Vikan - 22.05.1968, Blaðsíða 18

19 VIKAN 2# tbI-
YFiRGAF KONU OG BÖRN
í 27 ár var Antony Quinn kvæntur Kather-
ine DeMille. Þá las hann bók um listmái-
arann Gaughin, sem yfirgaf konu sína og
börn og fór til Tahiti. Quinn ákvað að gera
slíkt hið sama. Hann vildi vera frjáls,
flakka um heiminn og lifa fyrir líðandi
stund.
GERDIST
FUKKARI
DRÆTTIR andlits hans eru grófir, en brún augun lýsa í senn viðkvæmni, gáfum,
kímni og hyggindum. Hann er oft illa 1 akaður, oft með margra daga skegg. Hann
er miðaldra maður, nánar tiltekið 52 ára gamall, og sjö barna faðir. Bandarísk-
ir kvikmyndagagnrýnendur kusu hann nýiega þann skapgerðarleikara, sem mest-
an kynþokka hefur til að bera.
Allir þekkja hann af hvíta tjaldinu. Leikur hans í myndum eins og „La Strada“,
' ''„Byssurnar í Navarone“ og „Zorba“ hefur gert hann frægan um víða veröld.
Hann vekur samúð og forvitni hvar sem hann fer. Hann er frjálsmannlegur og með
öllu óþvingaður. Hann er eins og flesta dreymir um að vera.
m
Hann fæddist í Mexicó; í litlum kofa í Chihuahua, meðan hin blóðuga bylting Pancho
Villas geisaði. Móðir hans var mexikönsk og aðeins sextán ára gömul, þegar hún átti
hann. Faðir hans var nítján ára ævintýramaður frá írlandi. Hann kvæntist hinni sextán
ára gömlu Manuellu af borgaralegum ástæðum, — til þess að forða henni frá hneisu og
óþökk fjölskyldu hennar.
Þau flýðu frá Mexico og höfnuðu í fátækrahverfi í Los Angeles. Barn að aldri var
Antony látinn vinna með föður sínum. Þeim tókst að sjá sér og móðurinni fyrir brýn-
ustu lífsnauðsynjum með því að bera út blöð og pússa skó. Nítján ára gamall hafði
Antony gegnt hinum óskyldustu störfum. Hann hafði verið rafmagnsmaður, slátrari,
byggingaverkamaður, klæðskeralærlingur og leigubílstjóri. Hann vann í verksmiðju,
þegar hann tók þá ákvörðun að gerast boxari. Hann sigraði sextán sinnum í röð í keppni
og þótti efnilegur. En í sautjánda skiptið tapaði hann og gafst þá upp. Þá ákvað hann
að heiga lislinni alla krafta sina í framtíðinni. Hann lék á saxófón á samkomum hjá
fríkirkjusöfnuði. Hann tróð upp sem dansari. Nokkru síðar hélt hann sínar eigin sýn-
\ ingar. Útbúnaður hans var hvorki margbrotinn né ríkulegur: eitt hvítt lak, olíulampi
og grammófónn. Það kostaði eina krónu að horfa á sýningu hans. Það atriði sem bezt
þótti takast var, þegar Antony hermdi eftir A1 Jolson.
Fyrsta hlutverk sitt í kvikmynd fékk hann á fölskum forsendum. Hann laug þvi, að
hann væri borinn og barnfæddur indíáni. Hann lék indjánahöfðingja í mjmd, sem hinn
frægi leikstjóri í Hollywood, Cecil DeMille, stjórnaði.
Þegar hann nokkru síðar kvæntist fósturdóttur DeMilles, Katherine, lýsti hann því
yfir, að hann væri alls ekki indjáni, heldur Mexicani. De Mille hafði aldrei verið hlynnt-
ur þessum ráðahag, og ekki varð hann blíðari á manninn eftir yfirlýsinguna.
Fyrsti sonur þeirra drukknaði barnungur í tjörn. En þau eignuðust fjögur
börn til viðbótar: þrjár telpur og einn dreng. Antony Quinn hélt áfram að leika í kvik-
myndum. Hann lék hvert smáhlutverkið á fætur öðru.. Leikstjórunum fannst hann of
grófur og illmannlegur ásýndum, og þess vegna fékk hann aldrei að leika annað en
skiirka og misyndismenn. Hann var oftast drepinn snemma í hverri mynd. Það er varla
til sú aðferð til að deyja, sem Antony Quinn hefur ekki þurft að leika fyrir framan
kvikmyndavélarnar!
En smátt og smátt stækkuðu hlutverk hans. Og þar kom, að hann fékk Oscars-verð-
launin tvisvar sinnum með stuttu millibili. Fyrst fékk hann þau fyrir leik sinn í mynd-
inni „Viva Zapata“ og síðan fyrir myndina „Lust for Life“.
í hvert skipti sem Antony Quinn tekur að sér nýtt hlutverk, hvort sem það er stórt
eða smátt og hvort sem um er að ræða ómsrkilegan indíánahöfðingja eða eitthvað ann-
að, þá leggur hann sig allan fram og reynir að gera sitt bezta til að ná góðum árangri.
Hann lætur sér ekki nægja að leika vel á yfirborðinu. Hann lifir sig inn í hvert einasta
hlutverk.
Framhald á bls. 30.
VIÐ FLETTUM FRÁ VINSTRI TIL HÆGRI
20. tbi. VIKAN 18