Vikan - 03.05.1962, Blaðsíða 36

K«K
Hvítasta þvottinn fáið þér með CLOZONE. Einkar
drjúgt í notkun. Sparneytnar húsmaeður nota þess
vegna CLOZONE í hvers konar þvott. CLOZONE
nær undraverðum árangri í þvottavélum.
Heildsölubirgðir:
EGGERT KRISTJANSSON & CO HF Sími 11400
Þú getur dottið.
Framhald af bls. 20.
mun vera Magni R. Magnússon,
gjaldkeri í Laugavegsútibúi Lands-
bankans. Magni er hverjum manni
brosmiidari og aiúðlegri og ef liann
ætti sjálfur peningana, sem hann
handfjatlar á hverjum degi, þá er
ég sannfærður um að hann mundi
ekki eiga þá lengi.
Magni sagði mér um daginn ýmis-
legt fróðlegt um frímerki, sem ég
er sannfærður um að þið hafið gam-
an af að heyra, jafnvel þótt þið séuð
ekki með frímerkjadellu, eins og
t. d. það að eitt fuilkomnasta og feg-
ursta safn af islenzkum frímerkj-
um sé norður á Akureyri, en eigandi
þess er Haukur P. Ólafsson frysti-
hússtjóri þar. Magni sjálfur á ágætt
safn og vel unnið, en auk þess liefur
hann ásamt tveim öðrum stofnað
fyrirtæki, „Fríinerkjamiðstöðin“,
sem bæði selur og kaupir íslenzk
frimerki og gefur út verðlista, en
hægt er að hafa samband við þá
með því að skrifa i pósthólf 78,
Reykjavík.
Þið hafið kannski gaman af að vita
það að eitt frímerki, sem gefið var
út fyrir ekki lengra síðan en 1954
(afbrigði) er verðlagt á 2500 krón-
ur stykkið. Fjöldinn allnr af merkj-
um er verðlagður á allt frá 5—50
krónur stykkið. Merki með mynd
af Þorfinni Karlsefni, sefn allir
voru orðnir leiðir á fyrir um 10
árum síðan, eru nú keypt notuð á
100—150 kr. stykkið. Yfirprentað
merki frá 1940 er verðlagt á kr.
3000,00 og ótakkað Geysismerki frá
sama tíma á svipað verð. Eitt dýr-
asta merkið er frá 1933 í svokallaðri
Baibo-seríu, verðlagt á kr. 0500,00.
Mörg eldri merki eru verðlögð á
frá 3000—5000 krónur, en önnur
36 VIKAK
merki, jafnvel frá þvi um aldamót,
fást ennþá hjá frímerkjasölum og
kosta ekki nema 4—5 krónur
stykkið.
Það er því ekki nóg að merkin
séu gömul. Það er út af fyrir sig
engin sönnun þess að þau séu verð-
mikil. Yerðið fer eftir þvi live erf-
itt er að ná i þau, hve mikið upplag
hefur verið prentað, hvort um af-
brigði er að ræða og annað slíkt.
Annars eru islenzk frímerki ekk-
ert sérsfök í heiminum, þótt margir
álíti það, og sums staðar erlendis
er jafnvel hægt að fá íslenzk merki
— og jafnvel sjaldgæf hér heima —
á ótrúlega lágu verði. Oft er betra
að ná í íslenzk merki erlendis, —
segir Magni, ])ví mikill hluti þeirra
hefur liafnað þar, bæði utan á bréf-
um sem send hafa verið út og svo
var mikið um það þegar gjaldeyris-
örðugleikarnir voru sem mestir, að
menn færu með frímerki með sér út
og seldu þar til að afla sér gjald-
eyris. Nú er verið að kaupa þessi
merki aftur inn í landið fyrir er-
lendan gjaldeyri.
Einu sinni fékk Magni af tilvilj-
un tvö erlend merki — frá Afríku,
ef ég man rétt — og þau voru föst
saman þannig að ekki var gatað á
milli þeirra. Að öðru leyti voru þau
venjuleg. Hann bauð þau til sölu
erlendis, og fékk fyrir þau um 6000
krónur. Svona getur maður dottið
í lukkupottinn þegar maður er í
frímerkjabransanum, eins og sagt
er.
Kannski þú eigir einhvers staðar
í fórum þínum gömul uinslög utan
af ástarbréfum eða einhverju slíku,
og að þar leynist merki, sem geti
greitt fyrir þig húsaleiguna næstu
mánuði eða næstu afborgun af bygg-
ingarláni. Hver veit? Ég mundi ráð-
leggja þér lil að fara að leita ...
Og hvað sem þú gerir, þá láttu
það ekki henda þig að henda not-
uðu frímerki. Þú mátt reikna með
krónu fyrir hvert þeirra að jafnaði.
G. K.
Kex, tvíbökur o. fl.
Framhald af bls. 15.
II. 1 kg hveiti, 350 gr smjörlíki,
250 gr sykur, tvær tesk. kardimomma,
% 1. súrmjólk, 7 tesk. lyftiduft, 1
tesk. sódaduft.
