Fálkinn - 02.10.1963, Page 4

SÖLUKEPPNI
Með síðasta tölubl. Fálkans hófst sölukeppni
meðal sölubarna, er standa mun yfir meðan sex
næstu blöð (að því meðtöldu) verða til sölu
á götunum. Tvenns konar verðlaun verða veitt.
í fyrsta lagi fá öll þau börn, er selja ÞRJÁTÍU
eintök eða meira af hverju þessara sex blaða
ókeypis hringflugferð með hinni nýju flugvél
Björns Pálssonar, TF-LÓA, yfir Reykjavík og ná-
grenni. I öðru lagi má svo það bamið, er selur
samtals flest blöð, af þessum sex sölublöðum,
fara í Húsgagnaverzlunina Skeifuna og fá sér
þar húsgögn eftir eigin vali fyrir TVÖ ÞtíSUND
krónur. Þó koma ekki önnur börn til greina í
þessu sambandi, en sem selt hafa þrjátíu eintök
eða meira af hverju blaði og þannig einnig unn-
ið til flugferðarinnar.
SÖLUBÖRN! Verið með í þessari sölukeppni!
Fáið skemmtilega flugferð og reynið að vinna
ykkur inn ný húsgögn í herbergið ykkar, um
leið og þið vinnið ykkur inn mikla peninga fyrir
fyrir að selja FÁLKANN!
Djúpárdrengir koma aftur
Fyrir nokkrum árum voru hér á ferö fjórmenn-
ingar, sem skemmtu Reykvíkingum með söng
nokkur kvöld í Austurbæjarbíói við fádæma góð-
ar undirtektir. Þetta voru þeldökkir Bandaríkja-
menn og kölluðu sig The Deep River Boys — Djúp-
árdrengina.
Það er langt síðan þessir drengir fóru að vinna
saman og í dag eru þeir einn vinsælasti söng-
kvartett í víðri veröld. Þeir hafa ferðazt um Banda-
ríkin þver og endilöng, um Kanada og Evrópu og
allsstaðar hlotið mjög góðar viðtökur.
Þeirra beztur er Harry Douglas bariton. Það er
sagt að þegar Harry var ungur hafi hann langað
til að verða frægur söngvari og að hann hafi hald-
ið að aðeins tenórar gætu orðið frægir. Sem slíkur
sótti hann um upptöku í kór nokkurn fyrir vestan,
en hann var ekki kominn langt í próflaginu þegar
prófdómarinn sagðist aldrei hafa heyrt svona góð-
an bariton. Nú hefur bernsku draumur Harry rætzt.
Nú eru þessir fjórmenningar komnir hing-
að aftur á vegum Péturs Péturssonar og munu
halda hér nokkrar söngskemmtanir. Við hittum
Pétur Pétursson að máli fyrir nokkru og spurðum
hann um þessa heimsókn. Hann sagði að The Deep
River Boys mundu dvelja hér í viku tíma og fyrsta
söngskemmtunin yrði 30. sept. Ekki væri enn á-
kveðið hvort þeir héldu eina eða tvær söngskemmt-
anir hvern dag. Um dagskrána sagði hann, að hún
yrði nokkuð breytileg frá degi til dags. Pétur sagð-
ist hafa sent þeim nokkur laga Jóns Múla ásamt
enskum texta og allt útlit væri fyrir, að þeir mundu
syngja þau lög. Verður gaman að heyra flutning
þeirra á þessum vinsælu lögum Jóns Múla.
Við bjóðum Deep River Boys velkomna og drög-
um ekki í efa að Reykvíkingar munu veita þeim
góðar viðtökur.
4 FALKINN