Vikan - 29.12.1960, Blaðsíða 17

Það getur margt komið fyrir á
jólunum, og þið skuluð ekki halda
að allir sitji í rólegheitum inni í
stofu og taki upp jólagjafir, nei, al-
deilis ekki. Hér á eftir lesið þið um
ýmislegt óvenjulegt, sem komið hef-
ur fyrir hér og þar í heiminum á
þessari hátíð friðar og gæzku.
Á aðfangadagskvöld í Genf í fyrra, var jóla-
sveinn i rauðum fötum með hvitt skegg stöðvaður
á flugvellinum á Þeim forsendum að hann væri
I erlendum einkennisbúningi. Lögreglan sagði að
þetta gæti verið hættulegt með tilliti til hlut-
leysis Sviss og sendi hann til Hollands með næstu
flugvél.
Annar jólasveinn varð einnig fyrir óþægindum,
en það var í stórverzlun i Boston. Hann steig
óvart ofan á litinn dreng og foreldrarnir fóru
umsviflalaust í mál og höfðu upp úr því 120 þús-
und krónur í skaðabætur.
Lee Pak Noe, fjörutíu og fimm ára gamall ibúi
i Norður-Malaja, átti erfið jól, þó að hann öðrum
þræði hefði heppnina með sér. Gráðugur krókódíll
réðst á hann þar sem hann var að veiða í ánni
á jóladag og beit af honum annan fótinn. Það
vildi bara svo óheppilega til fyrir krókódílinn að
þetta var tréfótur. Lee gat víst haltrað heim
til sín.
Frú Luisa Tuffano i Napólí, tuttugu og þriggja
ára að aldri, var úti i bíltúr með eiginmanni sín-
um á jóladag. Bftir hálftima akstur bað hún hanxj
að stanza, og þar sem þau voru á aðalgötu, stöðv-
aðist öll umferð. Óþolinmóðir bilstjórar flautuðu
og flautuðu en elikert dugði. Nokkrum minútum
síðar rak herra Tuffano höfuðið út um gluggann
og róaði þá með því að þetta væri allt saman búið
þeir gætu ekið áfram, konan hans hefði bara verið
að eiga tvíbura ...
Óheppin konukind í Englandi eyddi jóladeg-
inum í járnbrautarvagni á hliðarspori. Hún ætl-
aði að eyða jólunum hjá ættingjum sínum í
Liverpool og skipti um lest í snatri á járnbrautar-
stöð. Það vildi svo til að hún fór inn í snyrtiher-
bergi kvenna og einhver læsti hana þar inni. Áður
en hún gerði sér ljóst að hún hafði farið i ranga
lest, var vagninum sem hún var í, ekið inn á
hliðarspor. Hún hrópaði og barði á gluggana, en
það heyrðist ekki til hennar fyrr en löngu seinna.
Stórverzlun í Michigan varð fyrir svo miklum
þjófnaði í jólaösinni, að aukaleynilögreglumaður
var ráðinn á aðfangadagskvöld. Nýi maðurinn náði
þjófinum þar sem hann var að verki og það var
enginn annar en hinn leynilögreglumaðurinn.
Jólin árið 1955 voru heldur ekki mjög skemmti-
leg fyrir lögfræðing nokkurn í Philadelphiu. Tíu
árum áður hafði hann í gríni gefið konu sinni
ávísun dagsetta 25. desember árið 1955. Hún hljóð-
aði upp á rúmlega hálfa milljón króna. 1 milli-
tíðinni hafði samband hjónanna kólnað mjög mik-
ið og lögfræðingurinn jafnframt orðið forrikur.
Og konan hans gerði sér lítið fyrir og tók út pen-
ingana á tilsettum degi. Við því var ekkert hægt
að gera.
Scott Garrison í Nýja Mexíkó verður að fara
í sóttkví á hverjum jólum því að hann þolir ekki
lyktina af jólagreinum, og verður óhemjulega
veikur ef hann borðar sætindi og annað þess
háttar.
Bernhard Olsen í New York hefur tvisvar sinn-
um verið tekinn til fanga á jólunum fyrir ölvun.
