Vikan - 23.10.1969, Blaðsíða 3

31. árgangur - 43. tölublað - 23. október 1969
í NÆSTU VIKU
Geimfararnir halda áfram að segja frá
hinni stórkostlegu tunglferð.
I þessu blaði birtum við frásögn
Armstrongs en næst kemur röðin að Aldrin.
Hann er léttur í skapi og segir skemmtilega
frá. Margt kemur fram í grein
hans, sem ekki var áður vitað, eins og
til dæmis, að hann gekk til altaris
á tunglinu.
„Fjarri heimsins glaumi" heitir næsta
framhaldsaga Vikunnar, og tekur hún við af
Angelique. Þetta er framhalds-
saga, sem við mælum eindregið með.
Hér er um að ræða kvikmyndasögu
sem gerð er eftir skáldverki hins fræga,
brezka rithöfundar, Thomas Hardy,
en þekktasta saga hans er Tess. Kvikmyndin
verður sýnd í Gamla biói,
þegar sögunni lýkur hér í Vikunni.
Háskólarektorinn, rithöfundurinn og leikarinn
Peter Ustinov gisti ísland í síðasta
mánuði í tilefni af frumsýningu
nýjasta leikrits hans í Þjóðleikhúsinu,
„Betur má ef duga skal". Hann tafði
hér aðeins í örfáa daga, en
VIKAN fylgdist ofuriítið með ferðum
hans og í næsta blaði birtum við myndir
af honum á Þingvöllum og víðar.
1 ÞESSARI VIKU
Mikið hefur verið skrifað um tunglfarana,
enda eru þeir sannkaliaðar hetjur okkar tíma.
En frásagnir þeirra sjálfra hafa þó enn
ekki komið fyrir almenningssjónir.
VIKAN hefur fengið leyfi til að birta þær,
og i þessu blaði segir Armstrong frá
hinni ótrúlegu ferð frá sínum sjónarhóli.
I næstu blöðum birtast síðan ferðasögur
Aldrins og Collins.
Þótt íslenzki þjóðbúningurinn sé í
hávegum hafður og allir séu sammála um
fegurð hans og reisn, verður því ekki neitað,
að hann hefur lítið sem ekkert notagildi
lengur. Margar tillögur hafa komið fram
um breytingar á honum til samræmis við
tízku nútímans. I þessu blaði birtum
við nokkrar tillögur eftir Baltasar teiknara —
bæði í gamni og alvöru.
Myndarleg húsgagnasýning var haldin
í Laugardalshöllinni í siðasta mánuði
og þótti nýstárleg og forvitnileg fyrir margra
hluta sakir. Islenzk húsgögn eru fylliiega
sambærileg við erlenda framleiðslu
og virðast vera í stöðugri framför.
VIKAN brá sé á sýninguna og i þessu blaði
birtum við myndir frá henni á sex
blaðsíðum.
Sigurður Hreiðar Gylfi Gröndal
RitstióraskiPti
Um síðustu mánaðamót urðu þær
breytingar á ritstjórn Vikunnar, að
Sigurður Hreiðar lét af ritstjórastarfi.
Sigurður hóf starf við Vikuna árið
1963, var blaðamaður í nær fjögur ár,
en tók síðan við ritstjórastarfi af Gísla
Sigurðssyni 1. marz 1967. Sigurður
befur unnið mikið og óeigingjarnt
starf fyrir Vikuna, og blaðstjórn og
samstarfsmenn lians þakka lionum
fyrir ánægjulega samvinnu og óska
bonum beilla í hinu nýja starfi við
Samvinnuskólann Bifröst í Borgarfirði.
Við ritstjórastarfi teltur Gylfi Grön-
dal, sem verið hefur meðritstjóri Vik-
unnar um nokkurt skeið. Hann var i
fjögur ár ritstjóri Fálkans og síðan
ritstjóri Alþýðublaðsins i þrjú ár.
VIKAN Útgefandi Hilmir hf. Ritstjóri: Gylfi
Gröndal. Blaðamenn: Dagur Þorleifsson og Ómar
Valdimarsson. Útlitstcikning: Halldóra Halldórsdótt-
ir. Auglýsingastjóri: Jensina Karlsdóttir. — Rit-
stjórn, auglýsingar, afgreiðsla og dreifing: Skip-
liolti 33. Símar 35320 — 35323. Pósthólf: 533. Verð
i lausasölu kr. 50.00. Áskriftarverð er 475 kr. fyrir
13 tölublöð ársfjórðungslega, 900 kr. fyrir 26 tölu-
blöð missirislega. Áskriftargjaldið grciðist fyrirfram.
Gjalddagar eru: Nóvember, febrúar, maí og ágúst.
43 tbi. VIKAN 3