tóm heldur tók
borðið og boraði holur í það. En þetta var meira en
Jollipop gat þolað hann þútnaði allur út af reiði og
hrópaði: „Stanz, nú gengur það of langt. Nú er þess-
ari vitleysu lokið.“
En Tommi hugsuður lét orð hans eins og vind um
eyrun þjóta og hélt rólegur áfram vinnu sinni. „Herra
Panda,“ sagði hinn dyggi þjónn í örvæntingu sinni
og sneri sér að húsbónda sínum, „hefur þessi náungi
yðar leyfi til að gera þetta?“ „Ég lofaði honum aðeins,
að hann mætti vinna hérna í stuttan tíma,“ sagði
Panda. „Hann verður ekki lengi, því að jafnskjótt
og hann hefur fundið upp eitthvað gagnlegt, mun
hann fara.“ „Fyrst að svo er herra Panda,“ sagði
aumingja Jollipop, „þá ætla ég með yðar leyfi að
fara brott héðan á stundinni." „Jollipop“, kallaði
Panda, „farðu ekki.“ En það var of seint. Hinn tryggi
þjónn hafði gripið hatt sinn og regnhlíf og var þegar
farinn.
34 FALKINN