í bæði skiptin hefur hann haldið því fram að
lyktin af rúllupylsu, gráðosti og geitosti hafi haft
þessi áhrif á hann. Þetta er nefnilega jólamatur
Olsens, því hann er af norskum uppruna. Dómar-
inn lét hann lausan í bæði skiptin eftir að hafa,
dálitla stund, andað að sér loftinu i kringum hinn
ostsólgna Norðmann.
I morgunkyrrðinni á jóladag árið 1951 læddust
tveir ungir Skotar varlega út úr Westminster
Abbey í London. Á milli sín báru þeir heilagan
stein, tákn skozks frelsis, 'sem hafði legið undir
krýningarstólnum í 650 ár. Nokkrum tímum seinna
barst þetta út um allan heim. Steinninn fannst
ekki fyrr en í apríl árið eftir og nú liggur hann
á sínum gamla stað.
1 Suður-Carolina, var leitað mikið að jólasveini,
sem staðið hafði í búðarglugga. f staðinn fyrir
jólasveininn, hafði þjófurinn skilið eftir pappírs-
seðil þar sem á stóð: Ég hef hnuplað jólasvein-
inum. Reynið ekki að finna hann því að þá mun
ég strá saginu úr honum yfir allan bæinn. En
ef þið viljið fá hann aftur, þá gerið svo vel og
borgið tíu þúsund dollara. Upphæðin var ekki
borguð og jólasveinninn fannst að lokum í góðu
ástandi undir limgerði I útjaðri bæjarins.
Svo má ekki gleyma manninum sem þaut á
síðasta augnabliki í gegnum glerrúðu í hljóðfæra-
verzlun nokkurri. Ö, ég hélt að þetta væri ein af
þessum opnu búðum, sagði hann án þess að láta
sér bregða. Og svo fór hann sína leið, I glugg-
anum var hægt að sjá gat, í laginu eins og mað-
urinn.
Hóteleigandinn í Mílanó hefur hjarta úr steini
og það jafnvel á jólunum. Nýgiftan ungan pilt
vantaði hundrað krónur til að geta borgað hótel-
reikninginn og þá læsti hóteleigandinn brúðina
inni. Engir peningar — engin brúður, sagði hann.
Hún verður læst inni, þangað til þú borgar. Hinn
fokvondi eiginmaður varð að fara heim, en það
var í þorpi á Norður-ltalíu, fá lánaða peninga
hjá fjölskyldunni og þjóta svo aftur til baka. Svo
gat hann með aðstoð lögreglunnar fengið hótel-
eigandann tekinn fasta, á þeim forsendum að hann
hafði á ólöglegan hátt lokað brúðina inni.
Jólatrésþjófar í Berlín áttu ekki huggguleg jól,
því að lögreglan hafði sprautað öll jólatré þar í
görðum með sérstökum vökva, sem lyktaði mjög
illa, þegar komið var inn i heitt herbergi. Þar
að auki hafði vökvi þessi sömu áhrif og táragas.
Tollvörðum í Louisville í Kentucky, brá illilega
við, þegar þeir rákust á pakka sem tikkaði. Það
minnir jú óþægilega I, sprengju. Eh til allrar
hamingju var þetta aðeins upptrekktur jólasveinn.
Hann labbaði rólega út úr pakkanum, þegar hann
var opnaður og spásseraði ánægjulega um af-
greiðsluborðið.
Frú Sally Schwartz í Californíu fékk skemmti-
lega jólagjöf, en það var pakki, sem innihéit gim-
steina fyrir um það bil þrjátíu þúsund kr. Þeim
hafði verið stolið af henni, meðan hún var við
jarðarför manns síns.
Verkakona á gúmmíplantekru, fékk reglulega
óvænta jólagjöf. Hún vann hundrað þúsund krón-
urnar i happdrættinu, keypti gúmmíekruna sem
vann á í hvelli og réð fyrrverandi yfirmann sinn
sem ráðsmann.
En jólin geta einnig verið átakanleg.
Fjórar ungar manneskjur frusu í hel á hæsta
fjallstoppi í Englandi. I bakpokum þeirra var mat-
urinn og drykkurinn sem Þau eetluðu að þafa
til jólanna. ^
UiKAH 17