Bakað eins og fyrri uppskriftin.
Ostastengur:
200 gr smjörlíki, 100 gr rifinn ost-
ur, 200 gr hveiti.
Smjörlíkið er haft volgt og hrært
með ostinum og hveitinu og úr deig-
inu eru búnar til stengur, sem eru
skornar i ca. 8 cm löng stykki. Þau
eru smurð með eggjarauðu og bök-
uð í meðalheitum ofni. Borin fram
heit eða köld, auðvelt er að hita þau
upp inn í ofni við litinn hita, ef þau
hafa verið geymd eitthvað.
Ostamedalíur:
200 gr smjörlíki, 200 gr rifinn ost-
ur, 2 eggjarauður, 200 gr hveiti, %
tesk. paprika, 1 tesk. salt.
Smjörið hrært með ostinum, eggja-
rauðunum og kryddinu, hveitinu bætt
í og allt hnoðað saman og flatt út.
Búnar til kringlóttar kökur, sem eru
bakaðar ljósbrúnar. Lagðar saman
tvær og tvær og á milli þeirra er sett
grænt smjör meö hökkuðum hreðk-
um. Líka má hafa þær einfaldar og
sprauta grænu smjöri á þær i hring
að utanverðu og leggja hakkaðar
hreðkur innan i. Líka má nota osta-
krem á milli þeirra, en það er búið
til á þennan hátt: 1 eggjarauða er
hrærð með % matsk. af hveiti og
50 gr af rifnum osti og það hrært
út með lti dl af heitri mjólk, hrært
yfir lághita þar til það er þykkt. Úr
þessari uppskrift má líka búa til osta-
kex, og er þá hafður heldur minni
ostur í deiginu og það flatt þynnra
út. Það er þá skorið i ferhyrninga
ag stungið i það með gaffli, og bakað
Ijósbrúnt.
Saltstengur:
500 gr hveiti, 2% matsk. lyftiduft,
50 gr smjörl., lVz matsk. sykur,
% matsk. salt, ca. 2% dl mjólk.
Búnar til mjög mjóar stengur, ca.
8 cm langar. Gerðar þrjár skorur of-
an á hverja stöng og þær smurðar
með mjólk og grófu salti stráð á þær.
Bakaðar Ijósbrúnar.
Úr þessu deigi má líka baka kúmen-
kringlur. Þá eru litlar kringlur gerð-
ar úr stöngunum, en deigið hefur
verið blandað 4 tesk. kúmeni. Smurt
með eggi áður en það er bakað.
Einnig má baka rundstykki úr
sömu uppskrift. Þau eru þá smurð
með eggi eða mjólk, áður en þau
eru bökuð og skorið einu sinni ofan
í hvert þeirra.
HERRAPEYSA.
Framhald af bls. 14.
Takið nú lykkjuna á öryggisnál-
inni prjónið 1 I. sl. og 1 1. br. á
prjóna nr. 3 og prjónið lengju sem
nær að miðju hálsmáli að aftan.
Ath. að strekkja lengjuna dálítið um
leið og hún er mæld.
Vinstra framstykki er prjónað
eins, en gagnstætt ]iví hægra. 7
hnappagöt eru gerð ó hnappagata-
listann, það fyrsta er gert 2 cm frá
uppfitjun, það efsta 2 cm áður en
hálsmálsúrtakan byrjar og hin 5.
með jöfnu millibili. Til þess að
finna nákvæmt millibil milli
hnappagatanna er ágætt að telja út
umferðir eflir lengjunni á hægra
framstykki.
Hnappagötin eru gerð þannig að
4 1. eru prjónaðar fró jaðri, 4 1.
felldar af og 4 1. sem eftir eru prjón-
aðar. — í næstu umferð eru fitj-
aðar upp 4 1. yfir þeim affelldu frá
fyrri umferð.
Ermar: Fitjið upp 60 (62) 64 (66)
I. á prjóna nr. 3 og prjónið 1 1. sl.
og 1 1. br. 7 cm. Takið prj. nr. 3Y>,
prjónið mynztur og aukið út 14 1.
með jöfnu millibili yfir 1. umferð.
Aukið út 1 umf. i hvorri hlið 8. hv.
umferð þar til 1. verða 104 (108)
112 (116). Þegar erinin mælist 46
(47) 48 (49) cm, eru felldar af 7 1.
í hvorri hlið. Takið síðan úr 1 I. í
hvorri hlið I annarri hv. umf. þar
til ermin mælist 58 (60) 62 (64)
cm og þá í hverri umferð næstu
3 cm. Fellið af.
Pressið öll stykki mjög lauslega
frá röngu eða leggið þau á þykkt
stykki, mælið form þeirra út með
títuprjónum, leggið rakan klút yfir
og látið þorna vel áður en hreyft er.
Saumið listana á framstykkin.
Saumið síðan axlar-, hliðar- og
ermarsauma með aftursting og
þynntu ullargarninu. Festið ermum
i handvegi.
Gangið frá hnappagötunum með
venjulegu kappmelluspori og festið
tölur gagnstætt þeim á hægri barm.