Veðrið - 01.04.1958, Side 4

Þess ber að geta, að í raun og veru eru þrenn segulbönd og þrjár slmalínur í
sambandi við nr. 17000.
Tunglið kviknar.
Merkur bóndi í Norðurlandi hefur spurt á þessa leið: „Þegar talið er, að
tunglið springi út kl. 10 árdegis, er þá eigi átt við, að það geri það í landsuðri?
Aðrir segja, að þá muni það verða i útnorðri! Deildar meiningar, sem ég vil
fá upplýst."
Bréfritarinn liefur rétt fyrir sér. Tungl, sem springur út kl. 10 árdegis er
sem næst í suðaustri. — Við tunglið eru margar fornar veðurspár bundnar, og
mun þeirra nánar getið í þessu riti innan tíðar. Það skal þó tekið fram, að
ekki hefur reynzt auðvelt að finna rökstutt samband milli tunglgöngu og veðr-
áttu, þótt margir hafi lagt í slíkt ærna vinnu.
Höfundar.
í þessu hefti kveður nýr höfundur sér hljóðs: Ólafur Einar Ólalsson veður-
fræðingur, starfandi á Veðurstofu Keflavfkurflugp’allar.
Grein hans er að efni til úr prófritgerð hans við háskólann í Osló. Hér á
landi má oft fá glögg — nærri áþreifanleg dæmi um mismunandi loftmassa og
veðrabrigði, sem þeim fylgja. Hver kannast ekki við kafþykkt loft og rigningar-
brælu, sem allt í einu sviptist af, en þurrt og tært loft kemur í staðinn með sól
eða mána í bláheiði? Grein Ólafs mun skýra hin dýpri rök slíkra veðrabrigða.
Ólafur Einar Ólafsson er fæddur í Reykjavlk 28. nóv. 1928, sonur Sigrúnar
Kristjánsdóttur og Ólafs Einarssonar sjómanns. Hefur numið veðurfræði við
háskóla í Osló, lauk jjar cand. mag. prófi 1954, en vinnur nú að ritgerð til
cand real prófs.
Geir Ólafsson deildarstjóri ritar stutta, en gagnorða grein um störf loftskeyta-
deildar veðurstofunnar. — Geir er fæddur í Hafnarfirði 4. okt. 1905, sonur Ólafs
Sigvaldasonar sjómanns og Stcinunnar Halldórsdóttur. Lauk gagnfræðaprófi i
Flensborgarskóla og námi i loftskeytaskóla Landssímans. Loftskeytamaður á
togurum frá 1925—1945, er hann réðst til starfa i veðurstofunni. Kvæntur Aðal-
björgu Jóakimsdóttur Pálssonar útvegsbónda í Hnífsdal.
Geir hefur annazt afgreiðslu þessa tímarits frá upphafi af stakri árvekni og
ósérhlífni.
Páll Bergþórsson er lesendum þegar að góðu kunnur af mörgum greinum í
þessu riti og erindum í útvarpi. Að þessu sinni ritar hann um áhrif fjalla á úr-
komu, en hér á landi skortir bagalega mælingar til þess að geta gert efninu
full skil.
Páll er fæddur 13. ágúst 1923 f Fljótstungu í Hvitárslðu, sonur Kristínar Páls-
dóttur og Bergþórs Jónssonar bónda. Stúdent frá Menntaskóla Reykjavikur 17.
júní 1944. Stundaði veðurfræðinám á Veðurstofu Sviþjóðar 1947—1949, og réðst
að því loknu til Veðurstofu íslands. Dvaldist 1953—1955 við nám og starf í
Stokkhólms-háskóla. Kvæntur Huldu Baldursdóttur frá Þúfnavöllum.
J. Eyþórsson.
2